الشيطانة الفاتنة

الجزء 33

تبعوها وخلاو لاخرين غارقين فتفكيرهم ركبوا فلوطو ديالها وعفطات عفطة وحدة موقفات حتال للكاريان لي شهد على اتعس واكفس أيام حياتها عمرها شافت فيه نهار زوين بقات واقف كتشوف وكترجع دكرياتها المؤلمة
دايمون:شنو كنديرو هنا عندنا شي مهمة
روح:تبعوني وغادي تعرفوا
خرجوا من لوطو وهما غاديين وتابعينها وصلوا لديك الغابة لي تغتاصبات فيها روح كلها كانت كترجف وصلوا للبلاصة بضبط لقاتهم هازين قراعي ديال شراب ومكينينش فهاد العلام سكرانين
روح:بغيتكم تكردوهم طراف طراف بغيت نشوفهم كيتقطعوا قدام عيني
دايمون:شكون هادو بعدا
خنزرات فيه معاودش معاها الهضرة مشاو بجوج عندهم شد دايمون واحد والوحش جوج جابوهم تال عندها و جلسوهم على ركابيهم
دايمون:حسن نديوهم من هنا
روح:(مسيطر عليها الغضب)عريوهم
مقدش يعاود معاها الهضرة دارو داكشي لي قالت ليهم و ععراوهم وشدوهم مزيان حكموهم جبدات روح واحد الموس قدو قداش وقربات ليهم شرطات ليهم لحمهم كلهم كل واحد اش حيدات ليه واحد تقبات ليه عينيه واحد قطعات ليه لسانو وواحد طيرات ليه صباعوا الوحش لي وحش وتصدم عمرو شاف هاد المنضر قدام عينيه ولكن كون عرف شنو دارو ليها وشنو داز عليها بسبابهم كون دارو كثر هما طالقين حلوقهم كيغوتو بحر داك الالم حتا غيبو كلهم و شدات صدرهم بثلاثة بيهم خططات فيه حرف ديال سميتها R عاد تنفسات كتحس براحة مليهاش مثييل
دايمون:(كلو ولا دمايات)شنو نديرو بيهم ا شاف
روح:خليوهم هنا ياكلهم دود ويتعفنو
دايمون:ولكن البوليس...
روح:راني دويت يمكن
لاحهم ومشاو ركبوا ثاني فلوطو ورجعوا للمقر كل واحد مشا لغرفتوا وحتا روح طلعات دوشات من دوك الدمايات وبدلات حوايجها عاد رجعات للقصر ودخلات كتسلت وغير حطات راسها على المخدة نعسااات مجاها حتا نقطة من تأنيب الضمير كتحس بجبل كان فوق ظهرها وحيداتو
صباح جديد و احداث جديدة
فاقت بطلتنا بكري شوية دخلات للحمام طرفات حالتها و خرجات لبسات (الصورة) قادات شعرها بوكلي من لتحت ودارت مكياج خفيف رشات ريحتها كانت كتلبس طالونها حتا شافت الباب تحل
إلياس:اش طرا وجرا حتا فقتي بلاما يجي شي حد يفيقك
روح: (بقات كتشوف فيه ديما كانت كتمنى يكون عندها خوها صغير) ها أنا فقت غير سير دابا نلحق عليك
إلياس:اووك
خرج وخلاها شاردة مكايناش هنا كتفكر فختها حتال امتا اتبقى صابرة على هاد العداب وإلا جاب الله وحصلات كيفاش اتقدر تواجههم باشمن وجه اتقول ليهم ختي مابين الحياة والموت وهي عايشة حياتها فاقت من شرودها و هبطات لقاتهم مجموعين باست جدها وباباها و ماماها بحال كيفما كانت كدير ليليا و جلسات مبتاسمة قيس محيدش عينو عليها كملات فطورها و ناضت
محمد:غادا للشركة ابنتي
روح:وي بابا
لمياء:ردي البال لراسك
روح:واخة غزل اجي معايا للشركة
غزل:اووك حبيبة
خرجوا بجوجات شوية حسات بيد تحطات على كتفها كان قيس
قيس:ليليا تسناي
روح:شنو بغيتي
قيس:سمحي ليا على البارح مكنتش قاصد نقلقك
روح:(بابتسامة ساحرة)ماشي مشكيل (اول مرة كترد البال لعويناتو الرماديين سهااات بيهم وحتا هو غرق فشوفاتها الحادين وزمردتين لي عندها)
غزل:(مخنزرة ومعاجبها حال من قربهم لبعضياتهم وشوفاتهم)احم احم أنا غادا للوطو
روح:نوو صبري نمشيو بجوج
قيس:(فنفسو)تفو تفو كون غير سديتي فمك ضيعتي عليا اللحضة
روح:(بابتسامة هاد الخطرة خارجة من قلبها)بسلامة نتشاوفو بليل
قيس:احم اش بان ليك نسهروا اليوم مجموعين نتي و صاحبتك و اياد
روح:خليها...
غزل:اه اه نسهرو علاش لا عفااك ا ليليا
روح:(خنزرات فيها) واخة لي بغيتو
قيس:(مد ليها طيلي ديالو)عطيني رقمك نعيط ليك
روح:احم اووك (كتباتو ليه)
قيس:ميييرسي يلاه باي
مشا وخلاهم غادي وخلا بركان ايتفركع موراه شكون من غيرها غزل لي كانت اتعواج حيت طلب رقم ليليا و هي لا
روح:يلاه نمشيو
تبعاتها وهي معصبة واحد روح مدات مجابت ممسوقاش ليها وصلوا للشركة وتلقاو باياد فالباب طلعوا مجموعين