الشيطانة الفاتنة

الجزء 181

مشات كتجري عند ماماها ومشا هو دغيا للوطو عند ماماه
روح:(عنقات حنين)الله ا بنتي الله كنتي اتسكتي ليا القلب فين مشيتي
حنين:توضرت عليك امامتي وجابني أميري لهنا
روح:(دارت فيها واحد شوفة خلعاتها) ياك قلت ليك مدويش مع شي حد مكتعرفيهش
أنغام:تي بشوية على البنت شوفي كيف خايفة
عنقاتها روح مني بدات كتبكي
روح:صافي ا كبيدة صافي سمحي ليا غوت عليك وا صافي موقع والو
حنين:هو لي جابني أميري
روح:فين هو هاد اميرك نشكرو
حنين:ماماه مريضة مشااا هءهء
روح:صافي ا كبيدة راه حيت كنخاف عليك
حنين:ممخاصماش معايا
روح:على شي حد يقدر يتخاصم مع ملاكو
عنقاتها ومشاو ركبو فلوطو رجعاتهم أنغام للفيلا ومشات هي دخلات روح هي وحنين للفيلا لقاتو كيتسناها فمكانو المعتاد هاز كاس دالشراب فيديه كيشرب فيه وباين على وجهو معصب يلاه بغات تطلع وقفها صوتو
اوزان:بغيت ندوي معاك ا مرتي الغزالة
روح:عاائشة
هبطات عائشة كتجري
روح:كبيدة سيري مع نانا أنا دابا جايا
حنين:اك مامي
روح:(شافت بنتها حتا غبرات)كيفاش تجرأتي تسيفط واحد لبنتي يحاول يقتلها ياك لي بغيتيه كنديرو
اوزان:لي بغيتها غادي نديرها متحاسبيش معايا
روح:كتعرض حياة بنتي للخطر وكتقول ليا متحاسبيش معايا
اوزان:(ناض عندها بقا كيضور عليها وكيشوف فمفاتنها)شفت الكاميرات لي كاينين فالبيرو ديالك اممم سخنتي الحب مبقيتيش قادرة على فراقو(قاس ضهرها)
روح:(بعدات منو وهو مطااايقاهش)متحطش عليا يدك
اوزان:امم يدوقك هو وأنا لي راجلك لا ماشي حرام
روح:هو راجل ونتا شماااتة هادا هو الفرق
اوزان:(عض على شفايفو ودوز يدو على فمها بعدات منو معصبة) نجيك من لخر بغيت زواجها هاد الليلة يولي حقيقة ماشي على الوراق
روح:كيفاش
اوزان:عرفتي صرب فين كاين دابا
روح:(بلعات ريقها)ف ف فين
اوزان:مو مريضة مشا عندها الاوبيطال نقول ليك واحد السر ايعجبك
روح:دوي
اوزان:الا مولاش زواجنا حقيقي واحد من رجالي غادي يقطع لو الفران ويمووت بقا فيا ايموت بسبابك واخا كنت باغيك نتي تقتليه هههه
روح:مغتقدرش دييرها
اوزان:ولاش مغنقدش ندييرها
روح:لا لا (كتحرك راسها شمال ويمين)لا لا مغديرهاش
اوزان:(جبد تيلي)ألو عماد دير لي قلت ليك عليه
روح:لااا تسنى تسنى مدير والو
اوزان:عماد تسنى مدير والو حتا نقول ليك
قطع معاه وشاف فيها
اوزان:شنووافقتي الحب
شافت فيه واحد الشوفة عندها معاني كثيرة مشات كتجري خلاتو مبلوكي وقف مدة عاد تبعها حتا هو مبقاتش بانت ليه مشا عند واحد من لي كارد كان واقف تم سولو قال ليه مشات للكاراج فين كيحطو سيارات مشا تبعها مفاهمش مالها بانت ليه هازا قرعة ديال ليسونس و بريكة غير شافتو حلاتها وخواتها على راسها كلها بقا غير كيشوف مصدوم شظات البريكة بيديها وهي كتموت بالبكا يلاه بغا يقرب
روح:تقرب نشعل فراسي العافية
اوزان:روح واش حماقيتي
روح:اااه حماقيت ونتا لي حمقتيني مبقيتش قادرا نعيش بهاد العداب كل نهار حسن ليا نموت ولا نبقا نشوف خليقتك
