الشيطانة الفاتنة

الجزء 26

روح:عرفتي شي حاجة
جابر:وي (شعل بجهاز التحكم واحد الشاشة كبييرة بداو يدوزو فيها صور)هادو لي كتشوفي هنا اعضاء منضمة ارهابية قدرنا نعرفوا وجوههم كلهم من غير الراس الكبير لي ممعروف عليه حتا حاجة حتا من سميتو معارفينهاش وكيفما كنا متوقعين عمك أحمد داخل فهاد المنضمة مكفاهش يتاجر المخدرات مي ولا كيدير العمليات الارهابية
روح:انقاديهم ليه غير صبر
جابر:(دار واحد الصورة)هادا جاك روسي هو عينين شاف وودنيه هو الوحيد لي شايفو وعارفوا (دوز الصورة)هادا أحمد عمك لي هو النائب ديال شاف هو لي كيعوضو فالاجتماعات و غيرها مي عمرو مشافو (بقا يدوز ويوريها كل واحد وشنو كيدير)
روح:هادو راهم دكيين بزاف و موزعين الادوار بشكل متقون
جابر:وي ولحد الآن الشرطة مقدرات تشد حتا واحد فيهم
روح:نهايتهم على يدي
جابر:هادشي هو لي كنت باغي ندوي معاك فيه
روح:شنو
جابر:شاف كلفك نتي بالمهمة من بعد ما قنعتوا ولكن غادي تكون عندك الفرقة ديالك لي غادي يرافقوك(شعل ثاني الشاشة) جوزيف 30 سنة عبقري تكنولوجيا تشهرات سمعتو فهاد النجال مني حل واحد الخزنة لي مستحيل يحلها شي واحد وعشرة دقايق مهم دكائو ميمكنش شي واحد يحدو فهاد دومين
الوحش حتا واحد معارف سميتو الحقيقية حيت ببساطة مكيدويش هادا مفقلبو لا رحمة لا شفقة قتال بابشع الطرق كما انه قوي بزاف حتا واحد ما يمكن يغلبو
دايمون يعني الشيطان هو لي لقب راسو بهاد الاسم حلموا يموت
روح:كيفااش
جابر:باه و خوتو وجدودو كلهم خدمو فهاد المنضمة وكلهم ماتو فيها و هو حلمو يموت حتا هو فيها شوية مزعزع فدماغو ولكن متلقايش بحالو شجاع وميخليش صحابو
نادر هادا زير نساء هه ميمكنش ميطيحش شي مرا فالشبكة ديالو وهادي طريقتو فالتجسس كيعرف اسرار دالمافيات من العيالات
زاك هادا سائق محترف بزاااف يعني يقدر يسوق ليك اي حاجة طيارة موطور سيارة آي حاجة وعندو خبرة بزاف فهاد المجال يعني يقدر يهرب من أي واحد كان تابعو
سعد هدا متخصص فتفكيك القنابل وهادي اخيب مهنة ممكن تخطر ليك على بالك حيت ديما عندو رجل فالدنيا ورجل فالاخرة ولكن عمرو فشل حيت خاد المرتبة لولة فهاد دومين
ميرا قناصة المجموعة عمرها زكلات الهدف ديالها خطييرة بزاف أنا براسي معجب بيها واعرة محترفة
هجر و سحر توأم الشبح كيسيطيو المافيات بتحرميات ديالهم وكيستغلوا التشابه ديالهم فهادشي
بيبو هي رفيقة الوحش لي كنت دويت ليك عليه وقلت ليك مكيدويش هي الوحيدة لي كتفهموا واخة البنية الجسدية ديالها كتبان ليك هكا ولكن هي الوحيدة لي غلباتو ومن تم ولاو بحال الحلاقم قراب البعضياتهم هادي يعني أنها متدربة مزيان على جميع الفنون القتالية وغيرها
وأخيرا كيم هادي هي الكل فالكل عبقرية كتقرا شنو ايدير العدو قبل مايفكر يدير ديك الحاجة هي لي كتعطي الخطط والبلانات و عمرها فشلات فشي مهمة
روح:بهاد الفرقة نحتلوا العالم إلا بغينا
جابر:خاصكم غير تفاهموا بيناتكم
روح:مي قبل خاصني نجرب ونشوف اخلاصهم
جابر:شنو غادي ديري
روح:مزال مفكرت
جابر:واخة يلاه سيري رتاحي غدا نكملوا