الشيطانة الفاتنة

الجزء 97

ولكن بصح نيت كان صرب لي واقف تم مقدرش يصبر معرفش كيف دار حتا وصل لتم بلا هواه مني شاف داك المنضر مشا كيجري لواحد شجرة ونزل عليها بالضرب وحدة ورا لأخرى حتا يديه كلها عمرات دم ونزل على ركابيه مألم و حاس براسو مشدود من اكثر يد كتوجعو كان محتاج شي حضن حس براسو معندوش قوة كاع الجبروت لي كان عندو مشا قدامها فرمشة عين عمرو تصور غادي تخليه شي بنت لمرا يوصل لهاد الحالة وكون قالها ليه شي واحد قبل كون ضحك عليه هو صرب المريني لي المخيرة كيشطحها بين صباعو هو لي كان مكيفوتش مع لوحدة شهير ديالها ويلوحها بحال إلا عمرها كانت ضحك على راسو عرف بلي دنيا دايرة دقا لي درتيها فغيرك اترجع ليك وبالاضعاف مزال
ناض عياان ركب فلوطو ومشا للفيلة ديال مو ليكانت بحال القصر فخمة بزااف شافوه لي كارد حلو ليه البوابة وعطا ليهم لوطو يركنوها هما دخل لقا سقيل الخدامات لي كيضورو سول على مو قالو ليه ناعسة طلع لبيتها حل الباب بشوية بانت ليه ناعسة قرب و تكا حداها من بعد مباس راسها تخشا فحضنها وغيب حس براسو بلي هو انسان ضعيف واخا عندو ثروات دنيا ودين مقدروش يحبسو هاد الالم لي فقلبو
##نهار جديد
خادت فيه روح روبو من بعد مقالت للبوص بلي شي حد من عائلتها مريض و مشات دارت شوبينغ هي وغزل لي اتموت بالفقصة غير كتأفأف و كتخنزر معاجبها حال ختارت روح شنو اتلبس فالخطبة و مشاو ل سونطر بيوتي دارو ليها لاسيغ وخادت موعد باش من بعد تبدا دير حصص دلازيغ من بعد مشاو تقداو مكياج و روايح رجعوا للدار مدكدكاات مي روح الفرحة اتنقز ليها من عينيها لقاو دنيا مقربلة فدار كانو جايبين مصمم حفلات كيوجد للخطبة #عند_قيس
دار مع صاحبو يتلاقاو فريسطو من بعد ما جاوبو حيت كان قاطع معاه الهضرة كان جالس فريسطو قريبة لمركز الشرطة وحاط قدامو كاس دالقهوة شوية بان ليه صرب داخل عنقو عناق رجولي وكيحاول يبتاسم بزز واخا كان باين فيه الارهاق جلس قدامو طلب قهوة وشعل كارو كيكميه و رجلو كترعد بحال إلا بالو مكاينش هنا كمل باكية وهما مزال مدواوش بقا قيس غير كيشوف عرف صاحبو عندو شي حاجة
قيس:ايوا العشير فين غبورك شتك غبرتي غبرة وحدة
صرب:كنت فالجزيرة
قيس:اووه فالجزيرة كااع هي عندك شي حاجة مطلعة ليك الكناوية
صرب:بحال دكشي
قيس:وا صافي فكها ا صاحبي غدا زعما خوك ايخطب ونتا داير ليا هنا جنازة
صرب بحالا صرفقتيه تقاد فالجلسة وعقدهم
صرب:قلتي غدا
قيس:(ضاحك)ااه غدا إن شاء الله
صرب:(ابتاسم بزز)الله يكمل عليك بالخير
قيس:امين اتحضر ياك نتا والحاجة متقولش ليا لا نخسر معاك
صرب:(ايتفركع) خويا ايخطب و منحضرش اتلقاني أنا لول
بقاو داويين و صرب مرفوع كيقول غير اه ولا يسكت حتا داز الوقت وكل واحد وغين مشا
مشا صرب للبار ثاني جلس كيشرب هاد المرة مجابش الكاو كان مزال باقي فيه واحد الكرااام ديال الجهد ركب فلوطو ديالو ومشا للفيلا ديالها بقا يشوف كيدير يدخل بان ليه واحد البالكون وبصدفة دازت من تم شافها ضحك ومشا ليه طلع ودخل عندها كانت لابسة بينوار حيت يلاه خارجة من الحمام كانت كتنشف شعرها بان ليها فالمرايا تخطف منها اللون دارت دغيا وشافت فيه
روح:نتا شنو كدير هنا
كيطلعها ويهبطها
صرب:(بصوت تقييل مع الشراب) هاء جيييت بغيت ندوي معاااك غير شوية صااافي
روح:(مشات طايرة سدات الباب بساقطة) خرج دغيا خرج قبل مايجي شي واحد
صرب:وااا سمعيييني بعدا
قربات ليه
روح:دوي قول اش عندك
صرب:هاء أنا كنبغييك ا روح كنبغيك بزاااف متزوجيش بيه عفاك ا روح (دمعو عينيه و حط يديها على القطعة اليسار ديال صدرو) هادا كيتحرق ا روح كيتحرق هاء