الشيطانة الفاتنة

الجزء 88

ركبوها فالسطافيط و داوها لمركز الشرطة طريق كلها و هي الترعد كتحس بالسخفة ورجليها كيقفقفو خايفة يكون دكشي لي فبالها هو لي واقع وصلوا ودخلوها للمركز داوها للبنيقة لاحوها وزادو هادشي غير مزاد خلعها كتر وكثر بقات كضرب فالباب
روح:شي واحد يقول ليا لاش جايبيني لهنا وااااا بنادم واااا زمر بغيت المحامي ديالي
والو حتا حد مجاوبها مشات جلسات فالارض حيت مكانش اصلا علاياش تجلس ربعات رجليها و بقات تشوف فالمكان كان موسخ وكيخلع مكاملا حتا 10 دقايق جاو دوك لي حطوها تم
ضابط:زيدي قدامي
خرجات عندهم مخنزرة فيهم داوها لواحد الغرفة ديال التحقيق فيها غير بولا خفيييف ضو ديالها و طابلة و كرسي جلسوها فالكرسي وجاو قدامها كفدو قوامجهم مخلعوهاش ولكن نواوها فراسها
ضابط1:(مد ليها طيلي فيه صورة قيس) شكون هادا
روح:(علات عينيها فيهم) معرفتش
ضابط2:(خبط الطبلة) واش كضحكي علينا
ضابط1:(كيغوت)هادا ماشي ولد عمك و حبيبك
روح:(بثوثر) اه ولد عمي
ضابط1:كتبغيه
روح:(بعدم فهم)اش هاد الاسئلة
الضابط2:واش حنا كنضحكو هنا قولي قداش كتبغيه
روح:(تعصبات معرفاتش كيفاش حتا خرجات) اااه اه كنبغيه و بزاف(سدات فمها بصدمة كتستوعب شنو قالت)
الضابط:تبغي تزوجي بيه
روح:اه (سكتات مدة وشافت فيهم)واش جايبنيحتا لهنا باش تسولني هاد الاسئلة مفهمتش شنو هي مشكيلتكم
ضابط1:كاين بلاغ سرقة ضدك
روح:(جا فبالها داكشي لي كانت كتشفرو فيامات الحزقة) كيففاش
جبد واحد فيهم ساكها وحطو فوق الطبلة بغا يحلوا
روح:(ناضت بغات تحيدو ليه)ايييه نتا معندكش الحق تقلب فحوايجي
الضابط:(شدها)متحركيش من بلاصتك
حل لاخر الساك وخواه فوق البيرو كاع المكياج تشتت و الوراق شوية جبد بواطة حمرة صغيرة و بقا يدور فيها فيديه
الظابط1:وشنو هادا
حلو وحطو قدامها كان فيه خاتم بقات روح غير ضور عينسها معرفاتش منين جاها
روح:معرفتش
الظابط2:معارفاش شي حاجة جبدناها من ساكك إذن ماشي ديالك
روح:لا ماشي ديالي ومعرفتش كيفاش حتا وصل لساكي والله
الضابط2:هادشي لي كيقولوه ديما اصلا
الضابط1:مني ماشي ديالك ادن مزال معرضش عليك الزواج
روح:(بدات طلع ليها القردة) معرضش
الضابط1:و إلا طلب منك شنو ايكون جوابك
روح:(جعرات)ونتا مااالك شوف ا سيدي أنا ماشفرتش هادشي خليوني نمشي
الضابط2:ماشي بهاد السهولة
روح:كيفاش
الضابط1:خاصك تجاوبي على السوال بعدا
روح:(كتهدن راسها)اااه كنت انقبل صااافي تهنيتو شوف راه متقدرش تخليني هنا على شي حاجة أنا مدايراهاش غادي تندمو