الشيطانة الفاتنة

الجزء 28

قيس:اجي هداك لي مضروب برصاص ماشي هو لي كنا كنقلبوا عليه مدة هادي هو لي خدام فديك المنضمة دالارهاب
العميد:تماما
ضابط:ولاخر شكون
العميد:هادشي هو لي مقدرناش نعرفوه ملقينا عليه حتا معلومة حتا هويتو مكيناش ولكن هدا لي قتلهم مستهدفهم بجوج
قيس:ادن بغيتي تقول حتا هو خدام فالمنضمة
العميد:تماما
صرب كان كيشوف غير فديك R وبطريقة باش مكتوبة كان متؤكد بلي عنصر نسوي لي كتبها غير من شكلها قاطع تفكيرو العميد
العميد:قدنا نعرفوا معلومات على ديك المنضمة من هاتف لي لقيناه وقررنا شي واحد غادي يدخل معاهم و يتجسس عليهم
قيس:وشكون لي تم الاختيار ديالو
العميد:صرب المريني
صرب:أمرك سيدي
العميد:قيس البنيسي
قيس:نعام اشاف
العميد:نتا اتكون مهمتك تلقا هادا لي قتل هاد جوج
قيس:امرك سيدي
العميد:الاجتماع سالا انخلي ليكم دوسي فيه كاع المعلومات
خرجو كلهم بقا غير قيس و صرب هز كل واحد فيهم دوسي لي غادي يخدم عليه و تكونسونطراو فشغلهم حتا دازو 4 ساعات
قيس:خاصني نمشي لمسرح الجريمة
صرب:اووك سير أنا مزال خدام
قيس:نتشاوفوا من بعد
تسالمو ومشا قيس وناض صرب جاب كاس دالقهوة طرطق صباعو وناض لواحد الحيط دار فيه صور ديال كل واحد من العصابة و كتب تحت كل واحد شنو دورو وباش مكلف وتفاصيل لي كاتبين من بعد بدا يدير خطط لكيفاش ايدخل وكيفاش ايقد يكسب ثيقتهم محكش راسو
عند روح
فاقت فصباح بكري من بعد منعسات ساعة وحدة ناضت غسلات سنيناتها و خرجات لبسات كولون مزير عليها فالزرق و الفوق ديالو بحال سوتيامات الكرش عرياانة و صدر باين نصو لبسات سبرديلتها جمعات شعرها للفوق و وهبطات خرجات جيهة البحر و بقات تجري تم شي ساعة عاد دخلات للمنضمة ومشات لواحد لاصال دارت جميع الآلات لي كاينين عاد مشات لجيهة لي كيدربو فيها بسلاح هزات فردي و بدات تيري جابتها فكاع الاهداف مزكلات حتا واحد حسات براسها عيات طلعات لغرفتها دوشات وقادات شعرها بليسوغ سامبل من بعد لبسات (الصورة)ودارت مكياج خفييف هزات حوايج خرجات ومشات عند غزل لقاتها جالسة
روح:هاكي لبسي هادو و اجي معايا
غزل:اووك
خرجات روح هزات تيلي وهي كترعد عيطات لماماها
روح:الو ماما
لمياء:كبيدتي توحشتك
روح:اليوم غادي نجي
لمياء:معاش ابنتي
روح:حتا ليل
لمياء:انسيفط ليك شيفور يجيبك
روح:اه واخة يلاه ا ماما نخليك
لمياء:ردي البال لراسك احبيبة باباك كيسلم عليك
روح:بوسيه ليا
قطعات معاها عاد تنفسات كتحس بروحها غادي تخرج خرجات عندها غزل حاولات متبينش قدامها و هبطات هي وياها للتحت مشاو للريسطو لي كاين تم لقاو جابر جالس كيشرب قهوة كحلة
روح:صباح الخير
جابر:صباح النور