الشيطانة الفاتنة

الجزء 121

ناض صرب من عليها كانت غارقة فدماياتها ديك ساعة ودعات دار عند روح لقاها مزاال كتطعن فيه وتغوت مخلات فيه حتا بلاصة مشركاتها و وجهها كلو عمر دم و يديها و حوايجها جاها نهيار عصبي مشا كيجري عندها كيحاول يهدنها ولكن كانت جاعرة بحال مشيرة شد جا وراها وجمع ليها يديها وعنقها بجهد
صرب:(كيدوي فودنيها بهمس)شوووت صافي مات ا روح ماات تهدني
روح:خويا مات بسبااابي هءهء ااااه ا قلبي اه هءهء قلبي طاااب ااااه ا قلبي هءهء
صرب:شووو شووو اجي نشوفو يقدر يكون غير بغا يعصبك
روح:(كتمسح دموعها بطريكو)يكون ماماتش
صرب:خصنا نتأكدو
ناضت عليه كتجري مشات للطوموبيلات حلاتهم كلهم والو حسو مكينش جلسات على ركابيها ثاني مبقاتش عندها القوة اما هو مهداااش قلب طوموبيلات مزيان جاو فبالو لي كوفر حل لوطو لولة ملقا والو حل ثانية والو وصل لثالثة وهو يبان ليه الياس مليوح تم كلو مربوط ومعريينو ولا زرق لونو بكثرة ضرابي و البرد تنفس صرب الصعداء وعيط على روح ناضت كتجري قاسو ليه نبض لقاه ضعيييف بزااف جبدو وهزو جرا بيه للوطو حطو لور وروح تابعاه ركبات حدا خوها ودارت راسو فوق فخضها كتقيس فشعرو وتبكي
روح:صرب صرب زرب عفاك مبقاش كيتنفس
صرب:ها حنا دابا انوصلو
وفعلا 5 دقايق ووصلوا لاقرب اوبيطال عيط عليهم هزوه الممرضين حطوه فالبياس ودخلوه كيجريو بيه وروح تابعاه شادا ليه يدو حتا دخلوه للمستعجلات وجرها صرب من كتفها خشاها فيه عنقها بيديه بجوج وخشاها فيه وزير عليها حتا هي لقات الفرصة وخرجات اش كان فالداخل ديالها من ألم وجرح عميق داها وهو معنقها وممسوق لحتا حد لكراسا لي كانو تم وجلسها فوقو هازها بحال البيبي حيد لكويرة ديالو ودارها على كتافها مبقاتش كاتبان وسطها بقاو على ديك الحال حتا داها نعاس هكاك مع كثرة الهم والبكا والعيا عاد الدفئ معقلاتش على راسها طل عليها بانت ليه نعسات شاف حالتها كيف دايرة بدمايات لي ماشي ديالها تنهد وجبد طيلي دوز ابيل لجابر قال ليه كلشي لي وقع من اللول حتا لخر تصدم وقال ليه ايكون عندهم دابا من بعد عيط للبوليس علمهم بلي لقاو الياس وقال ليهم يعلموا عائلتو عاد رجع راسو للور كيحس براحة نسبية ملي كلشي فامان محملش يشوفها فديك الحالة ولكن ولا عندو احتمال تولي {مصائب قوم عند قوم فوائده} بدا يقيس فشعرها وكيفكر فنفسو طريقة باش يعوضها على لي فات كامل حتا بانو ليه جايين كلهم قيس ولمياء و محمد واياد و كنزة وقيس كيجريو شافو داك المنضر مشا قيس قاصدهم ناوي على خزيت وعينيه حمرين وباين باكيشنق على صرب حتا فاقت روح قافزة شافتهم بدات تبكي ثاني حدرات راسها مبقاتش هزاتو حتا سمعات الكلمة لي هزات قلبها
قيس:شنو كديرو هنا مكفاكمش لي وقع بسبابكم بسباااابكم الحاج مات
بقات كتعاود فودنيها غير ديك مات مات مات بحال شي واحد صرفقها علات راسها وخرجات عينيها حسات بدوخة وراسها مشااا ورجع شدات فالحيط بيد ونزلات معاه مغيبة