الشيطانة الفاتنة

الجزء 134

بعد مرور ساعة
كان ملقي فالفراش تحت عينو كحل بالهم وقلت النعاس ويمكن بالحزن لي كان كيتصارع معاه وهو ناعس عقد حجبانو وزير على يدو وهو ناعس بحال إلا كان كيشوف كبوس فجأة حلهم كانو حمريين شاف فصقف واحد جوج ثواني وناض جلس نثر سيروم وخارج معصب مكيشوفش قدامو مشا للغرفة لي كانت فيها حلها حتا كان ايفرع الباب لقا غير الريح حسها مكينش دار شاف جنابو بان ليه ناس كيمشيو وكيجيو ولا بحال المجنون شد راسو بيديه بجوج وغوت لربي لي خلقو
صرب:فييين هي ا ولااااد القحااااب فييين ديتوها
غير سمعوا ناس غواتو لي كان بحال زئير الاسد تخلعوا خواو طريق نبقا تاحد يضور جاو الممرضات كيتجراو و جابر تابعهم
الممرضة:تهدن ا سيدي المرحومة راه خرجوها واليديها باش يقومو بمراسم الدفن
صرب:ههههههههههه المرحومة ههههه سمعتوها قالت المرحومة
قجها من عنقها وهزها بيديه وكيزير حتا بدات روحها تخرج كيشوف فيها بحال إلا كيشوف فقيس قدامو ولا عائلتها بانت ليه صافي اتموت وهو يطلقها ضار شاف جابر لي كانو عينيه مدمعين
صرب:فين ديتوها
جابر:تهدن ا ولدي خاصك ترضا ب...
صرب:فين ديتواها قلت ليكم فين ديتوها
جابر:كيغسلوها ا ولدي خرجها باها
صرب:(كيحاول يهدن راسو)فين بالضبط
جابر:الفيلا ا ولدي
حبس دموعو بستة وستين كشيفة ومشا للفيلا ديال واليديها لقا عندهم الزحام ثاني وكثرة البشار زاد قلبو تزير عليه كيقرب وقلبو كيضرب حاس بيه شي واحد شادو وعاصرو دخل للداخل لقاهم جالسين لابسين الكحل وطالقين القرأن وكلشي كيبكي وقف فوسط الدار وغوت مقدش يصبر لداك الجو
صرب:فييين هي
لمياء:(ناضت عندو وهي فشلانة) الله يرحم ليك الوليدين ا ولدي تهدن هءهء اجي معايا
شداتو من كتفو وداتو لواحد البيت خواوه ودارو فيه باياص خاص بالغسل دالميت دخل وهو يلقا واحد جوج عيالات كيجمعو دنيا شاف فوق داك البياص و هيا تبان ليه مكفنة قلبو تهز وتحط حس بشي حاجة تقيلة تحطات عليه تمنى يموت ألف مرة وميشوفش داك المنضر عطاها بالضهر دغيا مقدش يتحمل نزلوا دموعو بدا كيتمشا غير زاد شوية جلس على ركابيه مبقاتش عندو قوة
صرب:(كيبكي بحال الولد الصغير وكينحط ويضرب فقلبو) لا ا روح درتي هاكا لاش لاش معطيتينيش فرصة لاش نزل للارض بحال إلا كيسجد وبدا يضرب الارض بيدو
صرب:روح روح

#خرج لقا لي كارد مستفين حلو ليه الباب دلوطو لي كانت من نوع رولسروويس وحدها ساوية زبابل دالفلوس كسيرا باقصى سرعة خلا وراه غير العجاج وجوج دطونوبيلات تابعينو وصل للمشفى نزل للاكاف لي غير شافوه لعساسة لي كاينين تم حلو ليه ومنعو دخول شي حد ثاني وراه لقا رجالو مستفين دايرين صف كلهم مسلحين وواحد فيهم شاد واحد المرا بين يديه شوية وهو يتم جاي طبيب ديالها لي دار ليها العملية كلو كيقفقف شاف المرا لي كانت فاقدة الوعي زاد ترهب