حبيس الذكريات ✔️✔️✔️

Part 50

كانت في الشقة معه علي نفس وضعيتهما ...

فيكرام : لسي برضو مش عايزة تعرفيني مودك متغير ليه ...

راجيني : بلاش احسن ...

فيكرام : بقالك ساعة من ساعة ما وصلتي وانتي سرحانة وتقريبا دخنتي علبة سجاير ونص ... وواضح جدا العصبية اللي انتي فيها وانا محترم سكوتك ومش عايز اضغط عليكي عشان تتكلمي وقولت اسيبك لحد ما تقرري انك تتكلمي لوحدك ... بس الظاهر اني كان لازم اخليكي تخرجي اللي جواكي ... "واقترب منها وجلس واحاطها بذراعه لتصبح تقريبا في حضنه" ... ايه بقي الجميل متضايق من ايه ...

راجيني : انا مش متضايقة انا هولع ...

فيكرام : ليه بس ... مين اللي يقدر يوصل القمر لكدا ...

راجيني : ايوة اعمل بقي مش فاهم ومش عارف مين اللي بتكلم عنه ...

فيكرام : لا ... ما تقوليش ... هو ...

راجيني : ايوة هو ... "وقامت واتجهت بعيدا عنه وهي تفرك ايديها" ... عملي الاسود اللي مش عايز يفارقني خالص ...

قام واتجه اليها ...

فيكرام : وعملك ايه تاني ... مش خلاص اطلقتوا وخلصتي منه ...

راجيني : ايوة احنا فعلا اطلقنا واختفي من حياتي سنتين ونص وفجاءة رجعلها تاني زي ما يكون كان مختفي بس عشان اطمن واعيش حياتي عادي عشان يرجع وينكد عليا تاني ...

فيكرام : طب وانتي عاملاه حساب اوي كدا ليه ...

راجيني : انا مش عاملة حاجة ... بس هو اللي من ساعة ما رجع نطلي في حياتي وهو مش عاتقني وبصراحة مش عارفة ليه خايفة منه خصوصا بعد ...

وصمتت ...

فيكرام : ايه سكتي ليه ...

راجيني : بصراحة ...

فيكرام : هاااااااااا ...

راجيني : اصل في حاجة حصلت وخوفت اقولك عليها ...

فيكرام : يعني هيكون ايه اللي حصل ...

راجيني : شيفانش ...

فيكرام : ماله ...

راجيني : خده ...

التفت اليها ونظر بقوة اليها ...

فيكرام : نعم ... قولتي ايه ...

راجيني : بقولك طليقي اخد شيفانش وهو دلوقتي عايش معاه هو ومراته...

فيكرام : نعممممممممم ... يعني ايه ... ازاي ياخده وهو عارف انه مش ابنه ... وانتي وابوكي كنتوا فين ...

راجيني : انت بتزعقلي ليه ... وهو انا كنت اقدر امنعه ...

فيكرام : نعم ... يعني ايه ما كنتيش تقدري تمنعيه دي كمان ... يعني انتي عايزة تفهميني ان ابوكي بمعارفه اللي يسدوا عين الشمس دول ما اقدرش علي طليقك ... وسمحله بمنتهي السهولة انه ياخد الولد ...