الشيطانة الفاتنة

الجزء السادس عشر

مشا ركب فلوطو لي كانت ميرسيديس فخمة ساق بيه شيفور مورا نصف ساعة وصلوا للبحر وقفات لوطو وهبط جابر من بعد ماحليه شيفور الباب دار نضاضروا و تم غادي وقشلة ديال رجالوا تابعينو وقف عند واحد الصخرة كبيرة دفع واحد الحجرة وتحلات ديك الصخرة على جوج ودخل كانت هداك هو النقر السري دالمنضمة كان عالم ثاني ومختلف دكشي ديال الافلام الميريكانية كلشي آلات و وشاشات كبار وبزاف ديال البشار جالسين قدام بيسيات و خدامين وفجيهة اخرى غرف بزاج كيبين فيه رجال كيضاربوا و كيتدربوا فجهة اخرى رجال و بنات لابسين البيض و باينين ومجموعين على واحد الطبلة كانو هدوك مخترعين فقنت آخر كاينين ناس كيدربو بالسلاح كل واحد و باش مشغول هبط جابر مع واحد الدروج كان فيه كلينيك صغير جا واحد الطبيب عندو كيجري

جابر:كيف بقاو البنات

الطبيب:سي جابر وحدة فيهم غير بالخلعة هبط ليها الطونسيون و فقدات الوعي ديالها درنا ليها السيروم شوية وتنوض وحاجة اخرة 

جابر:شنو كاين

الطبيب:تعرضات للعنف الجنسي واحتمال كبييير للاغتصاب 

جابر:كيييفاش

الطبيب:مني حيدنا ليها الحوايج كان جسمها كلو زرق تماك فاش شكيت ومني قلباتها طبيبة لقاتها مجروحة راك فاهم احم زعما شنو بغيت نقصد 

جابر:(صعر ولا حمر بالعصاب)دكشي لاش خافت مني 

الطبيب:احم مهم طبيبة تشرح ليك كثر حالتها 

جابر:ولي ضربات بالقرطاس

الطبيب:معندي منخبي عليك فقداات بزاااف ديال الدم قدرنا نحيدو الرصاصة ولكن وقع مالم يكن فالحسبان جاتها ايموراجي وسط العملية وفقدات دم كثر دكشي لاش دخلات فغيبوبة 

جابر:(ضرب يدو مع الحيط)شيييييت هادشي لي مكنتش بغيت اااه منك ا أحمد اااه نهايتك على يدي فين هي روح

الطبيب:سيدي مقدرتش نفرق بيناتهم 

جابر:لي حالتها مزيانة

الطبيب:تبعني 

داه الغرفة ديال روح ومشا دخل عندها جلس حداها وبقا يشوف فيها