الشيطانة الفاتنة

الجزء 68

جابر:(كيغوت) غادي نقول ليك جوج كلمات كلمتي مغاديش تجي على كلمتك حتا تخليها تسامح ليك بأي طريقة طلع لسما نزل الارض لمهم تسامح وإلا قسما بربي ما نتا ولدي ما أنا باك وإلا كانت قالت ليك بلي راك شماتة فراه مكدباتش جاي تبين قوتك على العيالات واش عارف هاديك شنو داز عليها ها عارف ولا لا هادي شهر دابا ياش لقيتها حالتها تبكيك مغتاصبها خوها لي كابرة معاه و شعلات فيه العافية مجات فين تكمدها حتا تعرضات للاغتصاب ثاني من ثلاثة دالشماكرية (مخرج صرب عينو فيه) اه تصدمتي تسنا نزيدك ماتت مها لي كانت كدير العجب باش تعتقها و مني كانت الحياة غادي ضحك ليها داك عمها الحيوان كان بغا يقتلها هي باش يغطي على فعلتو وجات فختها التوأم لي دابا مغيبة شهر هادا شتي هاد البنت شنو داز عليها ونتا ببساطة زدتيها الخل على الخميرة زدتي طعنتيها بجرح جديد ولكن روح لي كنعرفها مغتسكتش لهاد شي إلا مقتلاتكش غادي تخليك تمنا الموت حسن ليك خليها تسامحك ولا غادي تندم
صرب: مكنتش عارف اب...
جابر: يا خسارة تربييتي فيك امتا أنا علمتك تضلم امتا علمتك تستقوى على لي ضعف منك ها دوي ياك البنات عطاهم الله لي كيجيو تال عند رجليك اش داك ليها ونتا عارفها مطايقاكش
صرب:صافي الوليد أنا انصلح غلاطي
جابر:حسن ليك وإلا (حس بنغرة فقلبو شدو وبدا كيتألم) ااه
صرب:(مشا طاير شدو) مالك الوليد
جابر:شتي نتا اتسيفطني قبل الوقت
حدر صرب عينو داه للوطو جلسو ومشا جلس هو فبلاصة سوقان ديمارا بقاو غادين فصمت داه للمنضمة خرج جابر بلاما يدوي معاه بقا صرب فلوطو كيحاول يجمع افكارو لي مشتتين تفكر كيفاش كانت كطلبو وكيفاش مسمعش ليها ضرب الفولون بجهد بيدو رجع راسو لور تنهد قرر يرجع عندها كسيرا فاتجاه الكلينيك وصل ومشا لغرفتها لقا غير ريح سول الممرضات قالو ليه خرجات معرف ما يدير قال اتكون رجعات للمنضمة خرج حتا هو رجع
عند روح
بقات تفكر فهادشي لي وقع ليها مزال ممتيقة شنو طرا ليها بدات تضحك بهستيرية شوية بدات كتبكي و خشات يديها فشعرها دارت راسها وسط رجليها بقات مدة على هاد الحالة ناضت فجأة بغات تخرج ولكن ملقاتش حوايج لبسات صابو فرجيلاتها و خرجات جات كتمشا فركة شوية حيت تحتها عاطيها الحرييق عندها واحد الممرضة
الممرضة:فين خارجة اختي
روح:وليت لباس بغيت نمشي
الممرضة:اتمشي هاكا
روح:(كدوي بزز)ملقيت منلبس
جراتها من يديها وداتها لواحد الغرفة فين كيبدلوا عطات ليها مونطو لبساتو الفوق
روح:شكرا ختي نرجعو ايك فاقرب فرصة
الممرضة:هانيا ختي
تفكرات روح بلي معندهاش باش تركب فطاكسي بقات تدور فعينيها حشمات منها ابتاسمات الممرضة ومشات لساكها جبدات عشرين درهم وعطاتها ليها خادتها روح حشمانة وواعداتها بلي اترجعها ليها خرجات شدات طاكسي معرفات فين تمشي قررات تمشي للفيلا وبالفعل وصلات ودخلات من الباب دقات وحلات ليها الخدامة الباب وهي كطلع وتنزل فيها وفشنو لابسة عمرها شافتها هاكا طلعات بهدوء لبيتها تفكرات بلي سداتو من الداخل معرفات مدير نزلات ثاني مشات عند الخدامة خادت من عندها الساروت كانت طالعة فالدروج وحادرة راسها سمعات الخطوات طلعات راسها دم مشا منها معرفات مدير واش ترجع لور ولا تزير القدام ولا تلوح راسها من الدروج وتهنا تبلوكات وكان فات الحال شافها خوها اياد لي نزل بغا يشرب لما تقادا ليه بقا يشوف فيها وكيحاول يفهم شاف الفاسمة لي على عنقها محسش حتا لقا راسو قدامها وكيحرك فيها
اياد:ليليا مالك شنو وقع ليك فين كنتي اش هاد الحالة
مالقات باش تجاوبو بقات غير كتشوف فيه
اياد:وا دوي
روح:شووت سكت اتفيقهم
اياد:وا هي لا دويتي اش هادشي فيك فين كنتي
روح: اجي ونقول ليك
مشات قدامو حلات الباب و دخلات لبيتها هو مفاهم والو مشات لفراشها جلسات و جا وقف عند راسها مربع يديه كيتسنا شي جواب
روح:احم دابا صاحبتي قالت ليا نمشيو نسهرو فالبواط (كدور فعينيها باش تفادا شوفاتو) ووافقت احم و مني كنا فالبواط وقعات مضاربة و جات فيا هاد الضربة مي ماشي شي حاجة
اياد:(بعدم تصديق) ولاش خرجتي بلاما تقولسها لينا (شاف زروقية لي فجيها الاخرى قرب و دور ليها عنقها) و هادشي شنو هو ثاني
روح:(كتفتف) هاء غير غير ضاربة مع هاديك لي ضرباتني بالموس و و هي لي دارت ليا هاكا
اياد: واش كتسطاي عليا هادشي راني عارف مزيان منين جا شكون دار فيك هاد الحالة
روح:هءهء صافي ا اياد خرج عفاك خرج
اياد:غادي دوي ولا غادي نعرف بطريقتي
روح: راني قلت ليك شنو وقع

