دكتور:اهلا مدام المريني
مجاوباتوش روح غير كتخنزر
دكتور:احم تفضلي باش ندير خدمتي
نعسات فوق الباياص قلبها بالخف وقال ليها تبعو للمكتب
دكتور:معندك والو ا مدام كلشي هو هداك(عطا ليها بواط) ويمكن ليك من اليوم تبداي تاخدي هاد الحبة خاصك تاخديها كل نهار فنفس الموعد و متزكلي حتا نهار
روح:هادشي لي كاين
دكتور:وي
ناضت خرجات بلاما تزير معاه كلمة ركبات فلوطو عاد بداو دموعها يسيلو كتحس بروحها كتحرق حطات راسها على الفولون وكاع دموع لي فيها خرجاتهم كتبكي وتنوح ناضت وبدات تضرب الفولون بجهد وتغوت
روح:ااااه اااه اربي عييت راني عيييت
ولاو عينيها بحال الجمرة ديمارات لوطو وملامحها مكيبشروش بالخير بقات غادا و موركة على الكسيراتور حتا ولات لوطو غاديا باقصى سرعة ليها مبقا كيبان قدامها واااالو سمعات الكلاكسون بجهد غمضات عينيها سمعات صوت طيلي وهي تفراني بجهد بقات كتشوف فنقطة وحدة ومكترمشش لسانها تربط هزات طيلي ويديها كترعد جاوبات بلاما تشوف شكون
لمياء:بنتي ليليا ليليا مالك جاوبي
روح:(فاقت من شرودها) ماما
لمياء:بنتي فينك واقعة ليك شي حاجة قلبي تزير عليا ياك نتي لباس
سدات روح فمها كتحبس البكية
لمياء:لييليا مااالك اش طاري ليك دويي
روح:والو ا اماما ها أنا دابا جايا قريبة نوصل
لمياء:اووك حبيبتي
قطعات معايا ديمارات لوطو وطلقات دموعها الطريق كلها وهي كتبكي وصلات للفيلا ركنات لوطو بعييدة مسحات دموعها بقات مدة كتحاول ترجع لطبيعتها عاد نزلات دخلات عندهم جات مها كتجري عنقاتها بجهد
لمياء:(شدات وجهها بين يديها) مالك احبيبتي
روح:(بابتسامة)والو اماماتي
الحاج:لاش مجيتيش البارح
قيس:ومكتجاوبيش على اتصالاتي
روح:بت مع صاحبتي
محمد:كان عليك تعيطي تقوليها لينا باش نطمأنو
روح:سمحو ليا
لمياء:صافي ماطرا باس كليتي احبيبة جاني وجهك صفر
روح:لا ا ماما فطرت فطرت
تمات مهودة غزل معرية ثاني فخاضها شافت روح مشات عندها عنقاتها
غزل:حبيبة فين وليتس تغبري حتا كنتوحشوك
روح: مافيا لي يدوي
غزل:احم على خاطرك نخرجو نديرو شوبينغ.؟؟
روح:(لقاتها سبة باش تهرب من الاستنطاق) واخا
قيس:أنا نوصلكم
غزل:(فرحانة)اوكي
خرجو ثاني مشات غزل طايرة ركبات القدام بقات روح غير كتحنزز فيها ركبات بهدوء لور وحطات راسها على الزاجة بقا قيس غير مقابلها لاحض ملامحها ولاو باااهتيين وباين فيهم الحزن
وصلوا للمول هبطوا وبقا قيس فلوطو يتسناهم
دخلات روح وغزل تقدات غزل عرااام دالحوايج أما روح هزات غير كسوة وحدة لي اتلبسها فالحفل وهزات شي اكسسوارات صاافي كملوا ورجعوا عند قيس ثاني رجعهم للقصر تغداو مجموعيين العائلة كلها هادشي كلوا و روح منطقات بحتا كلمة كلهم علامات القلق باينة فوجههم من جيهتها كملات طلعاادت لبيتها فصمت مبقاتش عندها القدرة باش تدوي اصلا هزات الكسوة لبساتها خلات شعرها مطلوق خلات المكياج لي كانت دايرة لبسات كعبها العالي وهزات صاكها وهودات لقاتها مجموعين كلهم لابسين ومقادين باش يخرجوا
خرجو وكبات روح فلوطو مع خوها طريق كلها وهو يحاول يضحكها وتقوول واش ضحكات مرفووعة وصلوا لمكان الحفل لي كان فالجمعية نيت كلشي على حقو وطريقو دانت جمعية ديال الامهات العازبات وفيها غير الشخصيات المرموقة والمعروفة فالبلاد حيت مدام البنيسي لي عرضات عليهم دخلات روح هي وخوتها بجوج داروها و سطهم وقفو فواحد الطبلة
أنت تقرأ
الشيطانة الفاتنة
Actionهاد القصة ليكم شي حاجة مختالفة تماما عمرها دازت فالتاريخ كتجمع كلشي باناشي🍹 كووووكتييل🍻اي حاجة جاتكم فبالكم كاينة هنا الحب 💏الهوس المرضي💑 العشق💓 الهيام💖 الرومنسية💕 ودراااما الغدر 💔الخيانة💔 الفقدان😢 الاغتصاب😨 الصداقة 👭الاخوة 👫من جيهة و...
