الشيطانة الفاتنة

الجزء 71

قيس:(بغا يحيد ليها الكول يشوف وهي كتبعد) هداي نشوف
روح: والو غير قرصاتني شي حاجة المهم خاصني نمشي دابا
ركبات بالخف و خلات جبل دالاسئلة كدور فراس قيس و غزل كل واحد ونيتو قيس مخلوع على حبيبتو وشاك بلي مخبية عليه شي حاجة خطيرة أما غزل تموت و تعرف شنو داكشي بغات تلقا عليها شي حاجة لي تخلي قيس يكرهها
أما روح كسيرات بجهد حتا بعدات عاد طلقات دموعها و بدات كلها تفيبري محسات براسها حتا لقات راسها قدام المنضمة مسحات دموعها و عدلات مكياجها تنفسااات عاد خرجات دخلات من الباب السري ومشات ديريكت للمكتب ديالها شوية سمعات تيلي وصلها شي مساج هزاتو وقراتو كان من كيم لي علماتها بلي اليوم غادي تدار عملية ارهابية ووصاتها باش تحل عينيها و ودنيها مزيااان ومتزكل والو ولكن مغتشاركش فهاد العملية داكشي لي دارت تفكرات جهاز تصنت لي كانت ركباتو للبوص فالكرسي خدماتو مع ودنيها سمعات البوص كيدوي مع شي حد عرفاتها داشا ولكن مني سمعات صوت صرب تمحاو الملامح من وجهها ولا وجهها صفحة بيضاااء خالية من اي تعبير ناضت ومشات للمكتب ديال البوص حلات الباب ودخلات كلهم دارو شافو فيها كانت مبتاسمة ابتسامة كدوب بقا البوص غير حال فيها فمو دخلات كتمشا على وحدة ونص ودايرة راسها ممسوقاش ونسااات شنو وقع البارح
البوص:فتون كيف بقيتي
روح:سافا بشوفتك
صرب كان غير كيخنزر فيها فالاول مصدقش بلي هي لي واقفة قدامو و كتضحك كيتفكر حالتها البارح و كيف ولات دابا كيقول واقلة كان غير كيحلم حيت مستحيل تنوض شي وحدة علا رجليها و تبتاسم من الفوق و حالتها كانت هكاك يلاه شي سوايع دابا معرف ميدير غير يخرج عينيه على الاخر اييه ا سي صرب معاك روح و اجرك على الله اتشطحك على صبعان رجليك مني شافها كيف كدوي مع البوص خنزر ومن بعد ضحك مني تفكر هضرة جابر وقال بهمس حوايجو مسمعوهش
صرب:قالك اتندمني هي نسات كاع واش أنا كاين سيدة واخدة ليا راحتها
مع غادي يكملها مع دارت شافت فيه واحد شوفا ممفهوماش دارت فيه الشك يسحاب ليه واش سمعاتو
البوص:مني تجمعتو كلكم بغيت ندوي معاكم فواحد الموضوع مهم وكيخصك نتا ا صرب
صرب:وي
البوص:مورا ثلاث ايام غادي ناخدو الشحنة من عند فيكتور ووصلاتني خبار من مصادر الخاصة بلي اليوليس عرفو
بلع صرب ريقو حاول ميبينش دارت شافت فيه روح و ضحكات هز حاجب وهبط لاخر كيحاول يفهم لاش دارت هكاك
صرب:وشنو المعمول
البوص: حنا وقعنا العقد مع ناس لي ابيعو ليهم سلعة (اعضاء بشرية) ومنقدروش نتعطلوا خاصنا ناخدو فالوقت وراك عارف داكشي دغيا كيسالي مدة الصلاحية ديالو
صرب: شنو خاصني ندير
البوص: انقتلوا البوليس
بلع صرب ريقو حتا صاحبو ايكون فالعملية هو الشاف ديالهم
صرب:اه واخا
البوص:صافي هادشي لي كاين إلا قمتي بالمهمة على اكمل وجه غادي تاخد بلاصة داك شارف ديال أحمد
صرب:امم نتمناو
البوص:يمكن ليكم تفضلوا بغيت ندوي مع ختي على انفراض
ناض صرب خرج شوية تبعاتو روح مشات لمكتبها يلاه اتسد الباب خرج ليها كي جن
روح:(بهدوء قاااتل) شنو بغيتي
صرب:احم بغيت نقول ليك سمحي ليا على لي وقع البارح
روح:ماشي مشكيل نسيت شنو وقع البارح
صرب:بصح زعما نسيتي نسيتي
روح:وي بغيت ورقة طلاقي
صرب:اهاه واخا اليوم نطلقك
روح:يمكن ليك تفضل (مشات جلسات فالمكتب)
صرب:واخا
خرج وبقات هي كتشوف فواحد الورقة دازت جوج دقايق وهو يجيها انهيار عصبي كاع دكشي لي فالبرو لاحتو هزات فاز شيرات بيه على الباب وجلسات فالأرض كتبكي كان صرب واقف مورا الباب سمع تشرشيخ و الحرب نايضة حدر راسو وعرف بلي غير كثمتل ومزال محلفة عليه خرج معصب ركب فلوطو وبدا يكمي كارو ورا لاخر كمل باكية ونص حل زاجة و خرج يدو كيحاول يبرد على راسو أول مرة فحياتو كلها كيحس بدنب وصل للمقر هبط ودخل مشا لقاعة الاجتماعات لقاهم كلهم مجموعين من غير جابر