ဒဏ္ဍာရီ

အပိုင်း ၅၈

ဒဏ္ဍာရီ အခန်း (၅၈)

" ငါ တကယ်ပဲ ဒီကောင်မလေးကို အရမ်းချစ်ခဲ့တာလား "

Jun သည် ငေ်းကို တဗျင်းဗျင်းကုတ်ရင်း-

" ချစ်လို့ပဲ မြန်မာနိုင်ငံကို ခုချက်ချင်းလိုက်သွားတော့မယ်အတိုင်း လုပ်နေခဲ့တာလေ ။ အစ်ကို့ မိသားစု တောင် သိတယ် "

" အဲဒီလောက်တောင် ? အဲဒါဆို သူနဲ့ ချစ်သူဖြစ်နေတာရော အိမ်က သိတာပေါ့ "

" အဲဒါတော့ မသိဘူး။ ဘာလို့လဲဆိုတော့ အပြင်လူ သိတာနဲ့ အစ်ကို့အချစ်ရေးကိစ္စက အားလုံးပြီးမှာမို့ တစ်ရက်ရရ နှစ်ရက်ရရဆွဲဆန့်ချင်တယ် ဆိုပြီး ဘာမှ မပြောခဲ့တာ "

Kyu သည် အကြာကြီး ငြိမ်လျက် စဉ်းစားနေခဲ့သည်။

" နေဦး..ဒါဆို အစ်ကိုက ဂျန်းမီကိုပဲ မမှတ်မိတာလား၊ ဂျီဟိုကိုရော..."

" ဂျီဟို...? ဘယ်သူလဲ ဂျီဟိုက "

" အစ်ကို ဟွန်ဂျွန်း ရည်းစားလေ "

" ဘာ"

Jun သည် ခေါင်းတွေချည်းကုတ်ရလွန်းသဖြင့် ဆံပင်တွေ ကုန်ပြီလားဟုပင် ထင်လာသည်။သည်ပုံစံအတိုင်းဆိုလျှင် ဂျန်းမီသာ မက၊ ဂျီဟိုကိုပါ မေ့လေပြီ။

" မီဆို ကိုရော သိလား "

" မီဆိုကရော ဘယ်သူလဲ "

" ဂျောင်မင်း ရည်းစား "

" ဘာ...ဂျောင်မင်းက ရည်းစားရှိတယ်။ အငယ် -မင်းငါ့ကို မနောက်နဲ့"

Jun က ဖြစ်ကြောင်းကုန်စင် ရှင်းပြရပြန်သည်။ ယောင်ဆန်းကတော့ တိုနေသည့်စိတ်ကို မနည်းဆွဲဆန့်ထားရဟန်နှင့် Kyu ကို မျက်မှောင်ကြုံ့လျက် ကြည့်နေလေသည်။

" နေပါဦး..။ ဒါ ဒရာမာ မို့လို့လား...။ ဘယ်လိုလုပ် ငါတို့အားလုံးက ဒီလိုဇာတ်လမ်းတွေ ရှိရမှာလဲ "

" Kim Kyu Jong "
ရုတ်တရက် အော်ထည့်လိုက်သော ယောင်ဆန်းအသံကြောင့် Kyu ပြောလက်စရပ်သွားသလို၊ Jun ခမြာလည်း ဆတ်ကနဲ တုန်သွားကာ ယောင်ဆန်းကို မျက်လုံးပြူးနှင့် မော့ကြည့်လေသည်။

" မင်း တကယ်မေ့တာရော ဟုတ်သလား.. ဂျန်းမီကို ဖြတ်ချင်လို့ ဇာတ်လမ်းတွေ လုပ်နေတာလား "