الشيطانة الفاتنة

الجزء 36

جلس حتا صرب وبقا خدام على دوسي ديالو حتا ضلام الحال 

صرب:نوض براكة علينا

قيس:اووك يلاه 

خرجو وكل واحد مشا فلوطو ديالو مشا قيس للقصر دخل ملقا مو وكنزة شادين لحتيت مشا جلس معاه من بعد ما سلم عليهم

قيس:مرت عمي فين هو اياد و ليليا

لمياء:مزال مجاو من الشركة دابا يتمو داخلين 

قيس:اووك الوليدة لباس ولفتي

كنزة:ااه اولدي لقيت لمياء ونساتني انخارط معاها فالجمعيات ديالها 

قيس:مزيان ا ميمتي 

شوية سمعو الهضرة وتمو جايين روح و غزل واياد سلموا عليهم

غزل:مبقيناش انخرجوا نسهروا

قيس:لاا مزاال ياك ا ليليا

روح:لي بغيتو 

اياد:اووك يلاه

روح:صبرو نمشي نبدل 

اياد:اووك 

طلعات هي وغزل بدلوا لبسات روح كسيوة كحلة قصييرة خلات شعرها مطلوق على راحتو زادت غمقات المكياج لبسات طلونها و هبطات هي هابطة مع الدروج وقيس حال فمو على الاخر كانت الكسوة مبينة تفاصيل جسمها المنحوووث والجداااب صدرها كيطل وواقف لي هونش خارجين من جناب جايا راسماها بلع ريقو

قيس:(بشوية)الله يصبرني منغتاصبهاش هادي بغاتني نخطف مها واقيلة 

مشات عندهم ووقفات حداهم

كنزة:تبااارك الله ما شاء الله بنتك كتحمق

جا محمد لي كان يلاه دخل عنقها من اللور وباسها فخدها 

محمد:هادي الاميرة ديالي البرنسييسة ديال هاد الدار

كنزة: إن شاء الله تكون عروستي

غرقات روح فحوايجها قدام باها هزات عينيها ف قيس كان اياكلها بعينيه بقات تشوف فيه وكتخايل فبالها بلي هما مزوجين و عايشين فسعادة ووليدلتهم دايرين بيهم شوية تفكرات بلي هي ماشي بنت وغتاصبوها ربعة شكون ايقبل عليها بهاد الحالة نزلات دمعة حرقات خدودها مسحات بالخف شوية تمات هابطة غزل لابسة شريويطة كون غير بقات عريانة وهنات الوقت 

اياد:اييه نتي فين غادة بهاد الحالة

غزل:هاكا مولفة نلبس

اياد:وحنا معندناش البنات كيلبسو هاكا سيري بدلي عليك 

روح:غير خليها على راحتها ا خويا هي حرة 

اياد:لي عندي قلتو تهزي بدلي هادشي

طلعات مفقوصة شوية هبطات لابسة كسيوة حد الفخد فالغوز مزيرة عليها جاتها سو كيوت 

اياد:لا شنو بدلتي دابا كون بقيتي بهاديك نيت

غزل:ونتا مالك اصلا ها هي ليليا لابسة بحالها 

روح:صافي زيدو ولا ندير بناقص

خرجو وركبات روح مع قيس فسيارة وحدة و غزل مع اياد مشاو لواحد لكلوب نات دخلوا وريزيرفاو طبلة بعيدة شوية vip طلبوا اش بغاو طلبات روح فوطكا و غزل غير كوكتيل فواكه و الشباب شامبانيا بقاو جالسين وكيسمعوا للزدحة وغزل بحال إلا جالسة فوق الجمر وهي كتشوف روح و قيس لي محيدوش عينيهم على بعضهم كانت روح فعالمهم الخاص عالم لي نضرات هما لي كيدويو كتحس باحساس فشي شكل عمرها مجرباتو فرشات كيطيرو فمعدتها و قلبها كيضرب بجهد هادشي غير من شوفاتو 

قيس:(ناض و مشا عند روح)تقبلي هاد الرقصة

روح:ويي 

شدات لي يدو وناضو مشا قيس عند ديدجي قال ليه يدير ليه موسيقى رومنسية داها للبيست لي كانت خاوية وشاعلة بالضواو بالحمر عطات جو رومنسي شدها من خصرها و قربها ليه هي دورات يديها على عنقوا تلقاو عينيهم وتوقف الزمن عندهم بداو يتمايلوا على الحان الموسيقى و يديه كتسارا فضهرها بحنان هو معارفش بلي هاد الحركة كتخلي كل بلاصة فيها كتحرق هبط شاف ففمها وركز عليه عاد طلع عينو لعينيها ثاني هز خصلة من شعرها و شمها 

قيس:ريحتك زوينة كلك وكلشي فيك زوين اشنو درتي فيا ا ليليا ما بين نهار وليلة حتاليتي قلبي

روح كانت طايرة فالسما للحضة نسات المنضمة نسات الانتقام نسات ختها نسات كلشي تمنات الوقت ولا تكون الضروف مغيرة تمنات يكون قيس ماشي ولد عدوها تمنات يكون ماشي بوليسي وكيقلب عليها تمنات كون متغتاصباتش وبقات بشرفها وأهم حاجة تمنات يكون قال هاد الهضرة لروح ماشي لليليا واخا تكدب على راسها حتا تعيا هادشي لي كتحس بيه مخصوش يكون حيت هاد الحب مستحيل وضروف لي حرماتو دفعاتو عليها و مشات كتجري للحمام دخلات وشافت راسها فالمرايا وطلقات العنان لدموعها كتبكي وتشهق شحال قدها تبان قوية نسات يمكن بلي هي إنسان ضعيييف بزاف هي أنثى عندها قلب مضرباتش لحساب للحب لي كيدخل بلا استؤدان تبكي وتقول مابكات شوية سمعات للباب تحل بجهد كان قيس شافتو مسحات دموعها دغيا

روح:خرج ا قيس خرج 

قيس:(شدها ولسقها مع الحيط)مالك لاش كتهربي مني

روح:(كتحاول تبعدو مي هو صحح منها ببزاااف كتبان كيف نميلة حداه)بعد مني مكنهربش منك

قيس:(شد يديها وطلعهم للفوق و تلاح على فمها كيبووووس فيه بجهد و يمص ويعض هي استحلاتها غمضات عينيها و خلاتو يدير مابغا هبط يديه لجسهما كيقيس فيه و يتلمسو و داخل فعالم الشهوة مخلط بالعشق لي أول مرة يجربوا حتا هو بعد عليها وهو مساخيش كانت مزال مغمضة عينيها)شحال بنينة