الشيطانة الفاتنة

الجزء 78

صباح جديد و باحداث جديدة شكون عرف شنو مخبي لينا الله فيه كانت روح كتجري فواحد الغابة بوحديتها الدنيا كتصفر كاين غير صوت العصافير لي كيتسمع و عليل د صباح و ندى لي كيطيح من الشجر كانت بطلتنا دايرة ليكيت فودنيها و طالقة لموسيقا على الجهد لابسة كولون فالاسود وواحد اللعيبة دايرة بحال السوتيانات حتا هي نواغ و الفوق جاكيط نواغ سوداتها بحال زهرها كانت كتجري بحر جهدها شوية تعكلات وطاحت فالارض حوايجها عمرو ناضت كتسوس فيهم
روح:اححح رجلي (مقدراتش توقف عليها) تفوو على زهر كيف داير هءهء معرت شكون داعي عليا فالصغر
مشات كتعرجتا واحد الشجرة طلعات الكولون وهي تبان ليها جرحة فركبتها ودم خارج منها وهي كتشوف فيها سمعات تخرشيش وصوت الخطوات
روح:شكون هنا(وقفات بزز على رجل وحدة كتقلب على شكون كيدير لحس حسات بنفس على عنقها شدها الرعب من اخمس صبعها)وااااع
ضارت وبدات تضرب فيه مغمضة عينيها
قيس:(شد ليها يديها) كالم طوا بب هادا غير أنا
سمعات صوتو حلات عينيها ومع الخلعة عنقاتو بجهد
روح:اووف خفت بزااف
بعدها عليه
قيس:ديزولي مون اموغ
روح:نتا شنو جيتي كدير هنا و باش عرفتيني كاينة هنا
قيس:شفتك فصباح خارجة و خفت عليك حيت صباح كتكون دنيا خاوية وصدمتيني مني جيتي لهاد الغابة واش مكتخافيش
روح:ومناش انخاف باقي شي حاجة كثر من لي دوزت
قيس:كيفاش زعما
روح:(ثوثرات) هاء لا والو ااااي رجلي
قيس:(خايف عليها) مالك مالها رجلك
روح:تعكلت و طحت يمكن مفدوعة
جلسها فالارض و سرحها ليها تالمات مي صبرات هز ليها الكولون وبانت ليه الجرحة
قيس:متخافيش ماشي شي حاجة كغاف نمشيو لوطو عندي باش نداويها
روح:(كانت ساهية فيه نسااات جرحة وكلشي) ا شنو قلتي
ابتاسم وقرب ليها
قيس:فين كان عقلك الخايبة
روح:امم معرفتش
قرب ليها كثر و هي كلها بدات ترعد زغب لحمها طلع
قيس:دوك العوينات
روح:(فمها كيرجف كتخرج الهضرة بالكشايف) مالهم
قيس:كيجيبو ليا التمام كلشي فيك كيجيب ليا تمام (غمض عينو و حط شفايفو على دياولها كيمص و يجر فيهم و متلد1د بطعمهم أما هي محركاتش فمها مخليا ليه زمام القبلة خشا يدو فجاكيط و حط يدو على خصرها العاري بلاما تحس لفات راسها تجاوبات معاه خلات احاسيسها لي تحكم شوية تفكرات بلي هادشي لي كديرو حشومة هي واخا مراضياش على داك زواج و لكن قيس معندو حتا دنب باش يكون ضحية ديال هاد الكدوب بعدات عليه دغيا كتنهج ولات مزنكة بقا هو مغمض عينيه مدة عاد حلهم و تنهد
قيس:عارف هادشي لي كندير فيه ممزيانش ولكن متخافيش ا ليليا والله حتا ناوي معاك المعقول و فاقرب فرصة اندوي مع عمي
روح:(حبساتو)وياااك تديرها ا قيس
قيس:لاش مناش خايفة
روح:(غرغرو عينيها)خايفة من بزاف دالحوايج ا قيس مقادراش نقولهم