الشيطانة الفاتنة

الجزء 24

في مكان آخر
بالضبط بمدينة الدار البيضاء
وقفات ليموزين قدام واحد الاوطيل كانت جالسة وحداها جابر لابسة كسوة بيضة وواصلة حد الركبة وبالكمام صدرها باينة الفرقة ومزيرة عليها بزااف دايرة مكياج غامق ومركز على عينيها الخضرين
جابر:هادي أول مهمة ليك واش متؤكدة من راسك مستعدة
روح مباين حتا تعبيير على وجهها متقدرش تعرف واش مقلقة ولا غضبانة ولا فرحانة مجاوباتوش خرجات من ليموزين كتمشا بطريقة راقية هزا فيديها ساك مربع صغير دخلات استقبلها واحد الراجل داها حتال واحد القاعة كانت عامرة بناس وشخصيات المرموقة فالمجتمع الوزراء رجال الاعمال الامراء ومن جميع انحاء العالم دورات عينيها بان ليها الشخص لي جايا على قبلوا كملات طريقها وكاع الاعين عليها كلشي كيتسائل شكون هاد الفاتنة كاع رجال اياكلوها بعنيهم مشات لواحد الطبلة عالية حطات فوقها ساكها وبقات واقفة شافتو كيشوف فيها ركزات شوفا فيه بدورها عضات على شفايفها وابتاسمات هاد جوج حركات كانت كافية باش تخليه يدوخ خلا ناس لي كان واقف معاهم ومشا عندها وكلشو سابقاه
بنيامين:(بروسيا)ممكن نعرف شنو سميت هاد الفاتنة لي شرفات الحفل ديالي
روح:(بالروسيا وبابتسامة)نينا سالفاتوري
بنيامين:عمري شفت بحال جمالك الفاتن
روح:شكرا
بنيامين:تقبلي ترافقيني فهاد الحفل
روح:ليا الشرف
مد ليها يديه شداتها وداها للجماعة عرفها عليهم كانو كلهم رجال الاعمال ولكن كان هداك ضاهرهم حيت كيخبيو مورا شركاتهم اعمال اجرامية وكان بنيامين هو اليد اليمين ديال راس الكبير د اكبر منضمة دالارهاب دخلات معاهم فالهضرة وكلهم نباهرو من خبرتها فمجال دالاقتصاد من بعد داها بنيامين لواحد الفوتوي داير ومعزول شوية جلس وجلسات قريبة ليه طلب هو كاس ديال الشراب أما هي طلبات غير كوكتيل دالفواكه
بنيامين:(هاز كاس فيديه)مقلتيش ليا نتي روسيا
روح:وي
بنيامين:وفاش كتخدمي
روح:عندي شركات ديال البناء
بنيامين:اوووه بصح
روح:ويي
ناضت جلسات فالحافة دالفوتوي ومقربة ليه بزاااف جبدات تيلي ديالها ودارت صور ديال شي شركات
روح:هما هادو الشركات ديالي
بنيامين:اوووه هادشي زويين بزاف
وهو كيشوف وحال فمو من قربها ليه هي كانت جبدات من ساكها واحد القريعة خواتها ليه فكاسو كلها هو مادا ماجاب ناضت ورجعات جلسات
بنيامين:(هز الكاس نزل عليه فدقا وحدة)كنفكر ندير اوطيل فالمغرب اش بان ليك تكلفي بيه
روح:بطبيعة الحال
بقات تدوي معاه على الخدمة شوية بدا يجيه النعاس وكيدوخ وراسو كيدور
روح:مالك
بنيامين:معرفتش مالي ممولفش يوقع لي هاكا مشربتش بزاف أنا انمشي لغرفتي نرتاح
روح:نمشي معاك ؟؟
بنيامين:اووك
مشات عاوناتو وتكاتو عليها خرجو من الحفل وطلعوا فالاسانسور وصلوا للغرفة ديالو
بنيامين:اووه صبري نجبد لاكارط
روح:اووك
جبدها وحل بيها الغرفة دخلوا غير وصل للسريرو طاح على طولتو وغيب مشات روح ديك ساعة كتقلب فالغرفة قلبات الفاليز ديالو مي ملقات حتا حاجة غير حوايجو شوية بان ليها واحد الساك حلاتو لقات بيسي ابتسمات مشات حلات ساكها جبدات سلاحها ركبات ليه كاتم الصوت وتيرات فبينيامين جاتو الرصاصة وسط راسو خادت شوية من دم لي خرج من راسو وكتبات فالحيط بيه حرف سميتها R هزات ساك لي فيه البيسي وساكها وخرجات بقات غادة فالكولوار حتا سمعات الغوات ديال شي بنت فشي غرفة
البنت:هءهءهء متقربش ليا بعد مني عتقوووووني عتقووووني بغا يغتاصبني شي واحد يعتقني
روح حسات بروحها كتخرج تفكرات مني تعداو عليها هادوك القطايعية ولاو عينيها بحال الكبة ديال الدم ووجهها حمر حمر بزاااف