الشيطانة الفاتنة

الجزء 74

لاسقها معاه بدات تنفس بجهد تخالطو انفاسهم كان ديك ساعة الغروب ديال الشمس و عاطي رونق واااعر وجو رومنسي
قيس:ليليا أنا كنبغيك
كانت هاد الكلمة كافية باش تهز قلب روح وتحطو بدا يضرب بجهد حسات براسها ملكات الدنيا ولكن تفكرات شكون هي وشنو وقع ليها نزلات دمعة من عينيها بعداتو عليها
روح:الحب ماشي كافي ا قيس ماشي كافي
قيس:لا كااافي ا حياتي على قبلك ندير المستحيل
روح:معمرك مغادي تخلى عليا
قيس:نتخلا على روحي و منتخلاش عليك
حسات بالامان حشمات وحدرات راسها طلعو ليها
قيس:يلاه قولي شنو بغيتي تقولي
يلاه اتنطق سمعات شي هضرة فودنها لي خلاتها تشوكا فبلاصتها خرجات عينيها على الاخر وولا فمها بيض
قيس:مالك
روح:خاصني خاصني نمشي دابا
قيس:فين غادا
روح:انقول ليك كلشي وعد مني ولكن ماشي دابا
مشات كتجري تبعها ولكن طارت بواحد السرعة بحال إلا شافت شي جن ركبات فلوطو و عفطات باقصى سرعة دارت فgps لوطيل روايال منصور بقات متبعة الاشارة وصلات كان طاح الضلام بانو ليها الناس داخلين خارجين معرفات مدير حتا جوزيف قاطعة معاه الاتصال معندها كيف تقول ليه بلي هداك فخ وبلي العملية اتدار فاوطيل ثاني ماشي فهداك بقات تفكر شوية بان ليها شي رجال داخلين للباركينك لابسين كلشي كحل تيراو فالعساس حلات ساكها جبدات سلاحها ودارت فيه كاتم الصوت وجبدات موس دارتو فجيبها للاحتياط و هبطات كتسلت تبعاتهم لفين مشاو بان ليها واحد هو لي كيعطيهم اشارات باش يتفرقو تيرات فيه لراس كلهم وقفو كلهم كيشوفو فيه كيطيح فالارض بداو يقلبو عليها تخبات ورا واحد العمود كان قريب ليها واحد يلاه غادي يشوفها حسات بشي حد جرها بجهد و خشاها فواحد القنت قلبها بدا يضرب بجهد طلعات راسها فيه دوا فودنيها بهمس نفسو كدرب فوجهها
صرب :شوووت كلشي ايكون بيخير الفرثة قريبة توصل راه علمتهم بقاي هنا
روح:(بعداتو) بعد مني انمشي حتا أنا مالي محنية
صرب:اتبقاي هنا
روح:انمشي(معصبة)
عطاها سلاح اخر و شد حتا هو جوج فيديه خرج و بدا يتيري و تبعاتو روح بداو يتيريو والعدد ديال الرجال مبغايتقادا جاو الوسط وعطاو لبعضياتهظ بالضهر و بقاو يتيري كاين لي هرب طلع للاوطيل و كاين لي بقا تم شوية بان ليهم كلشي طايح فالارض يلاه بقا يدور حس بقرطاسة فكرشو خرج عينو بالالم بان ليه واحد بولحية هو لي تيرا فيه طاح للارض و طلع راسو فيه بان ليه بغا يعاود يتيري كانت غادي تجي ل روح فضهرها ناض وقف صرب بزربة وجات فيه هو القرطاسة للكتف صبر وهز سلاحو تيرا فيه جاتو للراس مات فالبلاصة بقا واقف صرب بالجهد لي فيه دارت عندو روح شافت ضهرو ابتاسمات جبدات الموس و غرساتو ليه فضهرو جيهة الكلوة
صرب:ااااااه (خرج عينو و ابتاسم مني عرف شنو كان كيقصد جابر بهضرتو نول على ركابيه)
روح:(دوات فودنو بهمس)اممم موت هنيئ ا راجلي العزيز تمنيت نقتلك و أنا مزااال على دمتك