قامت وهي لا تكاد تشعر باقدامها وهي تسير ... فتحت لتفاجاء به ...
انيكا : ايوة ...
فيكرام : انا اسف ... الظاهر اني غلطت في الشقة ...
انيكا : غلطت في الشقة ... ليه هو حضرتك عايز شقة مين ...
فيكرام : شقة الاستاذ شيفاي ...
انيكا : لا حضرتك ما غلطتش ولا حاجة ... هي دي شقته ...
فيكرام : طب هو موجود ...
انيكا : لا مش موجود ... خير في حاجة تحب ابلغه بيها ...
فيكرام : هو الصراحة في ... بس انا ما عرفتكيش بنفسي ... انا الدكتور فيكرام ... ساكن في الدور اللي تحتكم علي طول ...
انيكا : تشرفنا ... ممكن اعرف الرسالة اللي عايزني ابلغهاله ...
فيكرام : اااااااااه ... يا ريت حضرتك تبلغيه اني عديت عليه عشان اطمن علي حالته ...
انيكا " باستغراب " : حالته ... ليه هو تعبان ...
فيكرام : لا مش تعبان ولا حاجة ما تقلقيش عليه ... بس يعني كان ضغطه نزل شويه كدا وكنت كتبتله علي ادوية وطلبت منه انه يعدي عليا عشان نطمن مش اكتر ... بس الظاهر انه نسي فقولت اطلع اشوفه بنفسي ...
استوعبت ما يقوله وفهمت انه يقصدها هي ...
انيكا : لا ما تقلقش هو بقي بخير وضغطه بقي كويس ... مضبوط يعني ... وعلي العموم انا هبلغه واخليه يعدي علي حضرتك ...
فيكرام : اوك ... بس ...
انيكا : خير في حاجة تانية ...
فيكرام : هو بصراحة في بس مش عارف ...
انيكا : في ايه ... حاجة بخصوص شيفاي ...
فيكرام : لا دي بخصوص ...
ليصمت ما ان سمع صوت البواب ...
تيجوان : صباح الخير يا هانم ... ايه دا الدكتور فيكرام هنا هو ... صباح الخير يا دكتور ...
فيكرام : صباح الخير ...
انيكا : صباح الخير ... انت تيجوان ... صح ...
تيجوان : ايوة يا ست ... انا تيجوان البواب ... كنت بجيبلكم الطلبات كل يوم لكن شيفاي بيه هو اللي كان بيفتحلي ... ربنا يخليهولك ...
انيكا : متشكرة ... ها جبت الطلبات اللي في الورقة ...
تيجوان : جيبتها كلها لكن لا مؤاخذة في السؤال يعني هو حضرتك عاملة حفلة او عزومة ...
انيكا : ليه ...
تيجوان : ما تأخذنيش يا ست انا عارف انه مش من اختصاصي اسال بس قولت يعني لو تحبي حد يساعدك ف ...
انيكا : ف ايه ... ايه انت هتساعدني ... ايه بتعرف تطبخ ...
ليضحك فيكرام ...
