الشيطانة الفاتنة

الجزء 64

قيس:شنو قلتي
روح:(حشمانة)امم انعطيك فرصة بشرط
قيس:نتي امري
روح:تبقا علاقتنا سرية
قيس:على خاطرك
كانت غزل واقفة كتسنت عليهم وكتغدد فنفسها حالفة حتا تفدي فيها الفرشة لي فرشاتها و باغا تموت حيت وافقات وولاو على علاقة
عنقها قيس خشاها فحضنو حاط فمو على شعرها مستمتع باللحضة أما هي حسات براسها اشلائها لي كانو مشتتين تلمو فحضنو نسات كل هم و كل حاجة خايبة عاشتها
دخلوا ابطابنا للحفل وكملوه و رجعوا للفيلا كانت ديك ساعة 8 دليل تفكرات روح صرب طارت منها بدات ترعد
روح:ماما أنا انعس عيانة بلاما تفيقوني للعشا
باسها باها فراسها
محمد:تصبحي على خير اميرتي
ابتاسمات ليه وطلعات تبعها قيس دخل لبيتها وسد الباب و شدها من خصرها مقربها ليه
قيس:ملاكي فيه نعاس وعيان
روح:(مزنكة)هه وي
قيس:اش با ليك تنعسي هاد ليلة فحضني
صفارت روح وألوان طيف بانو فيها
قيس:الحشومية ديالي متخافيش منكلك حتا نتزوجو احبيبتي
روح:(ولات كيف مطيشة)ويلي كون تحشم
قيس:يسلملي الخجلان اححح اتحمقيني نتي لهاد الجمال كلو
روح:هه يلاه خرج خليني نيني
قيس:اووف ها هو خارج ا لالة
باسها ففمها بجهد وراسها وعيونها بجوج وخرج
ض على قلبها كتحس بيه ايخرج ومرسوم على وجهها ضحييكة وعينيها كيبريييو تفكرات صرب عقداتهم سدات الباب بساروت و خرجات للبالكون نقزات منو بالخف وخرجات ركبات فلوطو ديالها وصلات لقات لوطو كتسناها ركبات وقلبها كيضرب معولة اليوم تصفيها ليه
وصلات لواحد بتيت فيلا زويين شكلها هبطات كتشوف جنابها
الشيفور:موسيو صرب كيتسناك لداخل
روح:اوك
مشات وقلبها كيزدح خايفا من لي جاي دقات وحلات ليها الخدامة لباب كانت جابونية حنات ليها راسها ودارت ليها يديها باش تبعها
تبعاتها بقات روح تشوف فالفيلا كانت أقل ما يقال عنها روعة مفرشة بطريقة مصروعة كلها على بعضها لوحة فنية غالب عليها لون ذهبي طلعاات الخدامة فالدروج وتبعاتها روح وصلوا لواحد الغرفة بابها كحل و عرييض وكتحل بسكة حلاتها و دارت ليها بديها باش تدخل دخلات وسدات وراها الباب وتماك فين كانت الصدمة خرجات روح عينيها من دكشي لي شافت جميع الالات التعديب الجنسي كينين تم وشي اجهزة و شي ماكينات حسات بسخفة شاداها شدات فالحيط لاحت صاكها فالارض بلعات ريقها شوية حسات بنفس وراها نقزات بالخلعة
صرب:مرحبا بمداااام المريني زارتنا البركة
مجاوباتوش بقات غير تخنزر فيه
صرب:اممم شنو درتي البارح ا زوينة فكريني
كيدور عليها حيد شعرها و جابو فجيهة وحدة
صرب:امممم دفلتي عليا
غير كتشوف فيه وقف قدامها وحط يدو على خدها بعداتها
صرب:جلسي على ركابيك
متحركاتش
صرب:(غوت)جلسيييي على ركاااابيييك