اوزان:روح صافيي غير تهدني مغادي ندير ليه والو
روح:فاات الحال
يلاه كانت اتشعل البريكة تلاح عليها حيديها ليها بالخف وشدها حكمها
روح:طلقني طلقني هءهء طلقني الله ياخد الحق كرهتيني فعيشتي طلللللق
هزها وهي كتركل دخلها لبيتو طارت منها
اوزان:تهدني مغنقيسكش دخلي دوشي إلا بغيتي تخرجي من هنا زمتعاوديش ديريها حيت ديك ساعة غادي نقتلهم بجوج قدام عينيك ونلحقك عليهم
خرج وخلاها فاشلة دخلات للحمام دوشات دغيا باغا غير تبعد من كمارتو لبسات فوطة وخرجات لقاتو كيطل من الشرجم سمع حسها وهو عاطيها بالضهر
اوزان:سيري دابا
خرجات دغيا دخلات للبيت عاد رتاحت كانت حنين ناعسة مشات بدلات حوايجها ونشفات شعرها هزات صاكها ونزلات كتسلت خرجات وركبات فلوطو ديالها موقفات حتال قدام لوطو لفيلا ديالو بقات كتشوف شحال كتفكر فكيفاش تحميه من اوزان كتخايل كون دار ليه شي حاجة
#عند_serp♡
مشا عند مو لقاها متكية وظايرين ليها سيروم وجوري وجنات حداها كيدمعو قرب ليها شد يديها باسهم من الداخل ومن برا وباس راسها
صرب:مالك الوليدة شنو ضرك
الحاجة:غيى شي دوخا ا ولدي طاح ليا السكار
جوري:كلشي بسبابها ديك الشيطانة
صرب:(طلع عينو فيها مخنزر)اش جابها للهضرة
جوري:مني عرفاتها رجعات طاح ليها السكار
صرب:ونتي لاش تعاودي ليها مني عارفة صحتها على قدها
جوري:هادشي لي كتعرف ترجع ليا أنا لومة فبلاصة ماتحاسبها
صرب:جوووري متخلينيش نغلط فيك
الحاجة:هدا الله نعلو شيطان واش نتوما مكتساليوش من نكير شوف اولدي الله يرضي عليك ديك البنت حيدها من بالك عمري نقبل بيها تكون عروستي
صرب:(ناض معصب) لي معندو هم تولدو ليه حمارتو تهناي ا ميمتي ونعسي على جنب راحة هي مزوجة
خرج زعفان ركب فلوطو ديالو ماوقف حتال الفيلا يلاه نزل حس بشي يد تحطات عليه دار تصدم مني شافها
صرب:شنو كديري هنا وفهاد الوقت
روح:(عنقاتو بجهد وطلقات العنان لدموعها خلاتو مشوكي حتا تفشات وبعدات منو)سمح ليا احم بسلامة
يلاه ضارت بغات تمشي شدها و لسقها معاه بقا كيشوف فتفاصيل وجهها خلاها متوثرة
صرب:شنو مخبية عليا ا روح لاش كتعدبينا بجوج بحال هاكا
حطات راسها فعنقو
صرب:دوي ا روح متخليش اسئلتي معلقين فالسما كاينة شي حاجة خاصك تقوليها ليا
روح:(بصوت مايل للهمس) مغادي نقد نقول ليك والو ا صرب منقدش
صرب:(حط يدو على خصرها كيورك عليه بشوية خلاها دوب)لاش متقديش واش اوزان هو السبب
روح:(مزال خاشية راسها فعنقو حاطة جبهتها عليه وصبعها كدوزو ببطئ على صدرو)لي نقدر نقولو ليك هو كلشي هادشي كنديرو على قبلك وعلى قبل
...
سكتات مدة مقدراتش تكملها
صرب:شوغي فيا
هزات راسها فيه
صرب:غير قولي أنا غادي نحميك من اي حاجة كيفما بغات تكون غير رحمينا من هاد العداب
روح:(يلاه بغات تدوي صونا ليها تيلي بان ليها اوزان طارت منها)خاصني نمشي بسلامة
صرب:(شدها من معصمها)مغادي تمشي حتا تقولي ليا
دارت شافت فيه مقدراتش تصبر رجعات عنقاتو بجهد وباستو بعنقو ومشات كتجري للوطو ديالها