الشيطانة الفاتنة

الجزء 80

روح:وي جابر لاش بغيتي تشوفني
جابر: على قبلك نتي و صر...
روح:(عاقداهم)متبدوش ليا ولا انمشي
جابر:بففف راسك قسح منو اتجلسي وغادي تسمعيني نتي راك بنت لمياء راك فمقام بنتي و بطبيعة الحال إلا كان غادي يأديك فراه غادي ياديني أنا قبل منك
روح:نتا راك خيبتي ضني فيك ا خالي خبيتي عليا وخليتيه يضحك عليا هو راه دمرني نتا محاسش بالجرح لي دارو فيا هو راه زادني وجع آخر حشومة عليك
جابر: أنا والله حتا نادم مبقيتش كنعس بسباب هادشي معمرني تخيلت اتوصلوا لهاد المواصيل عفاك ابنتي الله يرضي عليه متسوقيش ليه راه غادي تفرشو راسكم وكلشي يصدق مضروب فزيرو خاصكم تكونو يد وحدة
روح:(معصبة) يد وحدة قلتي ياك دابا أنا ندير يدي فيد داك خاينة خالي ماتبقاش تخربق شتي واخا ندوي حتا نعيا مغتحسش بسا حيت ببساطة نتا ماشي فبلاصتي وعمرك اتكون يعطيني تيقااار و أنا انعطيه بات بات تيقار ولكن إلا جبدني مغنعقلش عليه
جابر:(شد ليها يديها)مخليتي ليا منقول كلشي عندك فيه الحق ابنتي عمرك تنساي أنا بحال محمد تماما وكنخاف عليك بحال بنتي
روح:(حطات يديها على يديه) حتا أنا هاكا كنعتابرك كنتمنى عمرك تعاود تخبي عليا
جابر:ميكون غير خاطرك
روح:اه قبل منسا بغيتك تقلب ليا على شي سم يكون كيقتل ولكن ماشي ديك الساعة زعما بشوية بشوية فديك سيمانة
جابر:(مخلوع)ولاش بغيتيه
روح:بففف عند بالك انقتل داك شماتة متخافش بغيت نديرو لأحمد باش نبرد حيت هو لي وصل لختي لتم وسبابي فالنص ديال هادشي ومحدو مريض غادي نديرو ليه باش ميشكو فوالو
جابر:اه واخة غدا يكون عندك
روح:يلاه غادي يخصني نمشي
جابر:حتا أنا غادي
خرجو من بعد مخلص وصلها للوطو
جابر:عمرك تنساي أنا ديما فجنبك و فجميع الضروف
ابتاسمات ليه وعنقاتو
روح:شكرا
طلقاتو وركبات فلوطو ديالها بقا يلوح ليها بيديه حتا غبرات كانت غزل خادت ليهم صور مني شد ليها يديها و مني تعانقو ولكن لحسن الحظ مكانش باين وجهوا مزيان ابتاسمات بشر
غزل: امم بغيت نشوف وجهك ا قيس مني تشوف هاد الصور ولكن متشوقة لوجهك ا ليليا كثر ولكن ماشي دابا حتا نتأكد
نخليو هاد اللفعة فسمها ونمشيو لعند #روح
وصلات روح للمنضمة
دخلات والاعين عليها مشات للمكتب ديالها شوية دخل عندها ستيف