الشيطانة الفاتنة

الجزء 31

وأخيرا كملوا عشاهم
روح:غزل أجي معايا نوريك بيتك ماما أنا انعطيها البيت لي متكي على ديالي
لمياء:نو هداك راه وجدناه لقيس تاخد.لي مقابل معاه احبيبة
روح:اووك ماماتي
مشات باست ماماها وباباها و جدها
روح:كوود نايت
اياد:متنعسيش بغيت ندوي معاك فواحد الحاجة
روح:اووك برو
طلعات هي وغزل تحت نضرات قيس ليها واياد لصاحبتها وصلات غزل لبيتها
روح:دخلي
دخلات وتبعاتها روح سدات الباب قربات ليها و شداتها من لور دعنقها ووركات على داك العرق وديك ساعة خضعات غزل للتنويم وولات تحت سيطرتها
روح:غادي تنساي على ديك الليلة و على المنضمة وشنو شفتي فيها نتي شفتيني فالاوطيل وطلبتيني نديك من تم و أنا عاونتك هادشي لي غادي تعقلي عليه مني نحيد يدي عاودي شنو قلت
غزل:أنا شفتك فالاوطيل وطلبتك تديني من تم ونتي جبتيني لهنا
روح:شنو سميتي
غزل:ليليا
طلقاتها شدات غزل عنقها مفاهمة والو ومعاقلة على والو
غزل:شنو وقع هنا ا ليليا
روح:والو احبيبة كنت كنوريك الغرفة عجباتك
غزل:المهم هو ديتيني من تم
روح:علاش شنو كان فداك لوطيل معاودتيش ليا
غزل:كان واحد باغي يتعدى عليا
روح:وشنو درتي
غزل:(كتحاول تفكر)معقلتش آخر حاجة عقلت عليها تلاقيتك وجيت معاك لهنا
روح:دابا تفكري خاصك غير ترتاحي أنا انخليك ترتاحي ها هما حوايجك
غزل:شكرا
خرجات روح عاد تنفسات مشات لبيتها يلاه بغات تحل الباب حسات بنفس على عنقها دارت بزربة لوات ليه يديه و جمعاتو بشمال حتا تهز لسما وتخبط بديك الطولة كلها شافتو تصدمات سدات فمها وبعدات عليه
روح:قيس سمح ليا خلعتيني
قيس:(ناض مصدوم فشنو دارت)هادشي غير تخلعتي منين تعلمتي ضاربي
روح:(بقات ضور فعينيها)هه عارف بابا كيخاف عليا هو لي دخلني نتعلم للفنون دفاع باش إلا تعرضت لشي حاجة شي نهار نحمي راسي
قيس:معندي ميتسالك متوقعتش أبدا تصرفي هكاك
روح:اجي نتا شنو كنتي كدير مورايا
قيس:(حك راسو ملقا ميقول)أنا كنت باغي غير نقول لبنت عمي تصبحي على خير
روح:(هازا حاجب بعدم تصدييق)ونتا من اهلوا
دخلات وسدات الباب بقا واقف هو مسخاش بيها زادت حمقاتو مني تصرفات هكاك كيعجبوه بحال هاد النوع ديال البنات لي تيكونو شرسات هه مشا لبيتو وبقا كيفكر فيها عششات ليه فدماغو بسرعة
أما روح دخلات لبيتها بدلات حوايجها وخرجات للبالكون كتفكر فهادشي لي هيا فيه دابا هي اتعيش مع الشخص لي كيقلب عليها فنفس الدار وبيناتهم غير حيط خاصها ترد البال كثر لتصرفاتها و حركاتها قاطع تفكيرها دقان على الباب
روح:دخل
دخل اياد بانت ليه فالشرفة مشا عندها
روح:شنو كاين فاش بغيتي دوي معايا
اياد:نهار لي مشيتي فيه لباريس كنتي مضروبة فعنقك شكون ضربك
روح:كيفاش اش كتخربق اشمن ضرب غير تخايل ليك مكاين والو
اياد:أنا متأكد كنتي مضروبة واش اتكدبي عينيا قولي صراحة متخافيش تبقا بيناتنا
روح:(كتقفقف)أنا أنا درت غير اكسيدون ومكنتش باغا نشوشهم عليا
اياد:(زاد علا صوتو)واش أنا دري صغير هاديك دقا ديال شي واحد قولي شكون ضربك بلاما نتعصب
روح:قلت ليك والو خرج عفاك عيانة بغيت نرتاح
اياد:لا نتي ماشي ليليا لي كنعرف تبدلات فيك شي حاجة
روح:غير كتخربق شنو ايكون تبدل فيا واش نتا حمق
اياد:ليليا لي كنعرف عمرها هزات عليا صوتها عمرها دوات معايا بهاد الطريقة شنو واقع ليك اختي
روح واخة واعدات راسها متبكيش لقات بلي هادي هي الطريقة الوحيدة باش يسكت ويحن فيها
روح:هءهءهء مواقع ليا والو حشومة عليك لاش كتغوت عليا
اياد:وصافي متبكيش يمكن زدت فيه سمحي ليا (عنقها هي رتاحت فحضنو عمرها حسات بحنان الأخ بقات يقيس ليها شعرها)صافي القطيطة ديالي صافي سمحي ليا (باسها فراسها) ديك صاحبتك تيتيزة عمرك عرفتينا عليها المسيميمة
روح:عجباتك الفار دقيق
اياد:(بعد عليها)فار دقيق منين جبتي هاد الكلمة ثاني
روح:معرفتش غير خرجات هكاك هه سير سير تنعس
اياد:(باسها فحنيكاتها و راسها)تصبحي على خير أميرتي
روح:ونتا من اهلوا بيبي
خرج ودارت هي حطات يديها على قلبها كان ايخرج من بلاصتو
روح:اوووف هادشي صعيب فوق مكنت متصورة
شوية سمعات تخرشيش بالبالكون لي ملاسق مع ديالها مجات فين دور حتا لقاتو واقف عليها بحال ملك الموت علات راسها فيه حيت يلاه كانت واصلة لصدرو