الشيطانة الفاتنة

الجزء 136

صرب: (كلو عرقان وكيتركل بحاال إلا مصارع مع شي حد وضرب بيديه) روح روح
حل عينو فجأة كان الضلام بقا يشوف السقف هز يدو دوزها على وجهو وشعرو وتنهد من الاعماق ناض جلس كيشوف فالارض وكيتفكر الحلم لي كل ليلة كيزورو ويحرم عليه نعاسو ناض بخطوات تقاااال وفشلانين للحمام شعل روبيني وبقا يشوف فداك لما هابط ولات كتبان ليه الدنيا اسود فاسود مبقاتش حتا حاجة كيف كانت كلشي ولا عندو طعم آخر مد يدو للروبيني عمر يدو مزيااااان وخواه علا وجهوا عاود عمرها مرة وجوج وثلاثة طلع راسو للمرايا وبقا يتأمل فملامح وجهوا كانت لحيتو كثييييفة وتحت عينيه دايرين فالكحولية عينيه باااهتين خاليين من داك البريق لي كان فيهم شعرو ممرتبش كان لابس سروال دسيرفيط فالزرق والفوق والو عضلاتو باااارزين زادو فضخامتهم كثر وتراساااو خرج من الحمام بخطوات ثقيلة جلس فوق الفوتوي لي كانت قدامو طبلة صغيرة فوقها صور مبعثرين هز وحدة فيهم كانت صورتو هو وياها مني خرجو آخر مرة كانت مبتاسمة ابتاسم ليها لا اراديا وحط يدو كيساريها على الصورة فوجهها وعويناتها وفمها كيحس بالالم كيطيح على بحال الجمر ردخ الصورة على الطبلة زعفان وناض مشا للبار لي كان عندو فجناحو ولي مسطوكي بقراعي دالشراب اشكال وانواع هز وحدة من نوع دالشراب القاصح يلاه حط يدو على الكاس وهي تجيه بين عينيه صورتها وهي هابطة حتا تردخلات مع الارض لاح القرعة دالشراب وبدا كيحس بألم فضييع فيدو اليسار بحال إلا شي حد جالس كيقطعها ليه طرف بطرف شدها بيدو لخرا ومخرج عينو بالألم نفس مشات ليه ولا حمر وعروق عنقو خااارجين مشا سخفااان للكوافوز لي عند راسو هز قريعة صغيرة ديال الدوا جبد منها حبة وكالها عاد رجع شد يدو كيتشوا بالألم
دازت خمسة دقائق بدا كيخف الألم بشوية بشوية حتا مبقاش بمرة ناض جمع الوقفة كلو كينهج مشا للدريسينغ لبس شورط فالزرق و تيشورط مزير ايطرطق عليه فالحمر وخرج كانت ديك ساعة 5 دالصباح يلاه بدا يطلع النهار خرج من الفيلا ومشا كيجري بكل قوتو فاتجاه الغابة لي كانت ورا الفيلا ولي كانت خاوية كتصفر
بقا على داك الحال ساعات وساعات كيجري بلاما يوقف كيتسمع فودنو غير ضحكتها وبكاها وصوتها مني كتعايرو وتحداه وحركاتها مني كتبغي تعصبو تفطر ليلة لي سلمات ليه راسها وجسدها عمرو ما حس بداكشي لي حسو معاها مع شي مرأة خرا كانت يقدر وفمستطاعو يبدل ليها حياتها ويردها اسعد وحدة ولكن معطاتوش الفرصة مشات وخلاتو وقف فجأة شاف فالسما وغوت بحر جهدو بحال إلا كيطلب النجدة من الخالق باش يرحمو من هاد الألم مع كمل الغوتة مع حس بكتفو ركد عليه وشوية بدات تنمل عليه يدو وتزير عليه والألم غادي وكيجهاد بدات ترعد شدها بيديه
صرب:لاا لا اه ماشي دابا
نزل على ركابيه ومزير عليها مكرهش يقطعها باش يتهنا غلبو الألم وخاد ليه جهدو حتا بدا كيغيب وكيشوف جوج جوج من الحاجة ودنيا كضور