كانت مليكة قد اقتربت من الانتهاء من تنظيف غرفته ... فتحت الشبابيك واخرجت كل شئ ليغسل ووضعت جديد ... كانت ترتب الاوراق عندما لاحظت دوسيه ملقي علي الارض اسفل المرايا مكتوب عليه ...
" هام بخصوص زوجتك ... اعرف الحقيقة الخافية عليك " ...
نظرت بقوة الي هذا العنوان وكادت ان تفتحه الا ان شيئا ما بداخلها جعلها ترجع عن الفكرة واحست بقشعريرة تسري بجسدها ... لترتمي علي اقرب كرسي وهي تحدث نفسها ...
" معقولة يكون السبب في اللي خلاه يعتزلنا ويحبس نفسه سنتين موجود في الملف دا ... طب لو اه ليه محتفظ بيه هنا ... كان راميه قصاد عينه ليه ... ايه كان عايز يعذب نفسه وهو شايفه وكل شوية يقراه ... بس ايه هي الحقيقة اللي ما كانش يعرفها دي ... معقولة يكون في حاجة تانية غير اللي قالهالنا ومخبيها علينا ... اكيد ... ما هو مش معقولة يحبس نفسه ويعتزل العالم عشان مراته وابوها كانوا عايزينه يكتب كل حاجة لابنه ... لا اكيد في سبب تاني ... والسبب دا في الملف دا ... اللي انا مش قادرة افتحه ... طب اعمل ايه ... اروح بيه لماما وخليها هي تفتحه ... لا لا هيزعل لما يعرف ... طب اعمل ايه ... ايوة انا الاحسن اشيله في مكان وبعدين ابقي اسال جمال ... اكيد هيقولي ... ايوة دا الصح ... "
فاقت علي صوت جرس الباب ... خرجت لتفتح لتجد انيكا بوجهها...
مليكة : نعم ... في حاجة ...
انيكا : بقي بذمتك يعني دي طريقة تقابلي بيها بنت خالك حبيبتك برضو
مليكة : لا والله اومال يعني عايزاني اقابلك ازاي بعد اللي عملتيه فيا من شوية ...
انيكا : يا شيخة انتي زعلانة ... دا انا كنت بهزر معاكي ...
مليكة : بتهزري ... ااااااااه ... بتهزري تقومي موقعاني في الارض وراكبة فوقي وانتي ماسكة في رقبتي وعايزة تموتيني ... وبتقوليلي بتهزري ... دا انا لولا شيفاي اخويا حبيبي كان موجود كان زمانهم دلوقتي بيصلوا علي في المسجد الجامع ...
انيكا : ههههههههه ... تصدقي انا كنت قاعدة في اوضتي بذاكر قوم ايه القيلك حاجة كدا جوايا بتقولي ان مليكة حبيبتي بنت عمتي الحونينة زعلانة مني واني لازم انزل اصالحها ...
مليكة : لا والله ... بنت انتي اسمعي بقي بلاش الشويتين دول عليا ... انا عرفاكي اكتر من نفسك ... يلا قري علي طول عايزة ايه ...
احست بانها تكشفها وانها لن تستطيع التلاعب معها كما ارادت... وضعت يدها علي كتفها واخذتها وجلستا امام بعضهما علي الترابيزة
انيكا : شوفي بقي من الاخر كدا ... انا مش موافقة علي موضوع انكم تسيبوا البيت وتعيشوا بعيد عنا ...
مليكة : نعمممممممم ... مش موافقة علي ايه ... معلش اصلي ما سمعتكيش كويس ...
انيكا : مليكة ما تستعبطيش ... انتي سمعتي كويس اللي قولته...
