الشيطانة الفاتنة

الجزء 30

وصلوا للقصر تنفسات روح من اعماقها وغمضات عينيها كتحاول تجمع شجاعتها
غزل:واقعة ليك شي حاجة
روح:لا والو يلاه ندخلوا وإلا سولوك نتي صاحبتي و غادي تبقاي معايا حيت عائلتك مكينينش فالمغرب وأنا لي قتارحت عليك الفكرة قاريا؟؟
غزل:وي لا جيستيون
روح:مزيان هادشي لي تقولي ليهم
غزل:اوك
نزلوا وداخلوا حلات ليهم الخدامة الباب وشيفور تابعهم هاز لي فاليز دخلوا لقاوهم كلهم مجموعين زايدة عليهم كنزة شافو روح ناضو مشا باها عنقها وباسها فراسها وحتا مها عنقاتها باست خوتها و جدها و سلمات على كنزة لي مكانتش عارفاها شكون
لمياء:هادي مرت عمك كنزة
وركات روح على يديها مني سمعات سيرة عمها حاولات متبينش ابتاسمات ليهم
روح:وهادي صاحبتي غزل كنا قرينا مع بعضياتنا و تلاقينا فباريس غادي تبقا معانا شي أيام
محمد:مرحبا بيك ابنتي
غزل:شكرا اعمي
واحد اياد كان كيسكانيها شاف كاع تفاصيلها عجباتو كيف لا وهي أية من الجمال الجسم ممشوق و كل بلاصة عندها حقها الشعر زعر ورطب البشرة سمراء صاافية العوينات مشفرين وعسليين عاد الفيم مرسووم و حميمر غير ديال البوسان هزات فيه عينيها لقاتو كيشوف فيها عاودات حدراتهم مشاو جلسوا كلهم فالصالون بقاو يسولو روح لي عند بالهم واش ليليا على السفر و شنو دارت وفين مشات حتا سمعوا الخطوات جايين دارو كلهم من غير روح ناض الجد دغيا ومشا عنقوا
طاهر:السبع ديالي
قيس:جدي لباس عليك
طاهر:مني شفتكم كلكم مجموعين قدام عينيا هاكا وليت لباس
ابتاسم ليه و شافهم جالسين ناض اياد و الياس سلموا عليه
طاهر:هادو ولاد عمك الياس و اياد
قيس:اهلا ولاد عمي لباس
الياس:فووق السلك
ناض محمد سلم عليه
طاهر:وهادا عمك محمد
قيس:(زير على يدو حيت كيشبه لباه)عرفتو
محمد فهم اشنو واقع سلم عليه ورجع جلس
دور قيس عينيه فلاخرين بانو ليه جوج بنات عاطيينو بالضهر ولمياء لي كان عاقل عليها مشا سلم عليها و داز لموا شوية دور راسو جات عينو فعينيها حس بالوقت وقف ديك اللحضة عينيه وساعو من الجمال لي قدامو بلاما يحس مشا جيهتها مد ليها يدو ومداتها ليه بقا شادها بغات غير تحيدها مقداتش
طاهر:احم احم
عاق براسو دار لقا كلشي كيشوف فيه واحد اياد غير كيخنزر فيه
طاهر:هادي بنت عمك ليليا
قيس:(حال فمو)و أنا ولد عمك قيس (نزل سلم عليها بلابيز وقال فودنيها بهمس)كون كنت عارف عندي بنت عمي بهاد الجمال كون جيت شحااال هادي
بعد منها وسلم على غزل لي كانت مشرعة فمها فيه ومبغاتش طلق ليه يديه
غزل:(فنفسها)ما هذا اححح اقلبي اشمنك يا طولة اشمنك يا عرض دبت أنا دبت انوض نغتاصبو اعود بالله من الشيطان الرجيم صافي حماقيت(عرفات راسها عيقات طلقات ليه يديه)
مشا جلس قيس والجو مكهرب بزاف شي كيشوف فشي روح الله لي عالم بيها بحال إلا جالسة فوق العافية مبغاتش تقبل أن ختها فغيبوبة وهي عايشة فبلاصتها أما قيس غير حاضيها داب فعويناتها الخضرين
طاهر:احم كيداز اولدي الخدمة
قيس:لباس الحاج راك عارف الخدمة دالبوليس مكتقاداش
روح بحال إلا كبيتي عليها 5 دسطولة دلما ولات صفرة دابا هي اتعيش تحت سقف واحد مع بوليسي وشكوون ولد عمها حسات بشعر لحمها وقف
محمد:يلاه جيتي وبديتي الخدمة فنهارك
قيس:(من نيتو كيعاود)اااه تكلفت بواحد القضية ديال شي قتال كيقتل وكيخلي موراه حرف R
لمياء:اييه شفتها فالاخبار
غزل بلعات ريقها بزز ودارت شافت فروح لي كان لون مخطوف من وجهها
محمد:تبارك الله عليك ا ولدي طلعتي راجل ماشي بحال ...
تدارك راسو وسكت توتر الجو ثاني عتقاتهم غير الخدامة لي علماتهم بلي العشا موجود مشاو كلهم جلسوا فالطبلة كل واحد شاد بلاصتو تعشاو فجو فشي شكل قليل فاش كيدويو وكل واحد حاضي واحد قيس حاضي غير روح غزل مقابلة غير قيس و اياد محيدش عينو من غزل أما روح مزال مرفوعة حاولات تسرط الصدمة مي واحلة ليها فقرجوطته