اياد:واخا على خاطرك أنا عارف كيغادي ندير نعرف

خرج معصب وخلاها ثاني حالتها حاالة بالبكا ناضت للحمام شعلات لما البينواغ و هي فشلانة ودموع حلفو لا حبسوا بدات تحيد حوايجها قدام واحد المرايا كبيييرة تعرات كلها بانو ليها طبايعو فانحاء جسمها مخلي اثرو فكل بلاصة شهقات وسدات فمها وزادت فالوثيرة دالبكا جلسات على ركابيها كتشوف بقع زرق فعنعقها و صدرها و يديه مطراسية ففخاضها جا فبالها قيس وزاد على ما بيها كتفكر هضرتو" الا بغيتي ندوي مع عمي نخطبك" "راني ناوييك للحلال" "مغادي ناكلك حتا تولي مرتي" جاها انهيار عصبي فديك اللحضة ناضت وهي مقررة قرار لا رجعة فيه دخلات للبينوار كلها بقا راسها لي خارج رجعات للور وتكات على الحافة كتشوف فالسقف ودموعها شلااال بدات تفكر لحضات حياتها مني تخلقات حتا اليوم تفكرات مني كان كيحكر عليها خوها وقاطع فيها النفس ممخليهاش تعيش مراهقتها بحال البنات تفكرات مها لي كانت حنينة فيها وكيفاش المرض كلاها و داها الله عندو تفكرات ختها حبيبتها لي مزال حتا مفرحات بيها وطاحت حتا هي ففراش الموت حتا هي تفكرات الاعتداءات ماشي ساهلة على اي وحدة كيفما بغات تكون تعيش هادشي واخا يكون قلبها حجر مغتستحملش هادشي شهقات وشدات بيديها فطرف ديال البينوار غمضات غينيها و غطسات راسها فلما دموعها حلات عينيها وسطو تخلطوا مع لما بقات حابسة نفس شحاااال حتا صافي مبقاش عندها الاوكسجين بانت ليها مها رحمة كتبتاسم و عاطياها يديها باش تشد فيها