ဒဏ္ဍာရီ အခန်း (၅၇)
ကံဆိုးခြင်းများသည် ဘယ်တော့မှ တစ်ယောက်တည်း မလာ ဟူသော စကားက တော်တော်မှန်သည်။
“ Kyu အက်ဆီးဒင့် ဖြစ်လို့ ”
ဟူသော ဂျွန်ပို့လိုက်သည့် မက်ဆေ့ချ်တစ်ခုသ မီဆို၏ သတင်းပြီးလျှင် ဒုတိယ ခြောက်ခြားစရာအကောင်းဆုံး ဖြစ်သည်။ မီသည် ခြေမကိုင်မိလက်မကိုင်မိနှင့် ယုကို ဖက်ကာ ငိုသည်။
“ ယု- ယု….သူဘာမှ မဖြစ်လောက်ပါဘူးနော်… ဘာမှမဖြစ်ဘူးနော် ”
“ ဘာမှမဖြစ်လောက်ပါဘူး မီရယ်..စိတ်အေးအေးထားပြီး စောင့်ရအောင်နော် ”
ပြောမယ့်သာပြောရသည်။ ယုကိုယ်တိုင်လည်း အတွေးတွေ ယောက်ယက်ခတ်နေသည်မို့ ခြေဖျားလက်ဖျားတွေ အေးစက်နေသည်။ မီကို ချော့မော့နှစ်သိမ့်ရင်း အွန်လိုင်းတက်ပြီး သတင်းတွေ လိုက်ဖတ်ကြည့်ရသည်။ ဘာသတင်းမှ မတွေ့..။
“ မီ… ဘယ်သူမှ ဘာတင်တာမှ မတွေ့ဘူး ”
“ အပြင်ကို မပေါက်စေချင်လို့ ဖုံးထားတာနေမှာပေါ့…ဒုက္ခပါပဲဟယ် ”
မီသည် ပြောပြောဆိုဆို ငိုပြန်သည်။ သူမတို့ဘဝက မျက်စိလည်းမမြင်၊ နားလည်းမကြားသော ဘဝနှင့်တူသည်။ အရာရာကို မှန်းကြည့်နေရုံမှ တပါး ဘာဆို ဘာမှ မတတ်နိုင်။
“ Kyu အခြေအနေဘယ်လိုရှိလဲဟင်..။ ငါတို့ကို ပြောပါဦး ”
မက်ဆေ့ချ် တစ်စောင် ပို့ထားသော်လည်း ဘယ်သူမှ reply မလုပ်ကြသဖြင့် သူမတို့ နှစ်ယောက် စိုးရိမ်မှုကို အထွတ်အထိပ်သို့ တက်လာသည်။ သို့သော်-
“ ဟဲ့- မီရေ..။ ယောင်ဆန်း update လုပ်တယ် ”
“ ဟင်..ဘာတဲ့လဲ ”
“ သူငယ်ချင်းတွေနဲ့ လျှောက်သွားနေတဲ့ပုံပဲ…ဒါဆို Kyu ဘာမှမဖြစ်လောက်ဘူးထင်တယ် မီ ”
“ ဟုတ်လား..။ ငါတို့ကို တိုက်ရိုက်ပြောလို့မရလို့ ထင်တယ်နော် ”
“ ဟုတ်လိမ့်မယ်။ စိတ်အေးအေး ထားပြီး သူတို့ တစ်ယောက်ယောက် reply လုပ်တာ စောင့်ရအောင် ”
ထိုနေ့ညက တစ်ညလုံးစောင့်ပါသော်လည်း တစ်ယောက်မှ ပေါ်မလာခဲ့။ ယု ရော မီပါ အလူးလူး အလိမ့်လိမ့်နှင့် အိပ်မပျော်နိုင်ခဲ့ကြချေ။ မနက် ၇ နာရီကျော်မှ ယုတို့ အလုပ်သွားဖို့ ပြင်နေတုန်း ဟွန်ဂျွန်းရောက်လာသည်။
ESTÁS LEYENDO
ဒဏ္ဍာရီ
Fanficဤfiction ကို မီဆိုနှင့်အတူ TS များ အားလုံး ပိုင်ပါတယ်။ ပြင်ပ အဖြစ်အပျက်တချို့ နှင့်အမှန်တရား တချို့ ပါပါတယ်။ Not BL . Just fanfiction
