ဒဏ္ဍာရီ အခန်း (၄၄)
မီ နှင့် ယု တစ်ယောက်မျက်နှာတစ်ယောက်ကြည့်ရင်း ပါးစပ်အဟောင်းသားနှင့် ငြိမ်နေမိကြသည်။ သူတို့ကြားလိုက်ရတာ ဟုတ်မှ ဟုတ်ပါလေစ။
“ ဂျန်းမီ -ငါတို့ ကြားလိုက်တာ ဟုတ်ရော ဟုတ်ရဲ့လားဟင် ”
မီက မျက်လုံးဝိုင်းလေးနှင့် ယုကို ယောင်နနကြည့်သည်။ ထို့နောက် ပါးစပ်ဟောင်းလောင်းဖြစ်နေတာ ကြာသွားသဖြင့် အာခြောက်လာဟန်နှင့် တံတွေးမြိုချပြီး စကားပြောကြည့်သည်။
“ ဂျီဟို… ငါတို့ အိပ်မက်မက်နေတာ မဟုတ်ဘူး မဟုတ်လားဟင် ”
ယုသည် သူမ မေးချင်နေသော မေးခွန်းကို မီက မေးလိုက်သဖြင့် အဖြေမရှိဘဲ ငြိမ်နေမိသည်။
“ ဟေးးးးးး ”
မီက အကျယ်ကြီးအော်က ထခုန်သည်။ ထို့နောက် ကလေးတစ်ယောက်လို အခန်းကျဉ်းလေးထဲ ခုန်ပေါက်နေသဖြင့် ယုက အောက်မှာနေသော အိမ်ရှင် ဒေါသတကြီး တက်မလာခင် အတင်းလိုက်ဆွဲပြီး ထိုင်ခိုင်းရသည်။
“ ငြိမ်ငြိမ်ထိုင်ပါ မရွှေမီရယ်..။ တော်ကြာ အောက်က ကလော်တုတ်နေဦးမယ် ”
“ ဟေးးးး ပျော်လိုက်တာ ပျော်လိုက်တာ…”
ယုသည် ကလေးတစ်ယောက်လို မြူးထူးနေသော မီ့ကိုကြည့်ပြီး မျက်ရည်တွေပင် လည်ချင်လာသည်။
“ ယု နင်မပျော်ဘူးလား။ နင့်မျက်နှာကြီးကလည်း….”
“ အေး- ငါ ဘယ်နားကစပြီး ပျော်ရမှန်းမသိဖြစ်နေလို့….”
“ ဟေးးးးး ကိုရီးယားသွားရတော့မယ် ”
နှစ်ယောက်သား ပြိုင်တူ အသံကုန်ဟစ် အော်ပစ်လိုက်သည်။
လွန်ခဲ့သော ၁၅ မိနစ်က မီဆို ဖုန်းမဆက်ခင် အထိ သူမတို့ ၂ယောက်ဘ၀သည် လွန်ခဲ့သော ၃ နှစ်နှင့် ဘာမှ မထူးခဲ့။ မီဆိုက ဆိုင်းမဆင့်ဗုံမဆင့် ကိုရီးယားကို အလည်ခေါ်မည်ဟု ဆိုသောအခါ သူမတို့ နှစ်ယောက် မှင်သက်သွားကြသည်မှာ မီဆိုကပင် ဟိုဘက်မှ စိုးရိမ်ကာ သုံးလေးခွန်း အော်ခေါ်ရသည်အထိ။
“ ဂျန်းမီ…ဂျန်းမီ….ဟဲ့ ဂျီဟို…ဂျီဟိုရေ……..”
ချက်ချင်းပဲ ဖုန်းထဲ ပြေးဝင်လာတော့မလိုဖြစ်နေသော မီဆိုကို ဗီဒီယိုကောလ်က မြင်တော့မှ သူမတို့အသိဝင်လာကာ မီဆိုကို အားနာလိုက်သည့်ဖြစ်ခြင်း။
KAMU SEDANG MEMBACA
ဒဏ္ဍာရီ
Fiksi Penggemarဤfiction ကို မီဆိုနှင့်အတူ TS များ အားလုံး ပိုင်ပါတယ်။ ပြင်ပ အဖြစ်အပျက်တချို့ နှင့်အမှန်တရား တချို့ ပါပါတယ်။ Not BL . Just fanfiction
