الشيطانة الفاتنة

الجزء 73

جوزيف: اه شكرا ا خويا
صرب:هانيا
مشا وخلا جوزيف واقف شوية دخل عندها جلس فالكرشدسي وشد ليها يديها باسهم من الداخل ومن برا
جوزيف:صباح نور الاميرة ديالي مبغيتيش تحلي دوك العوينات خلاص
تنهد مني ملقا حتا جواب ناض باش راسها و خرج
جوزيف شاب لا يقل وشامة عن باقي الابطال فعمرو 28 سنة عبقري فعالم المعلوميات خدا الدكتورة ديالو فهاد المجال وكان باغي يلتاحد بعسكر ويقدم اختراعاتو وتستافد منهم الدولة ولكن بسباب واحد ليلة عمرو ينساها ضارب مع راجل ختو لي كان كيتكرفص عليها بالعصا ودفعوا بجهد و تزدح ليه راسو مع الارض مات فالبلاصة دخل جوزيف للحبس دوز عامين و خرج بالعفو ولكن مني خرج كلشي تبدل أولهم عائلتو لي سخطو عليه حيت قتل راجل بنتهم و ثانيا حلمو لي ضاع حيت دخل الحبس مبقاش يقدر يدخل للعسكر نهار فيها حتا لقاه جابر و تبناتو المنضمة وستافدات من عبقريتو جوزيف من اصول لبنانية باه لبناني و مو مغربيه وهو كيتابع ديانة المسيحية ماشي مسلم سمر و حروفو كحلين قلبو بيض و موضريف مي مني كيتعصب كيواي الجن الزرق
نرجعوا لقصتنا خرج ثاني صرب ورجع للمنضمة وفالطريق عيط للمحامي يوجد ليه الوراق الطلاق وصل ودخل لبيتو دوش وولبس سروال دسورفيط رمادي مع تريكو كحل مزير عليه ايطرطق عمر كاس دالشراب ووقف فالبالكون كيجغم جغمة ويبقا يفكر شحااااال ومعضم تفكيرو روح ولات ساكنة ليه بالو ولكن ماشي حيت كيبغيها نو حيت جدبو غموضها و طريقة باش كتخفي حزنها وقوتها لي كتخليه غير حال فمو يكدب على راسو إلا مكانتش جابت ليه تمام
أما روح بقات جالسة وسط ديك روينة مدة حتا سمعات طيلي بان ليها مكتوبة قيس قلبها بدا يضرب مسحات دموعها وجاوباتو
روح:وي قيس
قيس:بغيت نشوفك دابا خديت ادن و خرجت من الخدمة فين كاينة
روح:(يلاه كانت اتصدرو مي سكتات مدة وقررات تعاود ليه كلشي ولي ليها ليها) واخا نتلاقاو ف...
قيس:واخا و ردي البال فالطريق
روح:حتا نتا
قطعات معاه و جمعات الوقفة خرجات حيت عارفاهم ايكونو مشغولين مع العملية الارهابية ونسات جهاز التسنط فودنها مطفاتوش يعني مزال كتسمع شنو كيقولو فالمكتب ركبات فلوطو و هي مرفوعة مشات لريسطو فين دايرة معاه دخلات خادت بلاصة فجنب كانت كطل على البحر بقات جالسة شحاال كتجمع قوتها و الكلماات لي غادي تقول ليه شوية تم داخل شداتها رعدة نزل باسها فجنب فمها خلاها غرقانة فحوايجها وجلس قبالتها
قيس:تلاقيتي مع صاحبتك
روح:وي
قيس:شكون هادي
روح:غير واحد البنت قرات معايا
قيس:اوك
عيط للسيرفور طلبو الغدا كالو فصمت و قيس كيحاول يفهم مالها حيت كان باين عليها الثوتر كملوا غداهم وطلب قيس كافي نواغ و هي والو بقات تلعب فيديها بارتباك و كدور عينيها وكتعض شفايفها
قيس:ليليا مالك
روح:بغيت نقول ليك شي حاجة
قيس:(خاد يديها)قولي
روح:(كتفكر فبالها إلا قالتها ليه بأشمن نظرة ايشوف فيها واش ايعضرها ولا مغيرحمهاش معندهاش ابدا الشجاعة بعدات يديها) يلاه نتمشاو شوية فالبحر وندويو
قيس:واخا
ناض خلص و مشا هو وياها جنب البحر بقاو يتمشاو شحال قرب ليها وشد يديها بغات تحيدها و لكن زير عليها بان ليهم واحد الكلب صغير كيجري عيط عليه جابر و بقا يلعب معاه بقات روح تشوف فيه كيفاش كيلعب تمنات من قلبها يتفهمها شوية جا عندها الكليب هبطات حتا هي لعبات معاه كب عليها قيس شوية ديال لما شافت فيه وصغرات عينيها هزات لما ورشات عليه عاودها وعاوداتو و هربات كضحك تبعها حتا هو شدها وهزها بغا يدخل بيها بدات تفركل
روح:هههه لا ا قيس وقف ههه
قيس:ههه شنو دابا لمك نغرقك
روح:لا صافي حطني حطها وشدها من خصرها