ما ان دخلت اليها حتي تجمدت في مكانها ...
انيكا : ايه دا ... دي لا يمكن تكون اوضة كان بينام فيها بني ادم زينا كدا ... دا ولا مقلب الزبالة
مليكة : اهلا ... انتي شرفتيني ... بقولك ايه ... لو جاية تساعديني اشتغلي وانتي ساكتة ... مش عايزة وجع دماغ ... فاهمة ...
انيكا : طيب بس ما تزقيش ...
اخذت تساعدها دون ان تتكلم معها ... كانت تنظف عندما شاهدت نفس الملف الذي شاهدته مليكة من قبلها ...
امسكت به ولفت نظرها العنوان ... نظرت اليه باستغراب واقتربت من مليكة التي كانت تنهي فرش السرير ...
انيكا : مليكة ...
مليكة : يا دي اليوم اللي مش هيعدي دا ... انا مش قلتلك مش عايزة اسمع صوتك وتشتغلي وانتي ساكتة ... ايه عايزة ايه ...
لتصمت ما ان نظرت اليها ورائت الملف في يدها ...
جذبته منها ...
مليكة : انتي ايه اللي خلاكي تمسكي الملف دا ...
انيكا : لقيته وانا برتب هناك ...
مليكة : اوعي تكوني فتحتيه ...
انيكا : لا بس قريت المكتوب عليه ... دا يخص شيفاي مش كدا ...
مليكة : ايوة يخصه ... عايزة تعرفي حاجة تانية ...
انيكا : بصراحة عايزة اعرف اللي فيه ...
مليكة : وانتي مالك باللي فيه ...
وفي بالها ... " انا ازاي ما شيلتوش زي ما قولت ... اديني مش هخلص منها ما انا عارفاها مش هتستريح الا لما تعرف كل حاجة وساعتها شيفاي هيقتلني ... "
انيكا : ها قولتي ايه ...
مليكة : قولت ايه في ايه ...
انيكا : اننا نفتح الملف و ...
مليكة : وايه ... اسمعي دي خصوصيات شيفاي ... ومفيش حد هنا ليه الحق انه يتطلع علي اي حاجة تخصه من غير اذنه فاهمة ...
انيكا : طيب خلاص ... بس اصل ...
مليكة : اصل ايه ... بصي ناوية تساعديني نظفي ومالكيش دعوة باي حاجة من حاجات شيفاي ... دا لو ناوية تخليني اساعدك و ...
انيكا : وايه ...
مليكة : يعني انه يحس يعني ...
واشارت بيدها اليها واليه ...
انيكا : بجد ... بجد هتساعديني ومش مقلب من مقالبك ...
مليكة : لا والله مش مقلب ... وفعلا ناوية اساعدك ... بس بشرط...
انيكا : اشرطي زي ما انتي عايزة ...
مليكة : انك تعقلي كدا وتبطلي تقفي في وشه وتعملي راسك براسه ... فاهمة ...
