الشيطانة الفاتنة

الجزء 197

كانت متكية على جنبها ديرة يديها تحت راسها وكتشوف فالمنضر لي قدامها حنين مخشية فباباها لي حلف لا طلقها كانت عارفاه غادي يكون أحن اب وحتا حنين بحال إلا حسات بيه ولقات الحنان فحضنو كانت معنقاه بيديداتها و نا ناعسة على كتفو وحتا هو معنقهم بجوج نزلات باست بنتها وباستو حتا هو ففمو الله لي عالم بفرحتها عمرها كانت فرحانة قد هاكاك كتمنى من قلبها تبقى هاد صورة قدام عينيها للأبد
حس بطعم شفايفها حل عويناتو المغرزين شديدين الاسوداد بحال ضلام الليل الحالك رسم على شفايفو ابتسامة حتا بانت تقيبة الزين هز يديها باسها وطول البوسة عاد نزل شاف حنين كيف مخشية فيه ونعسة لي دايرة
روح:الخنفوشة لقات راحتها فحضن حبيبي خادت ليا بلاصتي
صرب:خلي عليك بنتي هادي هي بلاصتها اميرتي
روح:ياك وأنا لحتوني للتوش
صرب:(قرصها من خصرها)نتي هي الحلوة ديالي شكلاطتي
روح:بعد مني مخاصمة معاك
صرب:اممم خاصك شي بوسة نتي
روح:لائح منتصالحش معاك
صرب:(جرها عندو وتلاح على شفايفها كيمص فيهم ويعض ويلتاهم فيهم بلهفة)تصالحنا دابا
روح:اححح (شداتهم)ضريتيني
صرب:راه غادي نضرب ليك شي ماتش هنا إلا بقيتي توحوحي عليا
روح:ويلي ويلي كون تحشم اتسمعك البنت
صرب:(حيد يدو بشوية تحت راس بنتو وباسها فراسها عاد طلع راسو فيها كيشوف شي شوفات دارو فيها شك)
روح:مالك
صرب:(غير كملاتها جا فوقها ونزل لنقها عضو)تشهيتك
روح:(طلعات معاها السخونية حتا تزنكات)ويلي على تشهيتيني نووض
صرب:تءتء بغيت حقي أنا
روح:اممم بحالاش هاد حقك
صرب:(نزل عض شفايفها وكيدوي)ونشدك يا روح مغادي يفكك مني حتا حد على هاد الحلاوة لي فيك
دورات يديها على خصرو ودخلات معاه فقبلة فرنسية كل واحد فيهم كيروي عطش حبو للثاني خشا يدو تحت الحوايج كيلمس جسمها الناعم ويعبص فيه غير كيعجن كتعضو ففمو ب حر المتعة بعدات عليه كتنهج وحتا هو كينهج وكيحس براسو تزير
روح:(بهمس) صرب أجي معايا
تستات من تحتو كانت لابسة بيجاما عبارة عن سروال وتريكو فشيبي وشعرها مطلوق ورا ضهرها شاف فيها بحب وناض حتا هو جراتو من يديه وداتو للبالكون لي كان فالغرفة وقفو بجوج هي قدامو محاوطها من خصرها ومقربها ليه
صرب:شنو كاين
روح:(شدات ليه وجهو بيديداتها)حبيبي كتيق فيا
صرب:وي كنتيق فيك شنو واقع
روح:غادي نكملوا حياتنا كيف كانت على قبل بنتك احياتي خاصنا نصبرو شوية حتا نلقاو شي حل ل اوزان حيت هو قال لي واخا يموت كاينين رجالو ايبقاو مقابلين حنين حتا يقتلوها

