الشيطانة الفاتنة

الجزء 184

روح:مالك ا حبيبة
حنين:مابغيتش نمشي لليكول هءهء
روح:عائشة مالها لاش كتبكي ومبغاتش تمشي للمدرسة
عائشة:معرفتش قالت ليا بغاتك حلمات بشي حاجة خايبة مني خرتي فيقتها بقات تبكي وتعيط عليك وجبتها
روح:بسم الله عليك احبيبة درتي كوشمار
حنين:ااه
روح:صافي ا حياتي هداك غير حلم
اوزان:(تحنى عندهم حتا هو وباسها فخدودها)اميرتي حتا حد مخاصو يبكيها
روح:متقربش ليها نتا
اوزان:انتفاهمو من بعد ناض خرج من المكتب ديالها هزاتها جلساتها فوقها وحطات راسها فوق صدرها كطبطب عليها بحنان تفكرات بلي غادي يشوفها صرب ولا شافها تبدل لونها دغيا يلاه بغات تنوض من بلاستها بان ليها حل الباب دخل جمد ليها لما فالركابي تشوكات مني شافت حنين نقزات من فوقها ومشات طايرة عندو عنقاتو بجهد حسات روح بلسانها تقطع ودنيا ضارت بيها
حنين:برااانس ديالي
صرب:(بقا كيشوف فروح كيفاش ملامح وجهها تبدلو هزها ومشا وقف حداها)لاش كانت كتبكي اميرتي
روح:(كتخرج الكلمات بزز)نتوما نتوما منين كتعرفو بعضياتكم
حنين:هادا هو أميري ا مامي
صرب:(عاقدهم)بغيت ندوي معاك
ناضت فشلانة خادت منو بنتهم باسها فنيفها
روح:حياتي سيري مع نانا غادي تشري ليك جلاااص كبيير أنا دابا نلحق عليكم
حنين:جيبي معاك أميري
بقات غير كتشوف فيها ملقاتش باش تجاوبها عطاتها لعائشة بقات كتشوف فيها حتا خرجات وطلعات عويناتها فيه
روح:شنو بغيتي تقول
صرب:شحال عندها من عام بنتك
حسات بدوخة شداتها شدات فالكرسي
روح:(كترعد)ونتا مالك
صرب:متعصبييش دين مي مني نسولك جاوبي شحاااال عندها من عام
روح:مشغلكش
ناضت بغات تخرج شد ليها يديها ولسقها معاه ورجع يديها للور شادهم بجوج بيد وحدة وحاكمهم
صرب:لاش كتهربي ديما لاش مكتجاااوبيش
روح:(عينيها عمرو بدموع)حيت معنديش جواب حيت منقدرش نعرض حياتكم للخطر حيت كنحس بيدي مربوطين ا صرب عفاك متبقاش تسولني
صرب:إلا عرفت بلي هادشي لي كيضور فدماغي بصح نيت ا روح كنقسم ليك وبرب العرش ولي رفع سابح سماء حتا نعيشك فالجحيم
روح:(كتشوف فيه بخوف وقبلها كيضرب من قربو ليها ومن خوفها)شنو كيضور فبالك
صرب:(ساهي فعيويناتها وفمها كيف كيتحرك) روح متخليش هاد البلاصة لي دايرها ليك هنا (حط يدو على قلبو) تحول لكره كنتمنى مديريش شي حاجة غادي دفعي ثمنها غالي عارفاتي منقدرش نأديك ولكن إلا عرفتك خبيتي عليا هاد المدة كاملة بلا سبب غادي نقتلك ا روح بلاما يرف ليا جفن
روح:(بعدات منو)اش كتخربق نتا أنا مزوجة وعندي بنتي ونتا مكتعني ليا والو من غير ماضي تفكيت منو نتمنى متبقاش تجاوز حدودك معايا
صرب:هادشي لي عندك
روح:اه هادشي لي عندي بغيتك تخرج من حياتي وتبعد مني قدما قديتي
صرب:واخة الالة طلبتي غير الموجود لي طلبتيها هي لي غادي تكون ومن هاد اللحضة طريق مبقاتش غادي دوزنا بجوج(بدات يديه ترعد وتعطيه صداع ولكن تمالك نفسو قدامها)
روح:هكا حسن خرج دابا(شافت فيديه كترعد بطريقة غير طبيعية)
شد يديه وزير عليها كيخرج فيها حر الالم لي فيه فقلبو ولا حمر بزااف حتا خلعها
روح:مالك ا صرب شنو كيضرك
صرب:(دفعها)بعدي متقربيش مني
روح:ولكن يديك ا صرب
روح:قلت ليك متقدربيش
متسوقاتش ليه شداتها بين يديها وهي اتموت بالخلعة روح:تهدن رخي راسك رخي أجي جلس
بصوت عياان صوتو مشا ليه بالالم وخصوصا وأنه معبرش عليه تزير بزااف جلس فشلان
شداتها ليه وبدات دير ليه مساج متخصص فحالتو وكتمشي ليه للأعصاب نيشان حتا بدات كترخى عليه مبقاش كاع كيحس بيهاط
روح:مبقيتيش اتحس بيها واحد المدة مي متخافش
صرب:(كان مغمض عينيه مركز مع الالم وعرقان)نتي هي تعبي المريح وراحتي المتعبة دنبي وغفرتي البعيدة والقريبة لاش اروح كديري فينا هاكا
شدات ليه وجهو مثأثرة و حطاتو على صدها معنقاه كتبوس ليه شعرو وكتبكي
روح:إلا وقعات ليك شي حاجة انموت ا صرب عمرك تفكر تخليني شي نهار عمرك
هزات يديه واخا ثقيلة مع مرخية باستها بجهد وحطاتها على خدها ودموع حلفو لا حبسو