الشيطانة الفاتنة

الجزء 69

يلاه كانت اتشد فيها وهي ترجع روح يديها وطلعات خرجات نفس من الاعماااق كترد الجهد لي فيها مكانش باين هاد المرة واش كتبكي ولا لا حيت الدموع تخلطوا مع لما ولكن لي كان باين هو واحد شوفا فشي شكل مغيرة على العادة فعينيها بريق ديال الحقد والكره ونار مغادي يطفيها غير الانتقام
خرجات من دوش لبسات بنوارها و دارت بوني على شعرها عاد مشات لبسات بيجاما سخووونة حيت كان فيها البرد مشات للحمام ثاني قلبات فالفارماسي على شي مهدئ لقات واحد شربات ثلاثة ديال الحبات ومشات لفراشها حطات راسها على المخدة وبين عينيها صورة وحدة هي ديال صرب وهو كيغتاصب فيها غمضات عينيها بجهد كتحاول متفكرش بقات هكاك حتا داتها عينيها ومشااات عند الله
أما صرب رجع للمنضمة دخل لغرفتو جلس فالفوتوي جبد كارو كيكمي فيه و رجل كيحركها كدليل على توثرو و أن شي حاجة شاغلا ليه بالو ناض فجأة خرج ومشا قاصد بيتها وصل عند الباب حط يدو على البوانيي أول مرة كيحس بهاد الاحساس ديال تأنيب الضمير وأنه ميقدش يشوف فعينيها دور البوانيي يلاه ايدفع الباب وهو يسمع صوت من موراه غمض عينو بالفقصة ودار من بعد مسد الباب ثاني
داشا:صرب شنو كدير هنا
صرب:احم (مشا عندها حاوطها بيدو من خصرها كيحاول ينسيها بالفن) ماشي مهم (كيلعب فضهرها) لاش مزال منعستي
داشا:اووف مجانيش نعاس
غادي بيها ويديه مكيزكاوش فضهرها شعل فيها العافية وقدر ينسيها فسميتها ماشي غير فروح وصلها لعند بيتها ووقفو فالباب تعلقات فيه وشداتو من عنقوا
داشا:اممم توحشتك
صرب:(مطايقهاش بالو غير مع روح) حتا أنا ا زين مي عيااان
داشا:(طلقاتو) امم اوك بب (باستو فخدو) تصبح على خير
صرب:طوا اوسي
مشا وخلاها بقات متبعة ليه لعين وعاضا على شفايفها حتا غبر أما هو رجع لبيتو تكا ففراشو بحوايجو وبقا يتقلب من جيهة لجيهة وصورتها و هي كتطلب وترغب فيه محيداتش من بين عينيه
صباح جديد و باحداث جديييدة
كانت عائلة البنيسي كلها وبدون اسثتناء مجموعة على طابلة الفطور من غير جميلة العائلة لي كان كرسيها خاوي
الحاج:فين هي ليليا شفتها هاد الايام مبقاتش تاكل معانا و ديما مخشية فبيتها
محمد: راك عارفها متقدرش تعرف اش تحت راسها
لمياء:حتا أنا مبقاتش عاجباني حالتها
غزل:أنا انمشي نعيط ليها
اياد:(بثوثر) لا لا أنا لي نمشي نعيط ليها
ناض تحت نضرات الجميع ومشا عندها كان قيس كيشوف فيهم و كيفكر فحبيبتو حتا هو حاس بلي مخبية شي حاجة كان لابس جينز زرق و تيشورط نص كم اسود بارز عضلاتو السداسية ومقاد شعرو مطلعو لفوق كانو اعين غزل اياكلوه دايرة يديها على دقنها و ساهية فيه وكتنهد مرة مرة مني كتفكر بلي مرتابط مع روح دايبة فيه وفرجولتو وثقالتو و رزانتو مخلات مدارت باش تبان قدامو مي بلا فايدة روح عمات ليه العينين كانت لابسة كسيوة بالكمام فالبيض والكحل عريانة من الكتاف و و لابسة معاها بوط طويل حتال ركبة فالنواغ و طالقة شعرها لاحظ قيس كيف كتشوف فيه و معيقة هز حاجب ولوح ليها بيديه حتا فاقت من شرودها وتقادات فالجلسة حشمانة من راسها بقا يشوف فيها قيس وكيتفكر شنو قالت ليه ليليا درو راسو بغا يعرف لاش فكرات هاكاك و هو عمرو ما عطاها وقت