الشيطانة الفاتنة

الجزء 190

حنين:مامي مالك
روح:والو ا مامي والو كملتي فطورك
حنين:وي مامي
روح:طلعي ا حياتي بدلي حوايجك باش نمشيو
حنين:مبغيتش نمشيو
روح:طلعي ا حبيبة من بعد نديك لبلاصة زوينة
حنين:امم صافي واخا ويمشي معانا أميري
سدات فمها باش متبكيش اومات راسها ب اه مشات حنين كتجري عاد طلقات دموعها شدات قلبها ومشات بخطوات فشلانة موقفات حتا وصلات قدام البحر بقات كتشوف فيه كيف كان هايج بحالها تماما بحال إلا كان حاس بألامها ومقاسمها معاها غوتات بحر جهدها حتا صوتها مشا عاودات غوتاات بجهد كثر شدات عنقها حسات براحة استنشقات الهواء وتنهدات مسحات دموعها ورجعات للفيلا طلعات للبيت لقات بنتها مضاربة مع الحوايج لبساتها ولبسات حتا هي نزلوا لتحت حسو مزال مكينش خرجات لقات حتا لوطو ديالو مكيناش عرفاتو ايكون مشا جبدات تيلي عيطات على أنغام وطلباتها تجي ليها مرفضاتش طلبها ورا ساعة جات هزاتهم ركبات هي وبنتها تكات هي على الزاجة كتشوف فالطريق ودماغها كيفكر غير فيه حتا أنغام مسولاتهاش عرفاتها فحالة متقدش تدوي فيها
أنغام:تمشيو معايا للدار
روح:لا احبيبة حسن نمشي عارفة منقدرش نزيد نغيب نهار آخر
أنغام:واخا احبيبة
وصلاتهم للفيلا دارت روح عند أنغام عنقاتها
روح:شكرا حبيبة ظيما كنلقاك حدايا
أنغام:متقوليش هاكا نتي راك ختي
أنغام:حتا نتي كنعتابرك ختي احم غدا نعاود ليك شنو وقع
انغام:اك بيتانم
روح:شنو هادي ثاني
أنغام:ههه تركية ودكشي
روح:ههه مجنونة تلاحي تلاحي
خرجات وهزات بنتها دخلات سمعات الغوات تخلعات فالأول ولكن مني تفكرات بلي ساكنة معاهم وحدة مسطية فالدار طلعات ممسوقاش همها كافيها معندهاش فين تزيد دخلات للبيت من بعد ماخلات حنين مع المربية سدات الريدويات وضلمات البيت مزيان ومشات نعسات
اما هو مشا ركب فلوطو ديالو درب دورة فالارجاء على من يتهدن حتا حس براسو تهدن نوعا ما ورجع ملقاهاش ضرب يدو مع الحيط كيعيا ميكالمي راسو ولكن كتبقا حتا كتعصبو ركب فلوطو ديالو ورجع للفيلا مدوا حتا حد دخل سد عليه فبيتو واستسلم للمشروب رغم انه عارف بلي كينقص من حياتو شوية بشوية
#طاح الضلام
سمعات تيلي كيصوني هزاتو وهي مزال سادا عينيها حلات عين وحدة شافت شكون لقات رقم ممسجلش عليه سميتها ناضت جلسات شوية وجاوبات
روح:الو
جوري:الو زين
روح:شكون معايا
جوري:جوري خت صرب
تقادات فالجلسة
روح:شنو بغيتي ا جوري
جوري:غدا بغيت نديرو شي وقيت بغيت ندوي معاك فشي حاجة
روح:قولي دابا كنسمع
جوري:لا بغيت نشوفك
روح:اك غدا نتلاقاو فالكافي....
جوري:تمام
قطعات عليها وناضت تشوف متاكل وطل على بنتها نزلات للتحت لقات بنتها جالسة مع اوزان وهازا كليب صغير
حنين:مامي شوفي شنو جاب ليا باباتي
روح:(خنزرات فيه)زوين ا حبيبة
اوزان':توحشتك القطيطة
روح:توحشك الموت إن شاء الله نتهنى منك
اوزان:قلتي شي حاجة
خلاتو بلاكة ودارت مشات للكوزينا عمرات كريشتها ورجعات عندهم ملقاتوش مشات عند بنتها لعبات معاها ومع الكلب