الشيطانة الفاتنة

الجزء 61

خرج صرب ومشا لغرفتوا تكا و هو فرحان بالانجاز العضيم لي دار ومتشوق لليلة شوية سمع الباب تحل و تمات داخلة داشا لابسة (الصورة)شافها ابتاسم جات عندو هبطات باست ليه فمو
داشا:توحشتك
صرب:(راشقا ليه) حتا أنا (بغا يجبد ليها لسانها بدا يدوز يدو على كتافها مرورا بصدرها وعنقها) شنو درتي هاد النهار
داشا: مشيت للمستودع فين حطينا شي سلعة شريناها البارح
صرب:امم مزيان
داشا:ونتا
صرب:(قرب منها طبع قبلة جنب فمها قلبها على سرير وجا فوقها) مدرت والو
داشا:(بعداتو عليها) خاصني نمشي خويا قبيلة عيط ليا
صرب:لاش
داشا:ديزولي مي شي حاجة سرية
صرب:اه اوكي
داشا:متقلقتيش
صرب:نو
باسها ففمو و خرجات فرحانة هو غير سمع الباب تسد جمع الوقفة طل من البالكون بان ليه البالكون دالمكتب ديال البوص قريب نقز ليه بالخف و حط ودنو على الباب كيسمع
البوص:شنو درتي ا داشا دكشي هو هداك
داشا:اه خويا كون هاني
البوص:مزياااان اول هدف ايكون عندنا ايكون غدا جاتنا تعليمات باش نفركعوا اوطيل شيراطون
داشا:(علامات الخوف باينين على وجهها) خويا واش تلاقيتي بديفايل
البوص:لا سيفط ليا رسالة راك عارفة عمرو بين وجهوا
داشا:ناري إلا مصدقاتش العملية ايقتلنا ا خويا
سمعوا تخرشيش فالبالكون دارو قافزين حيت كانو غير بجوج بحال هاد الاجماعات حتا حد مكيحضر فيهم بدا يقرب البوص من البالكون حلوا بالخف ملقا والو
داشا:اووف تخلعت ايكون غير البرد حرك شي حاجة
البوص:(مزال شاك) يمكن
كان صرب نقز بالخف و خرج كيجري مشا للوطو ديالو وعفط عفطة وحدة وقف قدام المنضمة ونزل كيجري دخل ولي كيدوز من حداه كيبقا يشوف فيه حتا حد معارفو دخل لغرفة الاجماعات لقاهم كل واحد مقابل شغلوا جوزيف مقابل البيسيات و كيم جالسة تخطط ولاخرين جالسين بان ليه جابر واقف حدا جوزيف
صرب:احم جابر
دار جابر مصدوم
جابر:شنو كدير هنا واش ناوي تسيفطني قبل الوقت
صرب:بغيت ندوي معاك و عفاك متخلطش الخدكة بالمواضيع الشخصية الفرقة كلها تجمع عندي هنا
تجمو كلهم
صرب:شكون أنا ولا شنو كندير هنا خلي جابر يقول ليكم بغيتكم كلكم و بدون استيناء تكونو واجدين لغدا غادي يديرو اول عملية ارهابية ولي غادي تقام فاوطيل شيراطون خاصكم تمنعوها بأي طريقة كيم
كيم:وي
صرب:نتي لي غادي تكوني القائدة ديالهم
دايمون:ولكن روح هي...
صرب:دابا ولات كيف حيت روح مشغولة بمهمة اخرة ناض وقف شافيهم كلهم
صرب:الله معاكم
تم خارج تبعو جابر
جابر:شنو درتي مع روح
صرب:الموضوع بين راجل ومراتي الوليد اه قبل منسا كون هاني أنا انقول ليها شكون أنا
جابر:الله يهديك من هاد الفعاايل
مشا ديك ساعة كتب رسالة خطية و دفعها للعميد ديالو فالشرطة وقال ليه على العملية الارهابية عاد رجع للمنضمة
أما روح مني خرجات من المكتب رجعات لغرفتها بقات غادا جايا فالاخير هزات ساكها و الكارط فيزيت ومشات للوطو ديالها وزادت وصلات للعيادة ديال الطبيب نسائي دخلات وهي محاملاش راسها غير قالت للبنت لي فريسيبسيون سميتها دخلاتها دغيا وسبقاتها على كلشي