الشيطانة الفاتنة

الجزء 187

حنين:وي
روح:انمشيو لشي يخت
صرب:وي
روح:والغدا
صرب:اطيبي لنا تم توحشت طيابك
مخلاهاش تجاوبو زاد قدامها تبعاتو كتشوف فيهم ابتاسمات واخا تعيا ماتنكر الفرحة كانت اتخرج ليها من عينيها لقاو يخت كبيير فالكحل منضرو رائع وفخم شد ليها يديها وطلعوا فيه كان راجل لي مكلف بيه واقف تم غير ركبو فك الحبل وانطالق اليخت مشا هو وحنين كيضورو فاليخت ويوريها لتحت ديالو لي كان زجاجي وكتشوف منو البحر والحوت كيدور عليهم
أما روح خلاتهم ومشات للمطبخ لقاتو مجهز بكلشي دارت طابلية وجمعات شعرها للفوق وبدات كطيب ومرة تبتاسم حيت قلبها كان ايطير فالفرحة ومرة تغوبش مني كتفكر واقعها ولكن كتحاول كنفض دماغها باغا تطون فرحانة واخا غير مرة متفكرش فلي جاي شوية حسات فنفس على عنقها دارت مفزوعة مخلا ليها فين تحلك كان مقرب ليها بزاااف وشاد بيديه الرخامة صدرها ملاسق مع صدرو طلعات عويناتها فيه كترمشهم بشوييية
روح:فين هي حنين
صرب:(بصوت رجولي ثقيييلي خلاها دوب مع كل حرف وشوفاتو لي كانت كتختارقها خلاتها) كتلعب متخافيش عليها
روح:بعد
صرب:(زااد قرب)وإلا مبعدتش
روح:(بصوت انثوي مغري ولكن عفوي)اوووف صرب وا بعد
صرب:متبقايش تقولي ديك اووف راني شاد راسي بزز
روح:(بحال الاطرش فالزفة وصوتها زادت رققاتو)لاش اش فيها
هز يدو طلق ليها شعرها تسرسب ورا ضهرها وقرب ليها حتا تخالطو انفاسهم غمضات عينيها كتستعد للقبلة وقلبها كيخفق مني محساتش بشفايفو حلاتهم لقاتو كيشوف فيها واحد شوفة فشي شكل بحال إلا كيعاتبها حتا هي شافت فيه شوفة بغات تقول ليه بيها ما دنبي والو

حنين:مامي شنو كديرو

تسلتات منو حشمانة مشات هزاتها وحطاتها فوت البوطاجي
روح:اتعاوني بنوتي باش نطيب
حنين:اممم اك مامي
رجع للور تكا على الحيط كيشةف فيهم وكيفاش كتعامل مع حنين تمنى من قلبو تكون هديك بنتو ولكن كان متأكد بلي هي ماشي بنتو وهدشي لي كيزيد يقهرو حيت هو عارف بلي هي مستحيل تكدب عليه بحال هاد الكدبة كان عارف قلبها بيض مغتقدرش تبعد أب على بنتو وتكذب عليه خرج مقهور ومعندو ميدير كيحس براسو كيغلط مني كيقرب منها وهي على ذمة واحد ثاني ولكن قلبو كيخليه يدير شي حوايج هو براسو معارفش كيفاش كيديرهم كما كارو وتبعو واحد ثاني وعقلوا غادي يتفركع بالاسئلة لي كلهم مليهمش جواب جبد تيلي ديالو دوز ابيل لواحد من صحابو خدام فالمخابرات عطاه معلونات على اوزان وقال ليه يجبد ليه كلشي على حياتو كل مكيتعلق بيه وبعائلتو بغا يقطع الشك باليقين
دار كيشوف فيهم بانت ليه حنين طالعة فوق الكرسي وكتستف الطباسل فالطبلة مشا عندها عاونها وجات هي حطات الطبق الرئيسي لي كان عبارة على حوت بما انهم فالبحر ختارت دير حوت وطيبو فالفران مع عطريتها السرية ولي غير حطها ففمو داخ
صرب:امممم شنو كديري باش تخرج ليك الماكلة بنينة هاكا
حنين:حيت مامي بنينة
روح:ههه نتي لي بنينة
بقا ساهي فيهم وكياكل مخلا والو حمقو طيابها دوزو نهارهم فاليخت حتا بدا يضلام الحال ورجعو كان هو وحنين فالصالون كيتفرجو وهي كتوجد ليهم سباكيتي فالكوزينا حتا بان ليها تيلي ديالها صونا شافت سميتو طارت منها خرجات دغيا للجردة وجاوبات
اوزان:فينكم
روح:احم عند أنغام انباتو عندها اليوم
اوزان:عطيني العنوان نجيبكم
روح:قلت ليك انباتو عندها
اوزان:حتا تجي ونتحاسبو
قطعات عليه ودخلات معصبة كملات شغلها عيطات عليهم تعشاو اونسومبل فجو مليئ بالضحك والمرح تخايلات للحزة بلي كلشي تصلح وبلي ولاو عائلة وتجمع شملهم ولكن فاقت من حلمها البسيط على حقيقة مرة
مني كملو دارت ليهم البوب كورن ولي شيبس و الشوكولا ودارو فيلم دالكارتون على حساب حنين تفرجو فيه مجموعين وفالحقيقة كانت غير حنين لي كتفرج أما هما كانو كيشوفو فبعضياتهم المدة كلها مني يدور واحد فيهم وجهو فالثاني يقلب الثاني وجهو حتا بانت ليهم حنين نعسات
روح:احم انا انطلعها للبيت تنعس تصبح على خير
ناض هزها بشوية بحال ريشة وطلعها تبعاتو حطها ففراشها وباسها
صرب:بنتك زوينة بحالك
روح:(فنفسها خادت منك كلشي)شكرا
صرب:(كيشوف فيها بشوق كبير مكرهاش تنعس فحضنو)تصبحي على خير
روح:ونتا من أهل الخير
بقات مقابلاه حتا خرج تنهدات ومشات للدكشي لي جاب ليها لقات سوميج دو نوي فالدهبي فدو بياس ديالو وبينوارو هزاتهم ودخلات للحمام خدات دوش بلاما تقيس شعرها خرجات ولبسات دكشي جمعات شعرها ومشات للبالكون لي كان حادر وكيطل على البحر استنشقات ريحتو حتا تغلغلات فالداخل ديالها شافت فالسما كترجى خالقها يشوف من حالها ويوريها طريق الصحيحة ويسمح ليها دخلات تكات حدا بنتها كتشوف فيها كيف ناعسة حسات بالخنقة لبسات بينوارها وهبطات لتحت عمرات كاس دلما شرباتو كان الضلام يلاه بغات دور تساطحات مع صدرو
روح:احم شنو كدير هنا
صرب:دكشي لي كديريه نتي هنا
روح:اه واخا تصبح على خير
دازت من حداه بجوج خطوات حسات بيديه تحطات على كرشها وحاوطها من لور حاط راسو فعنقها بدات كتنفس بجهد وسخونية طلعات ليها من صبعها الصغير