الشيطانة الفاتنة

الجزء 135

طبيب:(مشا كيجري عندو تلاح على يديه)الله يخلي ليك ما عزيز عليك متقربش ليها
الشخص:امم درتي لي قلت ليك
الطبيب:اه ا سيدي كلشي غادي كيف بغيتي طبقت لي قلتي ليا بالحرف
حيد يدو لي كان شادها ليه ودارها على راسو كيطبطب عليه
الشخص:دابا عجبتيني
طرطق صباعي كاشارة جابو ليه مرتو نعسها فوقو كيحاول ينوضها يلاه ايهز راسو فيه وهي تجيه قرطاسة للراس مات فبلاصتو من وراها تيراو فمرتو
الشخص:هزوهم عليا من هنا
الكارد:امرك سيدي
مشا ركب ثاني فلوطو ديالو دار نضاضرو وكسيرة مشا للفيلا ديال عائلتها وقف لوطو ديالو بعيد وبقا يشوف مدة
اوزان:اندمك ا صرب المريني(ابتاسم بجنب فمو)
كسيرا ثاني ومشا لواحد للفيلا لي جات فموقع راقي بزاف عطا لوطو لرجالو يركنوها ودخل هو حلو ليه الخدامات مشا قاصد واحد البيت غير حلو ضربات فيه ريحة الشراب مجهدة خنزر وزير على يدو بانت ليه شادا كاس دالشراب ومكيناااش هنا
ملك:هء جيتي ا ولدي
اوزان:(مشا قاصدها لاح ليها الكاس)مبغيتيش تحيدي عليك هاد الزمر راك كبرتي زعما
ملك:هء هههههههه العمر مبيتعدش بالسنين يا خويا
اوزان:(ضرب فيها وخرج زاعف عيط على الخدامة)وجدي البيت لي الفوق والبيت لي لي حداه
الخدامة:امرك سيدي
طلع لبيتو لي كان كبير وغالب عليه لون الكحل سويت ملكي بدريسينغ ديالو والحمام جلس فوق الفوطوي و دار رجل فوق رجل هز قرعة الشراب لي كانت فوق طبلة صغيرة قدامو ابتاسم ابتسامة كتعني بزاااف دالحوايج اهمها طعم الانتصار
#عندهم فالفيلا
ناض جمع الوقفة وخرج مشا للحمام توضا وخرج بانو ليه دايرينها فالصندوق وجابوها حطوها وسط دار مقدش يتحمل داك المنضر مشا كيجري تلاح على داك الصندوق هو وليليا ولمياء كيبكي من قلبو
صرب:حلوه حلوه بغيت نشوفها حلووووه

جرو اياد لي كانو حتا هو دموعو دايزين

اياد:تكالما ا صاحبي كتعدبها هاكا تهدن كون قوي على قبلها يلاه معانا للجامع راه مقلناش ليهم منتاحرة باش يصليو عليها(المنتاحر مكيصليوش عليه) خاصك تحضر ليها باش داك الألم يخف شوية
صرب:(كيعاود على لسانو غير سميتها)روح روح
اياد:لا حول ولا قوة إلا بالله
بقا شادو حتا تكالما هزوها قدامو ومقادش يدير والو خرج هو واياد ركب معاه فلوطو وتبعو طوموبيل لي هازا الجثة مشاو للجامع صلاو صلات الجنازة ومن بعد داوها للمقبرة حضر لجميع المراسم كلها ديال الدفن حتا كملوا وبداو كيمشيو ناس بواحد بواحد بقاو غير لي قراب ليها كان قيس واقف بعيد معندوش الشجاعة يقرب ودموعو فعينيه نادم على لي وقع بقات فيه وصاحبو كثر بكثير مشا صرب جلس على ركابيه كيهز تراب ويزير عليه فيديه ويعاود يحطو ويهز ثاني كمشة اخرة شافوه باها وخوها انساحبو وخلاوه بوحدو نعس فوق قبرها و وبقا يقيس فالتراب بحنااان
صرب:حبيبتي نعستي مرتاحة ولا فيك البرد اممم كون بقيتي كون خشيتك فيا ودفيتك يا عميقة العينين حبك تطرف تسلط عبادة حبك كالموت والولادة ذهبتي وتركتي لي عشقا اعيش به بعد رحيلك
سمع الحس وراه هز عينيه بان ليه قيس بحاال إلا شاف جن ناض بالخف معقلش على راسو شنو كيدير جبد سلاحو وبدا يتيري فيه فينما جاتو طاح قيس للارض وهو مزال كيتيري مهدى حتا حس بشي حاجة بحال نمل كتمشى ليه فجسمو كلو طاح للارض و بدا يتعصر وعرقو خارجين لي فعنقو ولي فيديه وعينيه مقلوبين كيتلوى وحاس بروحو كتزهق