الشيطانة الفاتنة

الجزء 67

صرب:شكرا
مشا وخلاه بقا واقف شحال كيفكر واش يدخل ولا لا فالاخير قرر يدخل حل الباب وتم داخل بانت ليه مغمضة عينيها وشعرها مسرح فوق المخرة و فيها فاسما فعنقها مغطية ليها الجرحة بقا يتأملها جاتو فشي شكل وهي هاكا ضعيفة مولف يشوفها قوية وحتا حاجة مكتغلبها واخا غير 4 باش عرفها بدا كيقرب كثر خاد كرسي وجلس عليه وبقا يشوف فوجهها كيتفكر كيفاش كانت كدافع على راسها ومستسلماتش ليه بسهولة أول مرا تقاومو و متبغيهش مولفين ينزلو عند رجليه شوية بانت ليه دمعة دايزة من عينيها واخا مغمضين بقات فيه بدات تحل عينيها تقاد فالجلسة شافها كتشوف فسقف مدة دورات وجهها بان ليها بحال إلا شافت شي جن ناضت جلسات مخلوعة
روح:عتقوووني عتقووني هءهءهء بعد مني الله ياخد فيه الحق هءهءءهء الله يحاسبك على لي درتي فيا (وركات على زر باش يجيو الممرضات اصلا كانو سمعو الغوات شدوها كيهدنو فيها وهي كتغوت ربي لي خلقها و تركل وتبكي حتا تم داخل جابر شاف ديك الحالة طارت منو مشا كيجري عندها عنقها بجهد وبقا يدوز ليها على شعرها عنقاتو حتا هي وبدات تبكي هادشي كلو داز قدام صرب لي مصدووم معرف باش تبلا خرج من الغرفة وجلس كيشوف فيهم مجموعين عليها
تهدنات فحضن خالها قال ليهم يخرجو ويخليوها معاه وداكشي لي دارو خرجو وبقات غير هس وياه طلع ليها راسها ولاو حناكها حمرين ايطرطقو بالحمورية وحتا غينيها عروقهم برزو حمريين ولاو بحال الكبة ديال الدم و الدموع سايلين مفزكين وجهها كلو و شعرها مخربق و عرقان أما جسدها كلو كيترعد بحال مركبين فيها الضو شاف عنقها لقاه كلو مطبع فجيهة لي ممجروحاش عقد حجبانو محلف على صرب باسها فراسها
جابر:صافي ابنتي قهرتي عينيك بالبكا براكة عليك
روح:(كدوي و كتشهق منضرها يبكي الحجر) هءهء هو هءهءه هو تعدا عليا هءهءه عييت هءهء عييت ا جابر هءهءءهء عييت هءهء بغيت نموت اجابر ءهءهء إلا كنت عزيزة عليك واخا هءهءهء غير شوية قتلني وريحني هءهءهء 5 هءهءعء 5 لي تعداو عليا هءهء شنو درت اربي شنو درت أنا باش تجازيني هءهءهء بهادشي عييت اربي عييت عييت بغيت نموت هءهءهء
نزلات دمعة من عينين جابر ضرو قلبو من الاعماااق على هاد البنت لي الحياة منصفاتهاش
جابر: صافي ابنتي مبقاش ايقرب ليك صافي احبيبتي صافي أنا لي غالط خبيت عليك أنا لي منسواش
روح:(علات فيه راسها) كيفاش هءهء شنو خبيتي عليا
جابر:احم صرب ولدي
روح بحال إلا كبيتي عليها سطل ديال لما خرجات عينيها فيه حسات براسها كيمشي ويجي بحال إلا ضربتيها بشي حاجة ثقيييلة
روح:هاء
جابر:(نادم بزااف) اه هو ماشي ولدي ولكن ربيتو مني كانت عندو 8 سنين بحال ولدي تماما
روح:ولك ولكن هو خدام تم مع هد هدوك
جابر:حتا هو جاسوس ابنتي
روح:(غادا وكتحس بقلبها كيتقبض عليها)دابا نتا كنتي عارف بلي تزوج بيا وخليتيه يضحك عليا
جابر:لا لا والله مكان فخباري حتا دارها عاد قالها ليا
روح:نتا سباب فهادشي كلو هءهءهء نتا ا خالي نتا لي لقيت فيك عطف الاب خليتيه اغتاصبني هءهءهء عنري نسامحك لا نتا لا هو سمعتي عمري نسامحكم خرررررج عليا خرج كنكرهكم خرررج الله ياخد فيكم الحق الله ياخد فيكم الحق
جاو الممرضات ثاني خرجوه برا عاد تهدنات ةبقات تشوف فنقطة وحدة مكترمشش وقع ليها تماما كيف وقع ليها عند الشلحة غير هاد المرة مصدومة و هي بكاامل قواها العقلية
أما جابر خرج عند صرب بان ليه جالس وحتا هو مدخول ومصدوم مشا شنق عليه ووقفو لسقوا معا الحيط و عروووقو باينين بالعصاب أول مرة كيشوف صرب باه فهاد الحالة ضربو ببونيا حتا خرج الدم غمض صرب عينيه بالعصاب معندو مايقول قدام باه زادو وجدة اخدة وجوج اخرات عاد طلقوا جرو من كتفو وخرجو ركبوا فلوطو و صرب غير ساكت ومخليه يدير لي بغا حيت عارفو واصلة فيه للعضم داه لواحد جبل عااالي وقف فالحافة ديالو و هبط تبعو صرب حتا هو جبد كارو وبدا يكميه دار عندو جابر حيدو ليه ولاحو تعصب صرب مي حاكم راسو
جابر:(كيغوت) غادي نقول ليك جوج كلمات كلمتي مغاديش تجي على كلمتك حتا تخليها تسامح ليك بأي طريقة طلع لسما نزل الارض لمهم تسامحك وإلا قسما بربي ما نتا ولدي ما أنا باك وإلا كانت قالت ليك بلي راك شماتة فراه مكدباتش