صباح جديد
كان كيفطر ولدو وكيقرا الجورنال وكيشرب القهوة يلاه دور الصفحة قرا العنوان وهو كخوي القهوة من فمو بكثرة الصدمة حتا تخلع ريان
قيس:لا ميمكنش
يلاه خارجة من البيت لابسة دوبياس فالنواغ مشبكين والفوق بينوار دالساتان حتا هو نواغ
غزل:شنو لي ميمكنش
قيس:اجي تشوفي
مشات عندو قرات شنو مكتوب خرجات عينيها هي الاخرى مصدومة
غزل:واش هادشي بصح
قيس:معرفتش خاصني نمشي لدار عمي باش نعرف
غزل:(معوجة سيفتها) نسيتي شنو وقع قبل ست سنين
قيس:منسيتش ومن حقهم يديرو كثر سبع ديالي نوض إلا ساليتي باش نمشيو
ريان:يلاه
خرجو وخلاوها يلاه هبط وحط ولدو فلوطو تفكر بلي نسا لاكارط ناسيونال ودالبوليس وسلاحو
قيس:بقا ا ولدي هنا ها أنا جاي دابا
باسو وطلع بالخف باش ميتعطلش عليه حل الباب بساروتو ودخل سنع الصقيل فالدار متسوقش مشا لبيتو باش يهز وراقيه يلاه ايحل الباب سمع ضحكها كيتسمع لفين وفين
غزل:هههههه حتا انا احبيبي توحشك ههه مكتبعش مني ههه يلاه خرج نو متخافش دابا نكون عندك
زير على يدو بالفقصة كيحس برجولتو تمرمدات رجع منين جا وهو ناوي على خزيت مابقا كيبان ليه حتا واحد قدامو ركب فلوطو ديالو وبقا جالس كيشوف فنقطة وحدة وحداه ولدو هاز تيلي فيدو كيلعب مكاينش فهاد العلام
شوية بانت ليه هابطة ركبات فلوطو ديالها غير زادت زاد حتا هو وتبعها وقفات فواحد لوطيل
قيس:لا ا غزل لا مديريهاش متخلينيش ندفنك حية
بانت ليه خرجات وتلقا ليها واحد راجل كبير فلاج ولكن مزال شاد فراسو ومن لباسو لي كان شيييك باين لباس عليه وقف كيشوف فيها كيف كتضحك معاه وكيفاش شدها من خصرها ودخلوا خرج هاز ولدو مقدرش يخليه بوحدو داه دغيا للبنت لي فريسيبسيون حتا يجي مشا كيجري تبعهم بانت ليه دخلات هي وياه لواحد البيت سد فمو بالفقصة ويديه دارها ورا راسو مشا كيجري للباب فرعوا لقاها جالسة هي وياه فوق السرير وكيفلورطيو غير شافتو دم مشا من وجهها
غزل:ق ق قيس
قيس:(مشا شنق عليه لسقو معا الحيط وبقا يردخ فيه حتا لسق دمو فالحيط
قيس:(كيعرعر)انا اولاد القحاااب تلعبوها ورا ضهري انااا ما بانت ليك غير مرتي يا زااامل الله يحرق طاسيلتك
غزل:هءه طلقو طلقو اتقتلوا
طلقو فاقد الوعي ودار عندها شدها من شعرها حتا غوتات ردخها مع الارض
قيس:اناا يا القحبة تخونيني اناااا تخونيني
بقا كيركل فيها نزل كيكروشي فيها مبقاش عاقل شنو كيدير مطلقها حتا دخلو سيكيريتي منو سمعو الغوات جاو لقاو ديك الحالة تخلعو فكوها منو بزز كان وجهها مكيبانش بالدم
قيس:طلقوووني طلقووني نقتلها
مطلقوهش حتا بدا كيتهدن عيط للبوليس جاو ديك الساعة هزوهم بجوج وكتب بيهم محضر بأنه لقاها كتخونو
هبط عند ولدو لقاه كيبكي من طبعو مني كيبقا مع ناس غراب كيبكي هزو عنقو بانو ليه مهودينها دور ليه وجهو باش ميشوفش ديك اللقطة لي تقدر تكبر معاه حتا خرجوها وركب حتا هو فلوطو ديالو مشا نيشان للدار عمو دخل لقاهم جالسين على طبلة الفطور لمياء كيف عادتها مكتحركش ومكدويش بالصدمة مجلسينها فكرسي متحرك و إياد لي كان ربا اللحية وزاد وسامة على وسامتو وليليا حتا هي لا تقل جمال على ختها بشعرها الاشقر لي جا كيحمق مع بشرتها السمراء جات بحال شي برازيلية و محمد لي حتا هو كان كبر فالسن ومع الهم ولا باين فيه الشرف شافوه وقفو كيخنزرو ومحمد معصب وحتا إياد
قيس:واش بصح روح عايشة
قيس:واش بصح روح عايشة
هاد الكلمة كانت كافية باش تخليهم كلهم شادين فمهم ومصدومين ومكيرمشوش
ليليا:كيييفااااااش اش كتقول نتا
قيس:مفخباركم والو مشفتوش الجريدة
اياد:واااش نتا معييتيش ممخليها هانية حتا فقبرها
قيس:تهدن اصاحبي مكتشوفنيش هاز الولد بلاش من الغوات وراني مكادبش وسير تأكد بنفسك
كانت ليليا هزات طابليط ديالها وجبدات الصحيفة الاكترونية غير شافت دكشي لاحتها وسخفات طاحت على طولتها
لمياء:ب ب ن ت ي
محمد:حياتي دوييتي(داخ معرف واش يفرح ولا يتصدم و لا يخاف)
مشاو كيجريو عند ليليا رشو ليها الخدامات ريحة وبدات تفيق
ليليا:روح ختي هءهء مماتتش فين هي ختي
محمد:تهدني ا بنتي حنا غادي نفهمو كلشي غير تهدني
ناض محمد عند اياد و قيس
محمد:فين كاينة دابا كيفاش مماتتش خاصنا نلقاوها
اياد:انا انتكلف
قيس:حتا أنا
اياد:نتا خليييك بعييد
قيس:احم لي يريحكم ممكن نطلبك ا عمي
محمد:دوي ا ولدي
قيس:وقعو مشاكل بيني وبين هاديك غادي نطلقو نقدر نخلي معاكم ريان شي أيام
محمد:تحسر على حالت ريان بزااف
محمد:انا انقول ليهم يوجدو ليكم بيوتة
اياد:ولكن...
محمد:عمر دم مكولي ما والانسان كيغلط المهم هو يعرف غلاطو وحنا أول وحدين غلطنا معاها ماشي غير هو
قيس:شكرا ا عمي
خرج اياد معصب كارهو وكيتفكر شنو قال ليها كيبغي يدبحو
أنت تقرأ
الشيطانة الفاتنة
Akčníهاد القصة ليكم شي حاجة مختالفة تماما عمرها دازت فالتاريخ كتجمع كلشي باناشي🍹 كووووكتييل🍻اي حاجة جاتكم فبالكم كاينة هنا الحب 💏الهوس المرضي💑 العشق💓 الهيام💖 الرومنسية💕 ودراااما الغدر 💔الخيانة💔 الفقدان😢 الاغتصاب😨 الصداقة 👭الاخوة 👫من جيهة و...
