الشيطانة الفاتنة

الجزء 137

صرب:لاا لا اه ماشي دابا
نزل على ركابيه ومزير عليها مكرهش يقطعها باش يتهنا غلبو الألم وخاد ليه جهدو حتا بدا كيغيب وكيشوف جوج جوج من الحاجة ودنيا كضور سمع خطوات قراب ليه وصوت شي بنت جات كتجري عندو وتلهت تحنات عندو وهزات راسو بين يديها كضرب فحناكو بشوية
جنات:صرب صرب هءهء فيق هءه ها أنا جيت
كانت كتبان ليه الضبابة
صرب:ر و ح
جنات:كيفاش شنو قلتي هءه صرب صبر راه جبت ليك الدوا
حلات جيبها وجبدات دوا وهي كترعد دارت ليه حبة ففمو وعنقاتو كتموت بالبكا على حالتو شوية بدا يسترجع وعيو وضاحت ليه صورة شافها قدامو عقدهم وناض جمع الوقفة
صرب:لا جيتي
جنات:(كتمسح دموعها)احم سمعتك مني لحتي شي حاجة و و وفقت و و
صرب:على العموم يمكن ليك تمشي دابا وليت صافا
جنات:ولكن...
عطاها بالظهر ومشا وقف عند واحد الشجرة جبد كارو من شورط وبريكة شعلو وبدا يكمي معصب لأقصى درجة وغير على سبة
اما هي جمعات الوقفة وساست حوايجها لي كانو عبارة عن كولون فالبينك مبين مفاتنها وديباردور فالبيض باينة شقا دصدرها منها طالقة شعرها القهوي المااايل للاشقر مكانت دايرة والو لوجهها من غير مرطب شفاه وكحل بارز عويناتها الرماديين
شافت ضهرو تنهدات بعمق متحسرة على حالتو بعدها رجعات منين جاات
اما هو بقا ينثر من داك الكارو كملو وزاد جوج ثانيين شاف بعيد
صرب:غدا غادي تكون دازت 6 سنين ا روح 6 سنين بحال إلا غير البارح مشيتي من ديما هاكا متمردة حتا موتك صعيب ينساوه الناس مشيتي وخليتي جرح مبغاش يبرا مشيتي وديتي معاك كلشي زوين
غمض عينو بيأس ورما الكارو عفس عليه ورجع منين جا دخل للفيلا لقاهم كيوجدو الفطور داز من حدا مو باس راسها وطلع للجناحو خاد دوش خفيف لبس لباس الرسمي عبارة عن كوستيم فالكحل مع قميجة نواغ ولا الاسود هو لون لي كيلبس ديما حيت هو لي كيعبر على حزنو وسواد قلبو قاد شعرو ولحيتو كان كيركب فساعتو حتا سمع الدقان من دقة عرف شكون متسوقش ولكن منين عاود دق مشا حل الباب عاقدهم كانت شابة فالعشرينيات من عمرها شعرها طوييييل واصل لخصرها وكحل بشرتها حنطية عويناتها كحلين بحال ليل ورموشهم طواال الفيم منفوخ سنينات مستفين وبيضين كانت كسيوة فالحمر حد الفخض مزيرة وعريانة من صدر نصو باين
صرب:اش بغيتي
باستو فحنكو ومشات دخلات تكات ففراشو واخدة راحتها