الشيطانة الفاتنة

الجزء 79

روح:(غرغرو عينيها)خايفة من بزاف دالحوايج ا قيس مقادراش نقولهم

قيس:مكتيقيش فيا

روح:لا ماشي هادي هي المسألة

قيس:وشنو هي المسألة

روح:(هودات راسها حابسة البكية) يلاه نمشيو نرجعو عيانة

قيس:(تنهد)واخا الالة

يلاه بغات تنوض حسات براسها مهزوزها هزها قيس عنقاتو من عنقو داها للوطو ديالو لي كانت حدا ديالها حل الباب و حطها مشا للكوفر جبد علبة الاسعافات و بدا يداوي ليها جرحة و يعقمها وهي غير ساكتة وكتفكر فهمها و كيتفوق كيفاش كيعاملها بحال لما القليل تنهدات طلع فيها راسو كان كمل

قيس:صافي كملت أنا انوصلك خلي لوطو حتا نسيفط ليها شي واحد

روح:واخا

ركب حداها و كسيرا الطريق كل و هما ساكتين هي كانت غارقة وسط همها ومرة مرة طلع تنهيدة من الاعماق كيضور يشوفها قيس كيحس بقلبو ضرو مكرهش يهز عليها شوية من همومها مبغاش يضغط عليها و يخليها دوي بزاف هاكا داير قيس حنين و كيفكر قبل ميدير الحاجة مرزن وشاارب عقلوا كيفكر فالحاجة ألف مرة عاد كيديرها و صلوا ركن سيارتو وهبط بغا يحل ليها الباب لقاها حلاتو و خرجات

قيس:لاش هودتي صبري نهزك

روح:لا غير بلاش وليت صافا اصلا مني ايشوفونا بجوج ايفهموا غلط

قيس:واخا ا لالة

دخلوا بجوج لقاوهم مزال متجمعوا على الفطور طلعوا لغرفهم وصلها قيس تال عند الباب باس راسها بوسة طويلة ومشا ودا معاه قلبها لي كان كيتشوا مقادراش تفصح على لي بيها من جيها صرب شاد ليها يديها لي كضرها و من جيهة الخوف قاتلها لا يرفضها قيس مغاديش تقدر تحمل ابدا دخلات البيت و هي فشلانة لقاتهم موجدين ليها الحمام بالزيوت الطبيعية حيدات حوايجها و تخشات فيه وغمضااات عينيها كتحاول تطفي نار لي كتحرق فيها من الداخل بقات مدة حتا حسات براسها ترخات عاد مشات للدوش غسلات من زيوت و خرجات نشفات شعرها و دارتو سامبل قادات مكياج هادئ ومشات للغرفة الملابس لبسات (الصورة) هزات ساكها و هودات يلاه خرجات من الغرفة سمعات طيلي كيصوني شافت جابر عوجات فمها حتا كانت اتقطع وخافت تكون شي حاجة مهمة جاوباتو

روح:وي جابر

جابر:كيف صبحتي

روح:صافا لاش عيطتي فهاد الوقت

جابر:خاصك تمشي للمنضمة قبل ميعيق البوص بيك

روح:كنت غادا هادشي بدا يطلع ليا فراس خاصني نكمل شغلي فاقرب وقت

جابر: كلشي ايدوز غير مخصكش تخلي الغضب يسيطر عليك المهم قبل متمشي نتلافاو ف... بغيت ندوي معاك فواحد الموضوع

روح:اوك

قطعات معاه سمعات الحس وراها دارت ملقات والو وهبطات كانو كلهم مجموعين من غير شخص لي مغيخطرش ليكم على بالكم غزل لي كانت مخبية ورا واحد الحيط و كتخمم فداكشي لي سمعات و فبالها حاجة وحدة خاصها تعرف روح معامن اتلاقا ابتاسمات بشر حيت الفرصة جاتها حتا بين يديها هبطات و هي نااااااشطة

غزل:صباااحو

اياد:صباح النور

ابتاسمات ليه أول مرة و جلسات بقا غير حال فمو فيها القلوبة ايخرجو من عينيه بسباب ديك الابتسامة أما هي محيداتش.عينيها من روح و قيس كتشوفهم كيف كيشوفو فبعضياتهم

غزل:(فنفسها)كالم طوا ا غزل كااالم طوا مبقا قد ما فات و يولي يشوف فيك نتي

كملات روح الفطةر و خرجات من بعد ما ودعاتهم تبعها قيس باسها ركبات فلوطو و زادت كانت غزل خرجاات شطدات طاكسي حتا بانت ليها زادت عاد قالت للطاكسي يتبعها

وصلات روح للواحد ريسطو دخلات لقات جابر كيتسناها جالس بكل اناقتو فواحد الطبلة وكيشرب فكافي نواغ شافها ناض سلم عليها بلابيز كانت غزل تابعاها شافتها حتا دخلات بانت ليها سلمات على جابر خرجات عينيها

غزل:هاي هاي هاي على الخانزة دارة واحد فجيب وواحد فالقليب ا بلاتي الالة ليليا نهاية هاد تحرميات ديالك اتكون على يدي مشا جلسات فواحد الطبلة اونفاس معاهم