الشيطانة الفاتنة

الجزء 70

عمرو ما عطاها وقت أما اياد طلع لبيت ختوا دق مجاوباتش حل الباب ودخل كانت ناعسة بهدوء بحال الملاك قرب باسها فراسها شاف عنقها زير على يدو عاود توكد من ديك زروقية وقطع الشك باليقين بلي داكشي لي فيها أثر ملكية خاصو يعرف بأي طريقة شكون لي داؤهم فيها فاق من تفكيرو وحط يديه على حنيكاتها كيفيقها بشوية
اياد:اميرتي حبيبتي فيقي فات الحال
بدات تحل عينيها الخضرين ومغوبشة ومعنكشها ضو لي داخل من شرجم
اياد: إلا كنتي باغا تزيدي تنعسي الخايبة نعسي نقول ليهم عيانة
ناضت جلسات كتستوعب شنو واقع رجعات ليها الداكرة لشنو وقع البارح هودات راسها باش متبينش الغضب ديالها حتا رسمات على وجهها قناع السعادة عاد طلعات وجهها مرسومة عليه ابتسامة ساحرة تشوفها تقول خارجة من القلب ولكن ما خفي كان اعضم و باش توصل لهاد المرحلة واخا لي داز عليك وتقدر تخبي جرحك خاصك تكون قوي اقوى من الجبال
روح:صباحو حبيبي كيف صبحتي
اياد:(مصغر عينيه فيها)أنا لباس نتي لي واش لباس
روح:(شداتو من وجهو باستو فحناكو و عنقاتو عاد طلقات ملامح الحزن) اه اخويا أنا لباس
بعدات منو
روح:يلاه خرج نبدل عليا ونهبط
اياد:اوك بب
مشا يباه ايخرج وقفو صوتها
روح:حبيبي داكشي لي طرا البارح يبقا بيناتنا
اياد:اوكي
خرج و خلاها ناضت فهدوء دخلات غسلات وجهها شافت فالمرايا راسها بانو ليها لي طراس تنهدات خدات فاسمة بدات هاديك دالبارح من بعد معقماتها غسلات سنيناتها وخرجات للدريسيتغ خادت جينز نواغ مزير و تريكو بالكول فالخضر ملكي لبساتهم جاها لون كيحمق مع لون عينيها وغطا على ديك الحالة صايبات شعرها سامبل و خلاتو مطلوق باش يزيد يغطي دارت مكياج خفيييف يغطي ليها ملامحها لي ولاو باهتين مع كثرت الهم والمشاكيل رشات ريحتها هزات صاكها ونزلات عندهم وهي راسمة ابتسامة مزيفة 100% جلسات فبلاصتها ومشافتش فجيهة قيس بمرة الشيء لي خلاه خير كيشوف مفهم فيها حتا حاجة مرة عاطياه وجه مرة قالبة عليه أما غزل غير كطلع فيها و تهبط وتعوج ففمها كلاو فجو عائلي كلشي كيدوي و الياس مكيسكتش من ضحك ونقايم شوية سالات روح وناضت من على الطبلة
روح:بابا أنا اليوم انتلاثا مع واحد صاحبتي نقدر منجيش للشركة
محمد:واخا مي ردي البال
لمياء:بنتي صهد عليك كون غير لبستي شي حاجة خفيفة
روح:لا اماما مرتاحة هكدا المهم نخليكم تشاو
خرجات وخادت هاد المرة لوطو ديال ختها حيت كانت رجعات غير فطاكسي يلاه اتحل الباب د لوطو حسات بيد تحطات على يديها من ريحة عرفات شكون حيت كانت غمراتها حد النخاع غمضات عينيها قلبها بدا يزدح و جاها نفس الاحساس ديال ديما دورها ليه حلات عويناتها وشافت فعينيه رماديين دخلات لداااخل ديالهم كان نفسها تبقا الداخل و متخرجش حيت تم فين كتحس بالأمان
قيس: ليليا مالك ثاني لاش كتصرفي ببرودة و بحال إلا البارح عمرو كان
روح:(صافي فشلات قدام عينيه تفكرات شنو ظار فيها صرب البارح غرغرو عينيها حابسة البكية فحلقها) لا غير فهمتي غلاط
قيس: شنو لي فهمت غلاط
روح:(كتدعي فنفسها ربي يصبرها باش متنهارش قدامو) أنا كنتصرف على طبيعتي
قيس: امم يعني ممقلقاش مني
روح: ولاش انتقلق منك
قيس:(حط راسو فعنقها كيشم ريحتو تبنجات معرفات مدير نزلات دمعة مسحاتها بالخف) اممممم توحشت هاد الريحة
روح:قيس بغيت ندوي معاك فواحد الموضوع
قيس:(طلع راسو) دوي ا حياتي
روح: (كتخرجها بالكشايف) خاصنا نتفار...
يلاه بغات تكملها وهي تسمع صوت غزل وحبسات بقا يشوف فيها ممسوقش لا لغزل لا لغيرها حتا جات وقفات عليهم و بعد منها
غزل:حبيبة عفاك ممكن توصليني معاك
روح: لا منقدرش ماشي طريقي قيس وصلها نتا
قيس:(بقا يشوف مقدرش يرفض طلب ليليا) واخا نوصلك
بانت لغزل الزروقية لي فعنقها باينة حيت مني حط قيس راسو هود الكول مدات يديه لعنقها وهودات ليها الكول حتا بانو الطبايع
غزل:ويلي شنو هادشي لي فيك
هزاتو بالخف وبلعات ريقها
روح:هاء غير غير (مجاتها حتا كدبة فبالها بدات تفتف وحابسة البكية) غير غير
قيس:(بغا يحيد ليها الكول يشوف وهي كتبعد) هداي نشوف