اهتزت يده الممسكة بفنجان قهوته ما ان تذكر تلك اللحظة ... وضع الفنجان من يده واخذ ينظف بدلته من اثار القهوة التي وقعت عليها
شيفاي : كان لازم يتعب عشان الغمامة اللي كانت منعاني اني اشوف حقيقتها تروح من علي عيني عشان اعرف واشوف الحقيقة اللي ما كنتش عايز اشوفها واللي لو حتي كنت شوفتها كنت هرفض اصدقها ... ااااااااه يا شيفانش ... كنت ضحية زيي بالضبط ... دفعت تمن مالكش ذنب فيه واتحملت نتيجة غلطة مالكش ذنب فيها ...
عودة للفلاش باك
الدكتور : استاذ شيفاي يا ريت تهدي شوية عشان نقدر نعرف ازاي الولد انصاب بالمرض دا
شيفاي : انا مش متخيل ازاي طفل وفي السن دا انصاب بمرض زي دا ...
الدكتور : ليه مستغرب ...
شيفاي : يعني اللي اعرفه عن المرض دا انه عدوى بتتنقل عن طريق الاتصال الجنسي مع المصاب او بملامسة المنطقة المصابة يعني عن طريق البوس أو الاحتكاك ... ودا طفل يبقي ازاي انصاب ...
الدكتور : دا اللي كان معروف عن المرض وطرق العدوي بيه لكن اللي لسي ما اتعرفش عنه او مجهول بالنسبة للبعض ان المرض دا يعتبر مرض وراثي يعني ممكن الاب او الام ينقله للطفل وهو لسي جنين ويفضل مع الطفل وما يظهرش عليه الا لو ادت الظروف لظهور المرض ...
احس بدوخة ولم يعد يقوي علي الوقوف ... ترنح ليمسك به الدكتور ويجلسه ويجلس بجواره
الدكتور : انا عارف ان الموضوع دا صعب عليك بس انا عايز اطمنك احنا قدرنا نسيطر علي حالة ابنك بس دلوقتي لازم نعرف مين فيكم انت او والدته المصاب عشان نعالجه ...
شيفاي : وراثي ... ابني مريض بمرض وراثي ... يعني انا ممكن اكون السبب اني ابني مريض بالمرض دا ... انا اذيت ابني وانا معرفش ...
الدكتور : هو احتمال حضرتك تكون مصاب بس المهم هل انت مصاب ونقلت العدوي او العدوي اتنقلتلك ...
شيفاي : هاااااااااااااااا ... قصد حضرتك ان ممكن ما كونش انا السبب ...
الدكتور : احنا دلوقتي هنعمل التحليل وبعدين نشوف ...
شيفاي : وانا جاهز ...
اخذه واتجه الي المعمل لكي ياخذ منه عينة دم لعمل التحليل المطلوب ... وما ان انتهي حتي عاد مع الدكتور الذي اراد ان يتحدث معه قليلا ...
شيفاي : كدا خلاص ...
الدكتور : ايوة ... احنا اخدنا العينة وفي انتظار النتيجة ...
شيفاي : بس ليه عينة دم ...
الدكتور : تعال معايا ...
اتجهوا الي غرفة الدكتور الذي اطلعه علي المعلومات المطلوبة...
