الشيطانة الفاتنة

الجزء 191

حتال البارح كنتي حدايا وبين يدي كنتي حاضني وكتقبلي وتشم ريحتي وأنا كنت مسلماك راسي روحي وكلشي كنملكو لاش نتا غريب عليا دابا الفراق مكتوب فقدري كاع لي تعلقت بيهم نفاصلات طرقاتي عليهم عمري بغيت شي واحد قدك لاش قسمتي تفرق عليا كبريائي اكبر عدو لحبي منقدرش نقول ليك {رجع بغيني} واش عمري كافي باش نساك
حلات عويناتها الخضرين على صباح جديد ناضت دارت روتينها الصباحي لبسات صايا قصيرة فوق الركبة ديال جلد فالماغون وشوميز بلون كاسي الفوق خشاتها فيها ولبسات الفوق كاب بالفورير حتا هوماغون وكعب فنفس اللون جمعات خصلات من شعرها وخلات الباقي مطلوق رشات ريحتها وخرجات لقات حنين لابسة وموجدة كتفطر مع عائشة باستها وجلسات حتا هي معاهم شافت السنسلة لي دارتها ليها خداتها منها وخباتها فجيبها جا حتا اوزان باين فيه ماشي حتال لهيه متسوقاتش ليه كملو فطورهم وخرجو فاتجاه الشركة دخلات للبيرو ديالها شوية دخلات عندها أنغام كيف العجاجة
أنغام:كيف بقيتي احبيبة صافا ياك
روح:وي حبيبة صافا ونتي
أنغام:لباس يلاه عاودي ليا دماغي اينفاجر
روح:اش غادي نقول ليك عييت ولا ملييت ولا مت ولا شنو عرفتي ا أنغام وليت كنخاف نفرح حيت كندفع ثمن سعادة غااالي لحظة وحدة كتقام عليا باهضة الألم
أنغام:شنو وقع
تنهدات وعاودات ليها كلشي من الأول حتال الأخير
انغام:غلطتي مني خليتيه يقيسك ا صاحبتي
روح:نتي معارفاش شنو كيدير فيا معرفتش كيفاش حتا لقيت راسي مسلماه راسي
أنغام:لي دوزو ماشي قليل ومنحقو يقول ديك الهضرة
روح:وأنا شنو دنبي واش لخاطري خاصو يتيق فيا
انغام:كيبقا رجل شرقي ا روح معندوش فقاموسو المرا لي كيبغي مزوجة بواحد ثاني خاصو يعرف بلي زواجكم مجبور وغير على الوراق
روح:هه وحنين منين غادي نقول ليه جبدتها ولدتها مع البرد راه كاع الطرق مسدودين فوجهي المهم أنا انمشي للحمام تسنايني
أنغام:اك سيري
خرجات حادرة راسها وكتفكر مشات للحمام قدات حاجتها وخرجات بان ليها عاطيها بالضهر وجنات قدامو لي غير شافتها شدات يديه بلعاني ودخلاتو للمكتب ديالو حسات روح بالخنقة الغيرة حرقاتها مقداتش تصبر مشات للباب حلاتو شوية كتسرق النضر ومن حضها المكوز كانت جنات شافتها
جنات:عيان؟؟
صرب:بفف بزااف مطحطح
جنات:أجي جلس ندير ليك ماساج يريحك
مخلاتوش يجاوب داتو للكرسي جلساتو وجات وراه كدير ليه ماساج غمض عينيه وترخى
ردخات الباب ومشات حتا قفز
صرب:شكون ردخ الباب
روح:معرفتش يمكن شي موضف
صرب:اك سيري دابا
جنات:اه واخا
مشات ضاحكة حتال ودنين يلاه دخلات للمكتب ديالها لقاتها واقفة عليها بحال ملك الموت
جنات:شنو كديري هنا نتي
روح:شنو كتحاولي ديري بدوك الحركات نتي
جنات:اووه اشمن حركات
روح:راكي عارفة داك تقحبين ديالك مغاديش يمشي معايا وصرب عمرو مغادي يديها فيك
مشات جلسات جنات كتمختر وهازا قنانفها للسما
جنات:ماشي هادشي لي بان ليا أنا ونتي لي عمرو مغادي يديها فيك حيت ببساطة معندوش مع الرخاصات لي مزوجات وكيلعبو ورا ضهر رجالاتهم
روح:شنو كتقولي نتي
جنات:كيف سمعتي صرب عمرو يبغي وحدة بحالك عاهرة رخييصة اياخد منك دكشي لي بغا وغادي يتزوج بلالات البنات ولي هي أنا
روح:سكتيييي
جنات:اصلا خالتي عمرها تقبل بيك بوحدة ملقطة عطات ريحتك وكلشي ولا عارف شكون داز عليك مخليتي شماكرية مخليتي مافيا ههه وقالت ليك عنرو يديها فيا يديها فيك نتي مثلا غير شوفي ديك البنت منين جبتيها محال تكون بنت حتا داك راجلك
وصلات بيها للعضم ما بقا عندها فين تزيد طلعات فوق البيرو وتلاحت عليها شداتها من شعرها كتنتف وتغوت
روح:انقتلك انقتلك الموسخة الحيوانة القحبة نوريك الملقطاااات اش كيسواو
شافها صرب من الزاجة غمض عينيه وحلهم كيتأكد من لي كيشوف طار من بلاصتو كيجري دخل لقاها قاجاها بيد ويد شاداها من شعرها تلاح عليها شدها هو يجر وهي تجر فشعرها
روح:طلقني وااا طلقني نوريها شناهي ملقطة وااااااع طلقنيييي ا صرب طلقني
نفضات منو وتلاحت حليها ثاني بالقميش والعضان خلات فيها لي عمرها تنساه
صرب:(هزها وهي كتفركل)هداااااااي
زعزعها صوتو مبقاتش تحركات دخلها للمكتب ديالو وسد عليها
صرب:شنو كديري نتي واش حنا فشركة ولا كوري
روح:لاش شديتيني خليني نقتلها ونمشي على دين مها للحبس
صرب:اتهداي لاا شنو دارت ليك
سكتات شافت فيها من الواجة ناضت بالخف نزلات الريدو ورجعات جلسات

