الشيطانة الفاتنة

الجزء 196

ناض جلس دخاخن خرجو من ودنيه
صرب:شناهواااا
روح:(شدات يدو) سمعني حتال أخير عاد حكم عليا
صرب:دوي
روح:اوزان كيكرهك ا صرب معرفتش شنو درتي ليه زلكن الكره لي هازو من جيهتك عمري شفت بحالو هو بغا يقتلك مخطط لهادشي كلو من الاول مني خطفني تعمد يوهمك بلي أنا مت ويخليني نبان قدامك ورا هاد السنين كلها
صرب:أنا مكنعرفوش ا روح هادشي لي كتقوليه مكيتقبلوش العقل
روح:والله يا صرب وحياة بنتي إلا هادشي كلشي بزز مني فقت لقيت راسي فبلاد اخرة عشت الويل الكحل كان عند بالي بلي نتا تخليتي عليا عرفتي باش حسيت مني عرفت راسي حاملة منك هازا فأحشائي قطعة منك ا روح حنين بنتك و اوزان عمرو حط عليا يديه أنا حافضت على راسي وبقيت نقيا ليك غير نتا حتا راجل مقرب ليا من بعدك
كان مصدوم من ورا ما سمع ديك كلمة حنين بنتك ماسمع حتا كلمة ثانية
روح:صرب مالك
نتر سيروم دفعها وناض خلعها منضرو بحال الثور الهايج
روح:صرب مالك شنو كدير نتا مزال مريض
حسات بتسرفيقة حتا حنكها عواج
صرب:كيييفاش يا الطلبة تخلي بنتي تقول لقواد اخر بابا
روح:سمعني ا صرب عفاك
شدها من شعرها كيضربها بلور ديال يدو فخدودها
صرب:شنو نسمع ا شنو مخلية بنتي مع راجل اخر ومخبياها عليا
دفعاتو معصبة
روح:واااا سمعني ولو لمرة وحدة فحياتك كوون مدرتش هكاك كون قتلها واش انا انبقا ساكتة غير هكاك هو راه هددني بحياتها قال ليا إلا ماقتلتكش نتا غادي يقتلها
صرب:شكون هو فملك الله والله لا بقات فدين مو قسما بلي خلقني وخلقك جتا غادي ندمو
دار بغا يخرج مشات كتجري لباب سداتو ووقفات فوجهو
صرب:حيدي اروح قبل مانغلط فيك
روح:إلا بغيتي تمشي قتلني هو الأول
صرب:حيدي ا روووووح
تلاحت عليه عنقاتو كتبكي شدات عنقو وطلعات حتال ودنو
روح:عفاك ا صرب على قبل بنتك ما تمشيش عندو نتا معارفوش راه يقتلها بلاما يفكر عفاك عفاك (باست فمو وحطات جبهتها على خدو)عفاك
صرب:(حس براسو تهدن نسبيا ولكن نار بنتو مزال كناكل فيه)فين هي دابا مخصهاش تبقا معاه
روح:كينا مع أنغام والله حتا كاينة مع أنغام
صرب:(ابتاسم)دابا حنين بنتي
روح:اه بنتك
صرب:(شد وجهها)تعدبتي بزاف
روح:بزاااف بزاااف ا صرب كون لحظة كانت كدوز عليا بلا بيك كانت موت بطيء
صرب:وحياة بنتي مغتعدبي مزال وهاد اللؤلؤتين مبقاو ايطيحو حتا دمعة
روح:كيفاش مغادي يطيحو حتا دمعة ونتا مريض داك المرض هءه شنو اندير إلا خليتيني انموت ا صرب
صرب:واش الواحد يتخلا على روحو امممم (مسح ليها دموعها وباس نيفها)لا لموت ولا حتا حاجة مغتبعدني عليك سمعتي
روح:واعدني عمرك تخليني
صرب:إلا خليتك انتخلا على روحي حيت نتي هي روحي(قاس خدودها)وعتك
روح:شوية
صرب:اجي جلسي لون وجهك صفر
يلاه زادت خطوة غوتات
روح:اااي
صرب:مالك
روح:رجلي كضرني
صرب:متقوليش ليا جيتي حفيانة
روح:على انا كان باقي ليا شي عقل باش نشوف رجلي واش حفيانة
هزها فسما خلاها غير كتشوف حطها فوق الباياص وسر ليها رجيلتها لقاهم كلهم تجرحو من لتحت عيط على الممرضة جات غسلات ليها وعقماتهم ومشات نزل باسهم خلاها غرقانة فحوايجها بالحشمة
صرب:سمحي ليا حيت ضربتك
روح:ماشي مشكيل
صرب:كون غير قلتي لأنغام تجيب حنين
روح:انعيط ليها إلا كانت مزال فايقة تجيبها ليك
عيطات ليها لقاتها مزال فايقة طلباتها تجيبها ليها وتجيب معاها شي حاجة ليها باش تبدل عليها
صرب:يلاه هاودي ليا كلشي مبغيتك تخبي حتا حاجة
تنهدات وبدات تعاود ليه مخلاات حتا حاجة
مورك على يديه
صرب:ختي ختي أنا لي دارت فيا هادشي
روح:حياتي متعصبش فكر فصحتك
صرب:انرجع ليك حقك من كل واحد فيهم ا روح وبالاضعاف المضاعفة
روح:المهم هو صحتك الباقي متفكرش فيه متجهدش راسك عفاك
صرب:خاصني نعرف شكون داك اوزان
روح:انا فين ونتا فين وااا صحتك ا صرب صحتك عارف شنو هو داك المرض ولا لا خاصك دير العملية
صرب:لا مغانديرهاش
روح:اويييلي على مديرهاش واش حماقيتي ولا باغي تحمقني
صرب:لي عندي قلتو مدايرهاش
روح:متعصبنيش ا ديييرها
سمعوا الباب تحل دخلات حنين هازا نونوسها كبر منها وأنغام وراها غير دخلاتها ومشات من بعد ماغمزات روح
بدات كتقرب حنين وهي هازا داك نونوس وصرب مقابلها عينيه غرغرو ناض من حدا روح ومشا عندها تحنا على ركابيه كيشوف فيها وكيتحسر على الأيام لي عاشتهم بعيدة عليه اللحظات لي ضيع خانتو دمعة مسحها حط يدو على شعرها كيفيس فيه شد يديداتها كيشوف فيهم شحال صغار مزال ممتيق بلي هي بنتو دار شاف فروح لقا وجهها مغطي بدموع تأثر كثر دار شاف فبنتو ثاني عنقها بجهد خشاها فيه عمرو حس بداك الاحساس حتا هاد اللحظة الابوة بلي داك الملاك صغير قطعة من روحو يعطي عينيه على قبلها يضحي بلي عندو باش يشوفها فرحانة نزلو دموعو لا اراديا ماشي ضعف ولكن الكبدة خانتو