الشيطانة الفاتنة

الجزء 138

صرب:اش بغيتي
باستو فحنكو ومشات دخلات تكات ففراشو واخدة راحتها
جوري:ناس تيقولو صباح الخير صباح نور صباح العسل يا عسل (غمزاتو وعقدات وجبانها بحالو وغلضات صوتها)ماشي اش بغيتي بففف
صرب:خرجي ا جوري مراشقاش ليا على تبرهيشك
جوري:(ضحكات بجهد) هههههه تبرهيش قالك(ناضت عندو)وهادشي لي كدير فيه شنو سميتو رحم راسك يا أخي راه بزاااف هادشي بزااااف واااه كنقول ها هو غادي يفهم راسو ينسى لي فات ولكن نتا نهار ورا نهار كتزيد ترجع لور واش شفتي حالتك فالمرايا ولا مشفتيش شنو واقع كاااع شكون هي فملك الله كون كانت ضاربة ليك حساب متنتاحرش فهمتي متمشيييش وتخليك (ضور وجهو معصب وشاد راسو بزز مبغاش يغلط فيها شدات وجدهو دوراتو لعندها)شوووف فيا دازت 6 سنين من عمرك شنو درتي فيها من غير انك دمرتي حياتك وصحتك وليتي دافن راسك وسط الخدمة فعمرك 37 عام قدك دارو دارهم وولادهم ولا على الاقل عايشين حياتهم بحال كاع ناس ونتا كتقتل راسك نهار روا خوه طبيب قال ليك حيد داك الويل ونتا نهار وكطال تكركر فيه حرام هادشي لي كديرو فراسك وفينا حنا لي كنبغيوك وكنشوفوك كدمر راسك بيدك رحم راسك
صرب:(عينيه ولاو بحال جوج قطرات ديال دم)خرجي ا جوري قبل منغلط فيك
جوري:مخارجاااش
صرب:(غوت حتا قفزات)قلت ليك خرجييييي
خنزرات فيه وخرجات معصبة
بدا ينهج حيد الكرافاط لاحها وخرج نزل عندهم للتحت كانو جالسين فطبلة الحاجة فاطمة و جنات وجوري شاف ختو كتخنزر فيه وخرج زاعف
الحاجة:مالو ثاني شنو قلتي ليه
جوري:فقصني ا ماما إلا مدويتش انتفركع راه بزاف هادشي
جنات:كون متبعتوش اليوم كون ودع حتا دواه مكيهزوش معاه
الحاجة:(بدات تدمع)الله على وليدي مسكين هزيتي واحد وحطيتي آخر داو ليا ولدي مرضوه ليا
قربات ليها جوري عنقاتها كطبطب عليها
جوري:ولا ا اماما البكا لا يضبر راسو هو لي ختار دكشي كاع ناس كيطويو الصفحة ويكملو حياتهم عادي إلا ولدك بفففف
فاطمة:الله يهديه هادشي لي غادي نقول
جوري:أنا انوض تابعاني خدمة انتعطل اليوم عندي عملية
الحاجة:الله يسهل عليك ابنتي
جوري:اميين جنات اجي معايا نوصلك زعما اليوم أول نهار عندك فالخدمة مقدر حتا وصلك معاه مافيه فايدة
الحاجة:سكتي الله يمسخك يسمعك يقطع لمك داك الشعر لي فرحانة بيه
جوري:ههه يدييرها وا تهزي نتي يلاه
بدات جنات كيتبدل لونها لأحمر حنيكاتها ايطرطقو بالحشمة
جوري:وااا هي ناري اكثر انسانة شفتها فحياتي كتحشم هي نتي فخبارك زيدي زيدي مفهمتش داك كحل العفطة لاااش مخلي هاد زين كلو بفففف
ناضت جنات باست الحاجة لي كتعتابرها مثلها الاعلى حيت هي لي رعاتها وتكفلات بيها مني جابها صرب ووراتها اصول الاسلام وعاوناتها حتا تعلمات تقرا العربية وشرحات ليها القرأن ووراتها الاسلام حتا سلمات وهي لي ختارت ليها سمية جنات من بعد ما كانت سميتها نينا وكانت مسيحية
ركبات هي وجوري فسيارتها من نوع رينج روفر لي رجعات للمغرب اربع سنوات دابا ودارت كلينيك ديالها وولات جراحة فيه طلقات الموسيقى على الجهد طليق كلها وهي تشطح وجنات كضحك عليها وصلاتها للشركة لي اتبدا فيها الخدمة ولي هي الفرع الرئيسي ديال مجموعة الشركات صرب المريني كمساعدة شخصية ليه
جنات:بسلامة بب
جوري:تشاو حبي بوسي ليا خويا (غمزاتها وكسيرات خلاتها كتلون غير بوحدها ابتاسمات بخجل ودخلات للشركة شاداها الخلعة ديال أول نهار فالخدمة ميمسي كتعرف صرب)