الشيطانة الفاتنة

الجزء 189

فمكان ثاني كانت جالسة قدام البارمان وكتشرب كاس ورا كاس حتا قالت سلمات وعمرها تعاود تحطو ففمها ثاني ولكن من بعد لي سمعات مبقاتش عارفة شنو كدير وقفات عليها جوري معصبة
جوري:اش كديري نتي هنا واش انبقا غير تابعاك أنا
طلعات فيها راسها وهي تبدا ضحك بجهد
جنات:ههههههه ههههههههه هءهءهء كلشي بسبابك نتي لي خليتيني نحلم بلي غادي تولي بيناتنا شي حاجة بسباابك وليت كنبغيه
جوري:ويلي تي سكتي شوهتينا
جنات:مغنسكتش سمعتيني مغنسكتش هو عندو بنت منها هءهء الراجل الوحيد لي بغيت صدق عندو ينت معاها هو عمرو يشوف فيا عمرو
جوري:(شداتها من كتفها)واااش عارفة شنو كتقولي نتي اش كتخراااي
جنات:سمعتهم بودني هي نكرات ولكن اكيد اتكون بنتو
جوري:ميمكنش سمعتيني مستحيييل تكون عندو بنت من ديك الموسخة
جنات:هادشي لي كتعرفي تقولي حتا خليتيني نبني احلامي عليه هءه
شدات راسها مصدومة بحال لا شي حد صرفقها جلسات حداها مكترمشش وراسها غادي يتفركع عليها
#صباح_جديد
كانت ناعسة على جنبها كتشوف فيه كيف ناعس حاط يدو على خصرها وملسقها معاه هزات يديها كدوزها على وجهو نيفو عويناتو حجبانو فمو ابتاسم بعدات يديها دغيا
صرب:(بصوت رجولي مدعدع)رجعيها
روح:احم خاصني نوض
حكمها مزيان
صرب:فين غادا هاربة
روح:طلقني خنقتيني
صرب:غادي نزيد نخنقك إلا تحركتي من هنا امممم (حط يدو على فخاضها)غلاضيتي زادت حلاوتك
روح:ويلي جمع يديك
صرب:وإلا مبعدش شنو اديري ا زوينة
روح:وا حيد خليني نمشي عند حنين مني مغاديش تلقاني حداها غادي تخاف مولفة تنعس حدايا
صرب:ديما كتنعس حداك
روح:وي
تؤكد بلي زواجهم ماشي حقيقي ولكن خاصو يتأكد 100% نفض راسو وجا فوقها بقات غير دور عينيها نزل كيبوس وجهها كلو هرها حتا قفزات ضحك حتا بانت ليه تقبة الزين وعينيه مغرزين لوات عليه يديها ونزلاتو ليها باستو ففمو بوسة ديال القلب خرجات فيها حبها كلو هو يبعد وهي تابعاه
صرب:يلاه كنتي كتقولي خليني نمشي عجبك الحال
عوجات سيفتها وسلتات من تحتو هكاك عريانة هزات البينوار لبساتو وخرجات من البيت مشات لبيت بنتها لقاتها مزال فسابع نومة باستها وزلات للتحت وجدات ليهم فطور شوية بان ليها نازل هو وحنين
روح:فاقت
صرب:تلاقيت معاها يلاه فايقة وجبتها عندك احم أنا جاي
خرج باينة فيه مقلق مني كيشوف حنين وكيتفكر بلي بنتها مع شخص ثاني كيبغي ينفااجر

خرجات عندو لقاتو كيكمي وقفات جنبو كتشوف فالبحر شم عطرها المميز بالنسبة ليه دار شاف فيها ورجع شاف فالبحر ثاني بقاو هكاك كيشوفو وحتا واحد مكيتكلم ولكن فالحقيقة اصوات اخرى لي كانت كتكلم اصوات القلوب لي كانت كتشكي للبحر على همومها مسر هو الصمت

صرب:روح غادي نسولك ولأخر مرة مخبية عليا شي حاجة خاصني نعرفها كيهددك شي واحد بشي حاجة
حدرات راسها كتفكر فواش تخطي ديك الخطوة ولا تراجع واش تقول ليه كلشي ولي ليها ليها ولا تسكت وتكمدها فقلبها على قبل بنتها
شد ليها وجهها بين يدو وطلعوا ليها وهو مزال شادو وصباعو كيدوزهم على خدودها وفمها شاف عويناتها كيبريو بدموع نزل باسها وتنهد
صرب:ياك عندي الحق ا روح نتي مخبية شي حاجة وماشي لخاطرك ياك
روح:(بداو دموعها ينزلوا شدات ليه يديه لي مزال شادين فيديها)منقدرش ا صرب منقدرش نقول ليك تيق فيا فالوقت المناسب انقول ليك كلشي
حيد يديه معصب وعروقو بانو حتا من عضلاتو زادو برزو وطراساو بالعصاب
صرب:لاااش متقدريش شنو لي حابسك شنووووو واش عارفة باش كنحس مني نشوفك مرت واحد آخر عارفة ولا لا لاااش تزوجتي بيه شنو لي فيه ومفياش ياك أنا كنت معاك من دينا وفاصعب الاوقات لقيتيني حداك ونتي شنو خسرتي عليا شنو حتا الحقيقة هي اللخرة مقاداش تقوليها لي شنو ايكلفك شنو
روح:هءهء مديرش ليا هكا ا صرب نتا الوحيد لي بقيتي ليا متعدبنيش هاكا متسولنيش متسولنييش عيييت أنا كلشي هاظشي كنديرو على قبلكم نتا وحنين كون مكنتوش كون راني مت هءهء مديرش فيا هكا
صرب:ونتي مديريش فيا هاكا راه رجولتي كتمرمدي بيها صبرت بزااااف صبرت للويل الكحل على قبلك واش عارفة شنو هي نعيش ست سنين وعند بالي بلي نتي ميتة وفالاخير تصدقي عايشة ومزوجة ووالدة وبلا حتا سبب مقنع نتي إلا كنتي كتعدبي انا راه كنت كنموت فكل لحضة نتي كنتي بعيدة كنت كنموت مني كنتفكر دير اللحضة مني لحتي راسك لي دوزتيه عليا ماشي قليل وحتال هنا وحبس إلا مقلتيش صراحة طريقنا غادي تفرق حيت للصبر حدود وأنا رجل أكبر عدو للحبي ليه هو كبريائي مغاديش نشوفك مع راجل آخر وغادي نغمض عيني يا تقولي يا تخرجي من حياتي
بقات كتشوف فيه لسانها تربط وعقلها تبلوكا شافت بنتها لي كانت كتاكل جات فبالها هضرة اوزان بلعات ريقها وعاودات شافت فيه
روح:انخرج من حياتك
صرب:واخة الالة واخة (مسح على لحيتو بعصبية ضرب فيها ومشا خلاها بحال المدبوحة كتخرج شهيق من اعماق قلبها حتا كتبح)كنبغيك هءهء كنبغيك على قبلكم أنا درت هاكا سمح ليا هءهء على قبلك ا صرب على قبلك
جلسات على ركابيها كتحس بقوتها نفدات جات عندها حنين كتجري عنقاتها شيء لي زاد اثر فيها زادت من وثيرة البكاء باغا تغوت كتحس بقلبها مجروح كينزف ودمو مزال ما بغا ينشف العشق كان كان كيحرقها بنيرانو
سكتات شوية كتستجمع لي باقي فيها مسحات دموعها وناضت