حبيس الذكريات ✔️✔️✔️

Part 52

ظل مكانه ينظر الي والد راجيني وهو يبتعد عنه بسيارته ...

شيفاي : ربنا معاك ويقدرك تعدي المحنة اللي انت فيها ... وبدعي انك تسامحني اني كنت السبب وراء اللي شفته النهاردة ...

كان سارحا عندما افاق علي رنين جواله ... انتبه للرقم ورد بسرعة ...

شيفاي : ايوة يا خالي كويس انك ...

ليقاطعه ...

تيج : شيفاي ... الحمد لله انك رديت عليا ... انا كنت خلاص فقدت الامل وابتديت اقلق عليك موت ...

شيفاي : ههههههه ... تقلق ليه بس ... هو كان ايه اللي حصل ... بس الاول اهدي كدا وخد نفسك وفهمني ...

تيج : اسمع انا لا ههدي ولا هرتاح ولا هقول كلمة سامع الا لما تيجي البيت حالا ...

شيفاي : البيت ... ايه دا انت عندي في البيت ...

تيج : عندك ايه انت التاني ... انا بتكلم عن بيت العيلة ... البيت اللي فيه امك واختك ... ايه نسيته ...

شيفاي : ااااااه ... قصدك الفيلا ...

تيج : ايوة يا سيدي الفيلا ... ممكن تشرفنا فيها حالا ...

شيفاي : اشرفكم ... طب ممكن افهم ليه ... ايه في حاجة حصلت يعني والا ...

تيج : اسمع انا قولتلك مش هفتح بوقي بكلمة ... عايز تفهم وتعرف كل حاجة اتفضل شرفنا مش عايز براحتك بس اياك بعد كدا تسالني عن حاجة ...

شيفاي : طب قولي اي حاجة بس ريحني بيها بدل ما انت هتسيبني للقلق ياكل دماغي وانا مش ناقص ...

تيج : انا قولت اللي عندي ...

شيفاي : خلاص جاي ...

اغلق الجوال وانطلق بسيارته الي بيت عائلته ليعرف سر هذه المكالمة الغريبة ...

كانت انيكا قد تعبت من الصراخ والحركة الكثيرة وراء شيفانش الذي اجهده اللعب هو ايضا واستسلم للنوم ...

كانت بجواره علي سريره بعد ان نقلته من غرفتها الي غرفته وبدلت له ملابسه وانامته واحكمت عليه الغطاء ... ظلت تنظر اليه وهو نائم كالملاك الصغير وعيناها تتصفح ملامحه ...

انيكا " في بالها " : يا ربي معقولة القمر دا يكون مريض وهينحرم طول عمره من ابسط حقوقه ... اااااااه ... يعني ما يقربليش بس مش عارفة ليه حبيته ومش قادرة اتخيل انه ممكن يجي يوم شيفاي يبعده عن هنا ... حاسة زي ما يكون هو السبب وراء كل اللي بيحصل بيني وبينه ... ايوة ... من ساعة ما دخل علينا البيت دا وانا حاسة انه اتغير معايا هو صحيح ساعات عصبيته بتغلبه بس اول ما يحس بدموعي والا تعبي خوفه عليا بينسيه كل حاجة وبس انه بيكون معايا غير اي وقت تاني ... اااااااااه ياني يعني انا ومن غير ما اقرب منه كدا كنت بحبه ودلوقتي بعد ما قربت منه وعيشت معاه الفترة دي كلها مابقاتش بحبه بس لا دا انا بقيت بعشق كل حاجة فيه ... فعلا انت ملاك ومش ندمانة اني وافقت انك تدخل حياتنا وحياتي انا بالذات ...