الشيطانة الفاتنة

الجزء 139

طلعات للمكتب ديالها لي كان اونفاس مع ديالو هزات ملفات كتقرا فيهم من بعد ناضت ومشات للمكتب الخاص بالاجتماعات بقات بعض الموضفين جالسين كيتناقشو وصرب مزال ما جا مشات كلسات على اليمين ديال كرسيه لي كان فارغ كانو كاع الاعين عليها كيتسألو شكون هي شوية تم داخل صرب مخنزر كيف عادتو غير شافوه لي معوج الجلسة قادها لي كان كيدوي ضرب الطم دبانة مبفات زنزنات شي كيشوف فشي نشا جلس فراس الطبلة
صرب:الملفات لي طلبتهم وجدتوهم
الموضف:وي موسيو واجدين درنا بحث كيفما طلبتي على الشريك الجديد (مد ليه الدوسي)كاع المعلومات كينين هنا
صرب:(حل الدوسي قرا شاف صورتو جاه مألوف بحال إلا فايت ليه شايفو)امم أوزان كرهان منين هادا
الموضف:تركي موسيو
صرب:على كل دير ليا معاه اجتماع فأقرب وقت ولا جنات نتي تكلفي بالموضوع
جنات:هء أنا
ناض بلاما يجاوبها خرج خلاها اتموت بالحشمة من القمعة لي عطاها ناضت دغيا خرجات ومشات لمكتبها أما هو رجع للمكتب ديالو غرق راسو وسط الخدمة ثاني
#في مكان اخر وبضبط فالفيلا دعائلة البنيسي لي كانت خالية من اجواء المرح لي كانت كتملأها سابقا كانت جالسة فواحد الكرسي فالجردة شعرها فيه الشيب والتجاعيد بارزين فوجهها مغطيين ليها رجليها بملاية خفيفة هازا فيديها مصحف كتقرا فيه ودموع معمرين وجهها جا عندها محمد جلس على ركابيه وشد ليها يديها
محمد:حياتي براكة عليك من البكا مغترجعيهاش هاكدا
لا جواب غير كتبكي
محمد:حتال ايمتا ناوية تبقاي هاكدا بغيت نسمع صوتك توحشتو خاصك ترجعي ليا ولولادك محتاجينك إلا بقيتي على هاد الحال عمرهم مغادي يكونو فرحانين
بقات تشوف فيه كتجاول تخرج الهضرة ولكن لسانها تقيل عليها مكتحركوش باس راسها ويدياتها ومشا خرج زاد كبر حتا هو فالسن ومع الندم وتأنيب الضمير كبر بزاااف ولا طيبان كبر من عمرو تلاقا عند الباب باياد داخل
اياد:الوليد شفتي الوليدة
محمد:(تنهد)راها فالجردة اولدي
مشا وخلاه بقا يدور فعينيه تحسر لحالتهم عاد مشا عند مو باسها وجلس حداها يونسها فوحدتها
#فالغرفة كانت متكية ليليا حتا هي لا تختلف عن سابقيها معنقة قطيط سيامو خاشياه فحضنها وكتفكر حتا سمعات طيلي ديالها كيصوني شافت شكون ناضت جلسات بالخف قلبها كيضرب
ليليا:احم سلام
جوزيف:اهلا صافا
ليليا:لباس ونتا
جوزيف:انولي لباس إلا شفتك اليوم مبغيت حتا مبرر ممفاكش معاك ههه
ليليا:(ابتاسمات بزز)اك نتلقاو فالكافي لي مولفين نمشيو ليها
جوزيف:اك
قطعات معاه شافت الساعة دوزات نمرة الياس جاوبها بالخف
ليليا:برو
الياس:اش كاين الوليدة واقعة ليها شي حاجة فينكم دابا
ليليا:ويلي حي مالك حامية فيك البيضة بشوية عليك حتا حد مواقعة ليه شي حاجة غير توحشتك ونتا نهار مشيتي لداك العسكر مبقيتي جيتي ولا سولتي
الياس:(مقادش يدوي معاها كيتفكر روح)نخليك الكبيتان كيعيط
قطع عليها خلاها غير كتشوف عرفاتو مزال منسا لي فات حتا هو ومزال مخرج من الثغرة لي وقعوا فيها كلهم وبقاو واااحلين
ناضت وجدات اسها دوشات ولبسات (الصورة)وقادات مكياجها الهادئ وانيق خرجات عندهم باست مها وخوها وجلسات معاهم شوية عاد خرجات تلاقا بجوزيف