نخلي بنتي معاه ونخليك نتي حداه واش كتمركني عليا ولا ضارباك شمش

روح:تهدن اصرب متعصبش راسك شوف فيا أنا قبل كنت حامية راسي وبنتي منو هو مغيقدش يأديها ولكن إلا مشيت معاك دابا وعرف هو غادي يقتلها قدام عيني وراه فايت حاول يديرها تماك فين عرفتو مكيتفلاش وعندو القتل بحال اللعب
صرب:(ورك عليها)كيفاش حاول يديرها
روح:اي ضريتيني
صرب:(طلقها)دوي
روح:تيرا فجيهتها جاتها القرطاسة فوق راسها زكلاتها بشوية مني مبغيتش نجي للشركة نهار لول
صرب:(زير على يدو حتا تنفخو عروقو)الله يلعن زامل لي حطو غادي نح** (سدات ليه فمو حيت بدا يغوت) غادي نصبر ولكن إلا شفتو دار شي حاجة ماشي حتال تم مغنسكتش ا روح وغاظي نقتل زامل بوه
روح:صافي صافي غير تهدن (شدات ليه يدو لي كترعد باستها)صافي يا أحن اب و احن حبيب شفتو فحياتي كلشي غادي يتصلح
صرب:متبقاي تخبي عليا وااالو مزال
روح:بشرط ترد البال لراسك وفاش تعصب تفكر بلي كاينة حنين محتاجاك كثر من كلشي نتا سندها فالحياة وضهرها الحامي وحاجة ثانية نتا كلشي عند هاد الانسانة لي قدامك
صرب:(باس راسها وخشاها فحضنو)ونتي المرأة لي سلبات عقل هاد الراجل
عنقاتو بجهد كتستمد منو القوة حتا شافو حنين جايا شعرها مغطي وجهها ويلاه فايقة خاسرة بعدات عليه ومشات عندها هزاتها وجات وقفات حداه خاد يديداتها باسهم
صرب:صباح نور
حنين:صباحو أميري
روح:حبيبتي خاصها تمشي لليكول ديالها اليوم
حنين:مبغيييتش
روح:ولاااش
حنين:بغيت نبقا مع مون برانس
روح:(دارت شافت فيه لقاتو كيشوف فحنين وفعينيه واحد البريق دالفرحة)اميرها قول ليها خاصها تمشي لليكول
صرب:(خادها ليها وهزها هو)إلا مشيتي لليكول غادي نديك فالويكاند لواحد البلاصة اتعجبك
حنين:يااااي صافي انمسي فخبالك انا كنرقص الباليه
صرب:اوووه بصح
حنين:اه اه حطني نوريك شنو تعلمت
حطها فالارض كيشوف فيها بدات كدير ليه الحركات لي تعلماتهم كدور وشعرها طاير فسما نزلات دمعة فخر ولا حاجة اخرة مقادش يفسرها قربات ليه روح مسحاتها وباستو فخدو وتكات على عنقو كيشوفو ثمرة حبهم والفرحة رغم كل الهموم والمشاكل مالية قلوبهم
روح:يلاه حياتي براكة عليك خاصنا نمشيو
صرب:(معصب ولكن كيحاول يتهدن)صبري نوصلكم
روح:لا لا متفكرش حتا مجرد التفكير فيها
صرب:بففف سيري سيري قبل ما ضور ليا فالخوة
نزل باس حنين وضار ميحاول ماااا أمكن يتهدن ويتمالك اعصابو
دخلات هي وحنين لبساتها ولبسات حتا هي دارت شافت فيه لقاتو مزال عاطيها بالضهر تنهدات وخرجات مقلقة وطايح عليها الضيم كتفكر بلي اترجع لداك الجحيم
خرجات خادت طاكشي رجعها للفيلا دخلات لقات غير الخدامات وقفات وحدة
روح:اوزان مكينش
الخدامة:كاين ا لالة فبيتو
روح:شكرا
طلعات هي وبنتها عطاتها لعائشة ومشات هي للجناحها خادت دوش خفيف دهنات لحمها بالكريم نشفات شعرها ودارتو بوكلي خفيف لبسات (صورة)رشقات ليها على المكياج دارت فاغابوبيير فالبيج والكونتورينغ والهايلايتر ذهبي كيلمع عاد غوج اليفغ فالبوردو جات كتحمق زادها شمال على جمال لبسات كعبها العالي هزات صاكها ونزلات لقات بنتها مشات جلسات كتفطر شهيتها مفتوووحة كاع الماكلة لي نقصاتها فالايام الاخيرة عوضاتها كتحس بهم ونزاح عليها كانت حاطة يديها على الطبلة شوية حسات بموس جا وسط صباعها زكلها بشوية كان ايتقب ليها يديها بقات مصمرة ديك ضحكة ختافات