انتفضت من سريرها وهي تكاد لا تري من امامها الا انها ما ان حاولت فتح عيناها حتي وجدت اختها امامها واقفتا ويداها في وسطها تصرخ عليها ...
بافيا : ايه نايمة مع الاموات ...
انيكا " بصوت ناعس " : عايزة ايه يا مؤذية ... بتصحيني ليه ... ايه سيبيني اكمل الحلم الجميل اللي بحلمه دا ...
بافيا : مؤذية ... اه صح انا فعلا مؤذية عشان خايفة عليكي ومش عايزاكي تضيعي محاضراتك النهاردة ... وواقفة بقالي ساعة فوق راسك عشان تصحي وانتي ولا انتي هنا وفي الاخر تقوليلي مؤذية ...
انيكا : ومين قالك اني عندي محاضرات بدري كدا ... انا اول محاضرة عندي لسي الساعة عشرة ... سيبيني انام بقي ...
وعادت الي نومها وهي تضع مخدتها علي راسها ...
بافيا : عشرة ... اه طيب ... نامي نامي ... بس قبل ما تنامي يا ريت تعرفي ان الساعة دلوقتي عشرة ونص ... تصبحي علي خير ...
انتفضت جالسة في وسط السرير وهي تنظر اليها بعيون مفتوحة بقوة ...
انيكا : ايه الساعة عشرة ونص ... ازاي تسيبيني انام لحد دلوقتي...
بافيا : وانا مالي ... هو انتي تفضلي نايمة مع الاموات وناسية اللي وراكي وانا شايلة هم صحيانك وعمالة بصحي فيكي ساعة بحالها وانتي ولا الهواء ... المفروض يعني كنت اعمل ايه ...
انيكا : ولا حاجة ... ما تعمليش حاجة خالص ... سيبيني نايمة وتضيع عليا المحاضرة ... وانتي هيخس عليكي ايه ...
رمت الغطاء بعصبية وقامت واتجهت الي الحمام ... وما ان خرجت حتي عادت مسرعتا ...
انيكا : بافيا هو بابا هنا والا نزل ...
بافيا : لا بابا هنا ... ليه ... في حاجة ...
انيكا : يعني هينزل والا ...
بافيا : لا شكله كدا قاعد النهاردة ... ليه بقي فهميني ...
انيكا : افهمك ايه ... خلاص انا في خمس دقايق هجهز ويا رب الحق حاجة ...
بافيا : هتلحقي ما تخافيش بس المهم ما توقفيش ساعة قصاد المرايا زي عوايدك ...
انيكا : انا بقف ساعة قصاد المرايا ...
بافيا : ايوة انتي اومال انا ...
انيكا : لا خالص وهو حد يقدر يتهمك بالتهمة البشعة دي ... يا ملاك ياللي ما لكيش في الحاجات الوحشة بتاعتنا دي خالص ...
ارتبكت قليلا الا انها تماسكت بسرعة ...
بافيا : انتي هتفضلي ترغي كدا والوقت بيعدي ... يلا اجهزي عشان تلحقي باقي المحاضرات ولو علي المحاضرة اللي فاتتك ابقي انقليها من حد من اصحابك اللي حضروها ...
انيكا : انقلها ... اه هنقلها ... بس دلوقتي لازم البس بسرعة وانزل ...
بافيا : وليه السرعة يا انيكا خليكي براحتك ...
