الشيطانة الفاتنة

الجزء 193

دخلات للمكتب لقات أنغام مزال جالسة شادة طيلي
روح:اووف غادي نحماق بزاااف هادشي
أنغام:مالك
روح:مفخباركش هه دربتها لديك شيخة بواحد نتفة عالمية باش تعلم ضور بيه اعععع مني كنشوفعا معاه كنبغي نطرطق نفاجر ناكرها
أنغام:حاالتك صعيييبة ههه أجي فيك ميخرج بغيت نمشي ندير شوبينغ عرفتي البلاكار ديالي مبقيت كنحمل فيه حتا حاجة
روح:ساكنة دابا نتي بوحدك
أنغام:هه وي بووحدي اصلا كانت باقي ليا غير ماما وماتت الله يرحمها
روح:أمين حبيبة وي نخرجو مي خليها للغدا نيت ديمونش مغاديش تكون الخدمة
أنغام:صافي وجيبي معاك حتا ديك الخنفوشة عندك
روح:هه واخا اصلا مكينقدش نخليها بوحدها
أنغام:من حقك ديك دار الهبال
روح:واييه يلاه أنا انمشي نتلاقا مع ديك خيتي
أنغام:كون غير مشيت معاك
روح:نو غير بلاش الحب أنا انشوف مالها
أنغام:اك بب وباشما كان علميني
روح:واخا باي (سيفطات ليها بوسة فالهوا وخرجات)
مشات للكافي لي دارت معاها فيه كان غير قدام الشركة دخلات ليه لقاتها جالسة وكتسنا
جوري:سلام
روح:(مخنزرة تسرفيقة مزال متسرطات ليها)سلام(جلسات)قولي لي عندك بغيت نمشي
جوري:براحة عليك ا زين الوقت قدامنا طلبي شي حاجة
روح:ماعنديش نفس غير دوي
جوري:اك حبيبة ندخل فصلب الموضوع
روح:اش جاك حتا وليت حبيبتك
جوري:لي غادي نقولو ليك ا بنت ناس هو خرجي من حياة خويا حيت لي درتيه فيه عمر شي واحد فينا ينساه
روح:هادشي لاش جايباني
جوري:كيجاك هادشي
روح:ولي نقولو ليك نتي ا بنت ناس خوك حيدني من حياتو غير كوني هانية
جوري:أحسن حاجا دار كان يحساب لي اتلسقي فيه البنت
روح:كيفاش
جوري:كيف سمعتي وصلاتني خبار بلي بنتك عندها العمر لي تفارقتو فيه وزدتي وخليتيه
روح:(كترعد ومخلوعة)غير كتخربقي هاديك ناشي بنتو
جوري:(كتشوف فردة فعلها كيف دايرة)دكشي لي قلت أنا خويا ولد القاع والباع يولد مع شياطة خايبة فحقو
روح:بغيتيني نكمل فيك لي بديتو فلخرة واقيلة
جوري:عرفي راسك معامن كدوي الملقطة
شافت فيها روح شوفات ديال القتيلة هزات الكاس دلما لي قدامها كباتو ليها على وجهها وناضت
روح:تشرفت بمعرفتك
مشات وخلاتها اتنفاجر وكلشي كيشوف فيها هزات كلينيكس مسحات وجهها وخرجات ركبات فلوطو ديالها
جوري:نتي لي علنتي الحرب ا ودابا لعب غادي يتلعب على اصولو كسيرات موقفات حتال قدام لاكريش لي كتقرا فيها حنين عدلات مكياجها وخرجات كتمشا بعجرفة دخلات عيطات لمكتب المديرة وغير قالت ليها كنيتها المعروفة فالبلاد ناضت من بلاصتها كترحب بيها
جوري:بغيتك تجيبي ليا حنين كرهان
المديرة:ولكن ممنوع ا انسة
جوري:شحال بغيتي باش تجيبيها (خدات شيك مضات عليه ومداتو لؤها فارغ)كتبي لي بغيتي
بقات دور فعينيها فالاخير خادتو كتبات مبلغ وعطاتو ليها قطعات جوري الشيك ومداتو ليها
جوري:ديري خدمتك
مديرة:واخا ا لالة
خرجات شوية تمات داخلة جايبة معاها حنين
جوري:يمكن ليك تخرجي دابا
خرجات المديرة
حنين:سكون نتي
جوري:انا خالتو جوري شوفي شنو جبت ليك
جبدات من ساكها شوكولا وعطاتو ليها خادتو فرحانة باستها
حنين:شكرا
قاست ليها جوري شعرها متعمدة حتا خدات شعرة منها عاد ناضت
جوري:قراي مزيان المشيشة باش نجيب ليك ثاني شوكولا
حنين:اك طاتي
باستها وخرجات مبتاسمة ركبات فلوطو ديالها ومشات نيشان للكلينيك ديالها عطات الشعرة ديال حنين وديالها للقسم المتخصص فالتحاليل وقالت ليهم يديرو تحليل النسب بيما انها ختو إلا كان كيطابقو فهي اتكون ببنت صرب
مشات للمكتب ديالها وجلسات
جوري:الا كانت حنين بنت خويا اندمك ا روح وعمرك تحلمي بيها ثاني