روح:تفو كمارتها كتركب فدين مي سكار كون غير قتلتها سير سولها شنو دارت حادك غير تخليها دير ليك ماساج

صرب:بفففف مكتهدايش بلا مشاكل خرجي خليني نكمل خدمتي
مشا هو شي وراق كيقرا فيهم داير راسو ممسوقش ليها مشات وقفات عليه
روح:شوف فيا
صرب:خرجي ا مدام روح دكشي لي بيناتنا سالا البارح
روح:وليت مدام دابا
صرب:(مودزال كيشوف فالوراق ممسوقش ليها) شنو بغيتي
روح:شوف فيا(متسوقش ليها)قلت ليك شوف فيا(شاف فيها نضرة جاافة)بغيتك بحال المجنونة ا صرب عشت معاك اجمل ايام فحياتي كنت ديالك وميمكنش تقول واش انا مزال ديالك ولا لا
صرب:روح...
روح:الحقائق ديالك مكانتش بحال الحقائق ديالي ولكن أنا مكدبتش عليك تفرقت معاك اه ولكن عمري دست على دكشي لي عشتو معاك ولو لنهار وااحد ولكن ننا دستي عليها
صرب:مشيتي وتزوجتي براجل آخر
روح:زواجي بشي واحد اخر من غيرو مستحييل ماشي لخاطري
صرب:مبقيتش باغي نسمع والو خرجي (دار كيشوف فالوراق)
جبدات سنسلة حلات ليه يديه وحطاتها فيها وسداتها ليه حل يدو شاف ديك سنسلة ستغرب
روح:هادي ليك مسحتي ورميتي كلشي متعلق بيا ياك انا مقدرتش هاك خودها دير بيها لي بغيتي
خرجات دغيا ودموع فعينيها جلس كيشوف فديك سنسلة حاير ودماغو غادي ينفاجر بالتفكير شوية سمع الباب تحل وتم داخل عندو صاحبو لي كان كلفو باش يلقا ليه معلومات على كل مايخص اوزان